الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 331🍾
بعد دقايق طويلة
________
على رجليه كانت جالسة و بيدها طاسة الشوكولاته معنقاها كاتاكل منها...و مرة مرة تعوج عنقها و تضحك من قبولاتو الموزعة عليها...
بطريقتها شعلاتو و ما رتاحت حتى شافتو مزير...و هو دبا كايبوسها و ما ساخيش طامع فالمزيد...باغي كثر من هاكا...
كان مرة يبوسها و يزيرها عندو بالكاد غايدخلها فيه...يديه كايتحركو مع شعرها كاينشفو ليها و متعامل معاها بحال بنتو ماشي مرتو...
ساريتا:حبيبي أرغد...
دراغون:[غاطس وجهو فعنقها]هممم..
ساريتا:[معوجة فمها]زعما بصح غايأثر وحمي على الپيپي؟...
دراغون:الطبيبة هي لي غاتعطيك جواب مأكد...و لكن من هنا لحتى تجي ما غاتاخديش التيليفون...
ساريتا:[بضيق]بلا ما تجيب طبيبة...هادي فترة وحم و غادوز ..عارفني دغيا كانمل و انا جالسة هاكا عطيني التيليفون نتلاهى بيه...و زايدون ماشي معقول هادشي غايأثر على الجنين...
دراغون:[علا حاجب مقابلها معاه بنظرة فشكل خلاها تبلع ريقها]من كلامك كاتباني ما مسوقاش لصحة الجنين بقدر ما همك الوحيد التيليفون كثر...كانتمنى يكون لي فهمت غلط و إلا...
ساريتا:[بريبة]و إلا شنو؟..
دراغون:[مرر أصابعو ورى عنقها بطريقة بطيئة شعراتها بالخوف]بقدر ما معاملك بطريقة غير لي موالف نديرها مع عيالاتي فالسابق...بقدر ما غانأذيك بحوايج يخليوك تندمي على لعبك معايا فحالة حصلتك كاتخططي ديري شي حاجة للجنين...
ساريتا:[رمشات عينيها كاتستاوعب هضرتو]من كلامك واضح بلي مزال ما تايق فيا...ما تايقش فلي غاتكون أم ولادك...[حركات راسها بالنفي]ثقتك فيا ما هامانيش بقدر ما ضراتني تشكيكك فحبي للجنين...هذا راه طرف مني و كبدتي كيفاش قدرتي تقول هاكا كيفاش...
دراغون:[بنظرات صارمة]ما تكبريش الموضوع من والو...ما تنسايش بلي فواحد الوقيتة كنتي رافضة تحملي...و لكن ملي حملتي تغيرات تصرفاتك حتى من تفكيرك تغير...ماشي حينت ساكت راني ما رادش للبال لتصرفاتك...
ساريتا:[تمالكات راسها عارفاه ما دوزش عليه]الوقت قادر يغير فينا شلا حوايج...و يداوي حتى الجروح...و يغير حتى الأحاسيس...[ببسمة صغيرة مدوزة يدها على صدرو]شكون قال البزناز لي هربت منو سنوات غانكون جالسة دبا فحضنو...شكون قال غانحمل بثمرة زواجنا...
دراغون:[زاد زير عليها بتملك]باش تعرفي أناكوندتي بلي واخا تهربي حتى للخر الدنيا نجيبك لحدايا...انا مكتابك و نتي ديالي...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
