قصة زواج متقـــف الفصــــل الثاني(التتمة)

البارت 240

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  240

حتى سمع صوت عتيق وراه ناطق بجدية..

عتيق:وعدي ليك أ سي دراغون غانلقاه اليوم قبل من غدا..المعلومة المهمة فهادشي وصلاتنا بلي يالاه لتاحق للكلينيك يعني ساهل نجمعو المرضى لي لتاحقو جدد لهنا...

دراغون:[بلا ما يدور لعندو نطق]هو عندو 25 عام بالضبط...عينيه زرقا بحال عيني و عندو توحيمة صغيرة فكتفو..[دار لعندو]هادو معلومات هامة و كافيين تعاونكم..و غاتزيدو تأكدو بتحليل ADN ..

عتيق:واخا أ سي دراغون...غانوزعو رجالنا على جميع المرضى لي لتاحقو بشي أيام لهنا و ندققو فيهم..

سمعو شي دقان فالباب..و دخل الطبيب معاه صلاح للغرفة...

دراغون:[شاف فصلاح لي باين فيه مهموم و رجع نظرو للطبيب]أمدرا؟..

الطبيب:فصيلة الدم  ديالك نتا و المريض متطابقة..و لكن للأسف ما يمكنش تبرع ليه بالدم..

عتيق شاف فدراغون بريبة لا يكون تكشف الأمر و عرف صلاح بلي مخبي عليهم دراغون..

عتيق:[غمز الطبيب مخنزر فيه]دكتور اشنو كاتقصد..

الطبيب:[فهم لي لمح ليه بيه و نطق]سي دراغون عندو الوشام فلحمو و من بين شروط التبرع بالدم أحم ما تكونش واشم...

دراغون:[حرك راسو بالإيماء]و بخصوص لي جاو يتبرعو...

الطبيب:[شاف فصلاح]سي صلاح ما خلانيش نكمل هضرتي و نقول ليكم بلي لقينا جوج متبرعين عندهم نفس فصيلة الدم..نخليكم دبا نمشي عند المريض...

دراغون:بلا ما نحتاج نوصيك..اي غلط حياة لي دايرين بيك غايتحاسبو عليه...

الطبيب:[بخوف]لا لا من هاد الناحية غير رتاح غانوقف على خدمتي حتال اللخر و ما يكون غا الخير..نخليكم..[خرج من عندهم تماك]

تبعو عتيق بعد ما شاف فيها دراغون بنظرة فاهمها مزيان...خلاهم لوحدهم..أب و ولدو..صلاح تقدم لعندو و بلا ما يحتاج يهضر عنقو عناق رجولي حار مزير عليه...

بادلو دراغون العناق كايدوز يدو على ظهرو بحنية...

صلاح:الله يحفضك لينا الواليد..هادشي لي درتي معايا اليوم كبير و عمرني غانساه و لا غانسا وقفتك بجنبي...

دراغون:واخا نقصح تعاملي معاك نتا و خوك..راك كاتبقاو ولادي و من واجبي نوقف معاك...

صلاح:اليوم أنا فرحان و رجعات ليا الراحة بفضلك الواليد..غايجي نهار لي غانرجع ليك هاد الخير الكبير لي درتيه فيا...

دراغون:[بعد عليه كايطبطب على كتفو]غايجي داك النهار...و غاتبرهن ليا ديك الساع...

داز من حداه خارج و خلاه مبتاسم فرحان لي و أخيرا لقاو متبرعين..

مرت دقائق طويلة كان خرج دراغون متوجه للدار...طول الوقت و صلاح و فاتي و هما جالسين هي ما تشوف فجيهتو و هو كايحاول يهضر معاها و هي ما معبراه..

نادم على كل كلمة قالها ليها..كانت أعصابو على الحافة و ضغط كبير عليه لدرجة لسانو ما قدر يتحكم فيه...

هي ما نسات الموقف و الهضرة لي قال ..واخا يكون فاهم غلط ما ينويهاش فيها بداك الشكل و يظلمها بكلامو...لو كانت غريبة عليه كانت غادوزها بجغمة الما و تقول هادا غا فهم الصورة بالمقلوب..

و لكن هذا كان ما نيتوش هاكاك...

شافو الطبيب خرج و هما يقربو لعندو دغيا..

صلاح:كي بقات حالتو؟

الطبيب:[بتاسم ليهم]الحمد لله حالتو مستقرة بدات تحسن...قدرنا نبعدو عليه الخطر ...

فاتي:نقدر نشوفو دبا أ دكتور..

الطبيب:نتي سميتك فاطمة الزهراء؟!..

فاتي:[باستغراب]اه علاش...

الطبيب:هاد السمية كان كايهمس بيها بزاف الداخل...[فاتي دمعو عينيها]غير سيري رتاحي دبا و رجعي عندو غدا تشوفيه...يقدر يتحسن كثر من اللول ملي يشوفك...

فاتي:[بتاسمات]واخا ان شاء الله..شكرا ليك بزاف...