قصة زواج متقـــف الفصــــل الثاني(التتمة)

بارت 345

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  345🚬

فاطمة الزهراء:[رمشات فيها عينيها بصمت خوف ماماها لا تكون كاتفكر فالهرب]

نسرين:[خرجات فيها عينيها]ياك أ فاطمة الزهراء...ياك أ بنت كرشي هي قولي كنتي ناوية ديريها أ دوي..باغا ديريها و تخلي والديك لي رباوك و كساوك و تمرتو عليك ياك...

فاطمة الزهراء:[حركات راسها بنفي]منين كاتجيبي هاد الهضرة...أنا ما يمكنش ليا نديرها و لا نفكر فيها...و لكن غير ملي ذكرتي سيرة الهروب جات فبالي ساريتا...عاد قدرت نفهم سبب هروبها...عاد فهمت الاحساس لي مكانوش حاسين بيه والديها و هما غايزوجوها لبزناز كبير ما عارفش الرحمة...و لايني فنفس الوقيتة غلطات ملي خلات وراها واليديها فيدين داك البزناز...و أنا فحياتي ما غانديرها..ما غانعاودش الغلط لي دارت...ماشي الهرب هو الحل أ ماما...

نسرين:[دوزات يدها على راسها بحنان]هكاك نبغيك أ بنتي..الله يرضي عليك...بنتي ساريتا هاداك هو مكتابها ها هي هربات حتى هربات و فاللخر ولات معاه تحت سقف واحد و ها هي قريب غاتولي أم...و لايني غاتبقى ديما كاتاكل من فلوس الحرام و عمرها ما غاتخرج من داك الغيس..و لايني نتي بغيتك تزوجي فالحلال و تعيشي عيشة الحلال لي يوفرها ليك راجلك..

فاطمة الزهراء:[غمزاتها بضحك]و من غير هادشي نسيتي بلي راجلي المستقبلي غايطلع لي الوراق و يديني لعندو...و ملي نمشي لبرا شكون لي يبقى يوجد لي الشهيوات بحال ديول ماما و الحليوات همم...[فآخر كلامها تبادلو عناق حار]

شوية سمعو صوت كثير برا..حتى بانت ليهم رقية كاتقرقب بالعكاز و حداها آية...

نسرين:[وقفات مقربة لجيهتهم]أهلا أهلا مرحبا  بيكم..

رقية:يرحب بيك الخير أ بنيتي...[دورات عينيها على الكوزينة لي شبه تخوات]تبارك تبارك الله أ دغيا زربتو على هادشي...

فاتي:إيوا أش غانديرو أ خالتي راه ما شفنا نعاس من البارح بالليل و حنا نجمعو حتى طلع الصباح...

آية:أ مالكم على حالتكم..شوفو العيا شحال باين عليكم ديك الساعة عيطو لينا بالصباح و نجيو نعاونوكم...

نسرين:لا أ بنتي حشومة نزيد نعذبوكوم معانا...

رقية:ما كاين بو حشومة..إلى ما عاوناكم دبا إيما غانوقفو مع بعضياتنا غا قولي...

آية:كلام خالتي معقول...يد وحدة ما كاتصفقش و الوقت ما غايقدش...على هادشي محمد صايفط لي يهز ليكم الرحيل...راه برا كايتسناو...

قربات فاطمة الزهراء لجيهتهم باست راس رقية و حضنات آية...

فاطمة الزهراء:تيقوني كون ما وقفتكم معانا فهاد الوضع لي حنا فيه ما كنا عارفين ما نديرو...

رقية:[بتاسمات ليها]راكي فمقام حفيدتي ساريتا...و ربي شاهد شحال واكلني قلبي عليك...

آية:إيوا ما قلتوش لينا باقي فين غاترحلو...

نسرين:غانرحلو للدوار فين عندنا دار ثانية تماك فين منا كاندوزو فيها عطلة الصيف...

رقية:هانا على غدايدي و أنا نسحاب بلي ناويين ترحلو لمدينة خرى...

نسرين:إيوا هادشي لي كاين راكي تشوفي على عينيك لي وقع على غفلة و الراجل غايوحل مع خدمتو هنا...قلنا نمشو للدوار بعدا قريب الحال شوية حتى نشوفو أش نديرو من بعد...

رقية:ها تي تخورجتي فعقلك..قولي ناوية تسرحي لداك السلݣوط الطريق فين يجي لعند بنتك ماشي ترحلي...[ݣلسات شادة عكازها تبرݣم]ها ولاهيلا..وا رحلنا بكري...

فاطمة الزهراء:لا خالتي ماشي حتال لديك الدرجة...هو راه يقلب حتى يعيى ما غايلقانيش..و حتى الى فكر و مشى للدوار ما عندو ما يلقى حتى يعيى و يخويني من دماغو...

رقية:اييه أ بنتي نتي مزال ما تحكيتي مع الذياب و الوقت...كانت هاكا بنتي ساريتا قبل ما تزوج داك المݣلظم...يا شحال رفضات زواج ديالو منها و شحال هربات و فاللخر أشنو؟...فاللخر لقاها و عاوتاني هربات و لقاها...و علاش فنظركم؟..غا حينت كانت كاتهرب و تخبى يا عندكم فالدار لي فالدوار و لا تجي لدار جدها المرحوم...وا خدمو عقلكم شوية و براكة من البهلان...راه بحال داك النوع عندو يا تكوني ديالو يا يقتلك...

فاطمة الزهراء شبكات أصابعها بخلعة كاتلعب بيهم حتى حسات بيد تحطات فوق كتفها..