قصة زواج متقـــف الفصــــل الثاني(التتمة)

bart 250

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  250

               •••••••••••••••••••••••••

وقف الموطور حدى راس الدرب و نزل و هي وراه مستغربة من هاد البلاصة لي ما خافياش عليها...بلاصة لي عارفة مزيان شكون فيها و حاكمها...

فاتي:كريم...ما فهمتش علاش جينا لهنا؟!!!...ماشي من المفروض نمشيو عندك عمك؟؟..

كريم:دبا غانفهمو..هاداك العشير هو لي سايفط لي هاد العنوان..

فاتي:ما تنساش هاد الدرب خطير راه حاكمو دراغون راجل ساريتا...

كريم:ثبتي أ فاتي و خلينا فلي جينا على قبلو..خاص نسولو فين كاين عمي بالضبط هنا...

فاتي:[رجعات شعرها من ورى وذنيها كاتفكر]واخا..كيفاش غانقدرو نوصلو ليه و حنا ما عندناش تصويرتو...

كريم:صاحبي قاليا بلي سميتو أرغد الوزاني و هادشي كافي لينا خاص غير نسولو عليه دبا و ما نضيعوش الوقت...

فاتي:عندك الصح..يالاه نبداو و ان شاء الله نلقاوه...

تقدمو داخلين مع الدرب كايدورو عينيهم و يسولو لي داز من حداهم...و لكن ما لقاوش راس الخيط يوصلهم للشخص...

حتى تفزعات فاتي من بلاصتها ملي شافت دراري متصافين على طول الشارع... جايين قاصدينهم و بيديهم مواس كايلعبو بيهم...

كريم جر فاتي دارها وراه و نظراتو ليهم حادة كاتنفث النار...

الدري 1:تشوما شوفو شكون جا..البراني داخل لعندنا..

كريم:بعدو خليونا ندوزو...

واحد من دوك الدراري:تا شوفليك الفنيكيش اش كايقول...زاعم فالهضرة ولد القح•بة...

كريم بغا يقرب لعندهم معصب حتى حس بيدبها ضاغطين على دراعو حابساه...

الدري 2:تا راه ما يمكنش دوز بلا ما تعطينا شي حاجة العشير..يالاه جبد جبد ما عندك قبل ما نخسرو وجه صحايبتك لي وراك و نكملو بيك...

كريم:ما حدني داوي بفمي...خلينا ندوزو حسن لمكم...

الدري 3:أشناااهوا..شفت الفنيكيش ضسرتي و لكن على وجه الغزالة لي وراك ما نخسروش وجهك..[جبد موس ]و لكن ضروري ما نضايفوك بشي حاجة خفيفة...

فاتي وجهها ولا صفر بالخوف خايفة توقع ليه شي حاجة كثر من خوفها على راسها...

كانو غايقربو ليه لو ما وقفوش رجال أخرين مضاعفين لعدد الدراري تماك..وقفو مقابلين مع كريم بملاميح جدية مخاطبينهم...

فاتي:[كاتهضر بشوية]كريم..ما بقيت فاهمة والو هنا..

كريم:بحالي بحالك...ما عرفتش اشنو واقع...

الراجل 1:نتوما كاتبانو برانيين على هاد الدرب...عارفين فين حاطين رجليكم دبا و لا لا؟..

كريم:عارف و حافظ خطاويا فين محطوطين..حاطين رجلينا فوكر البزناز دراغون ...

الراجل 2:من بعيد كاتبانو كاتقلبو على شي حد و لا غلطت؟..

كريم:اه..جيت نقلب على واحد الشخص سميتو أرغد الوزاني الى كنتو كاتعرفوه...

الرجل شاف فصاحبو و تكلمو غير بالعينين..واحد فيهم صايفط ميساج للمجهول و نطق مخاطبهم..

الرجل:تبعوني...