قصة زواج متقـــف الفصــــل الثاني(التتمة)

bart 252

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  252

كريم:لا ماشي على قبلها...على قبل عمي نتا عارف شحال كانقلب عليه من سنين هادو...و اليوم عرفت بلي كاين فهاد الدرب لنتوما فيه...

سميحة:[وقفات حداهم حاطة يد فوق يد]الله يا وليدي الله.. الله يجمعكم مع بعضياتكم..ديك الساعة قولها لولدي يعاونك حتى تلقاه...

صلاح:عطينا سميتو و حنا نشوفو معارفنا ما ربما يلقاوه هنا فالنواحي...

كريم:واخا راه قالو لي سميتو أر..

قاطع كلامها فالنص صوت رجولي خشن غادي و يقرب لعندهم...

دراغون:[حاط يدو فالجيب و يد على خصر ساريتا بجدية]أنا أرغد الوزاني لي كاتقلب عليه أ ولد خويا...

نزلو من الدرج حتى وصلو لعندهم...و أعين كريم تعلقات فيه ما نزلات من هول الصدمة..باقا كاتردد على مساميعو 'ولد خويا' بحال شي نغمة...ما متيقش لدبا ما دخلاتش لدماغو..

لهاد الدرجة الدنيا صغيرة و الاشخاص لديما كانقلبو غليهم كايكونو قراب لينا...

هادشي علاش اول واحد حل عينو عليه فالكلينيك كان هو؟..هادشي علاش تلقا عناية خاصة اول مرة يلقاها فكلينيك؟...

الكل تصدم و ما طاحت ليه على البال غايكون كريم ولد خو البزناز..

سميحة:كيفاش أ ولدي ولد خوك ما فهمتش؟..

فتاح:الواليد..عندك شي خوك اخور و ما فخبارناش؟؟...

دراغون:[راسم الجدية على وجهو]عمكم حيدر الوزاني سبق و عارفين بلي ولدو الوحيد ميت و لكن فالأصل هو عايش...

سميحة:و الجثة؟..الجثة لي دفناها..

دراغون:البحر ما كانتش فيه جثة...[شد فيد ماماه لي مدمعين عينيها]الواليدة ضطريت نكذب عليك و نقوليك بلي حفيدك لقينا جثتو باش يرتاح قلبك عليه...

صلاح:[حاط صبعو على فمو مصدوم]ما متيقش هادشي...ما متيقش بلي عشيري طلع ولد عمي...

سميحة:[نزلو دموعها و دارت لعند كريم]دبا..دبا حفيدي طلع عايش أ ولدي ياك؟..

دراغون حرك راسو ببسمة صغيرة..خلاها تحرك يدها دغيا لجيهة كتف كريم...و هي تيبس فبلاصتها ملي لقات التوحيمة لي باقة محفورة فدماغها...

سميحة:[حطات يدها الحنينة على خد كريم لي عينيه محمرين باقي مصدوم]كنت حاسة بلي كانعرفك من شوفتي ليك...ملاميحك لي كايشبهو ولدي هما نفسهم...و حتى عينيك لي فطوكوبي عليهم...[عنقاتو مزيرة عليه كاتبكي]الحمد لله يا ربي لي طلعتي عايش...كانحمد الله و نشكرو لي حفضك من الموت أ ولدي...الحمد لله...

كريم رمش عينيه حتى نزلات دمعة من عينو ما مصدقش من هادشي لي سمع...لدبا الصدمة باقي شادة فيه...

طلع شوفتو فدراغون بأعينو المحمرة...غايكذب هادشي لي سمع لو لا شوفتو كل مرة لدراغون كاتفكرو فعمو...كاتفكرو فباه..ملاميحو ما جاوهش غراب...

بادل عناقو لسميحة و يديه كايرجفو...حطات فاتي يدها على كتفو متأثرة بهاد الموقف العائلي...ما مصدقاش هي الأخرى و لكن فور ما يدققو فشبه دراغون بكريم غايجيهم غير عادي...

قربو عندو فتاح و صلاح عنقوه عناق حار و هاد المرة كولد عمهم...حتى هما و صغار كان صعيب يتقبلو خبر موت ولد عمهم لي كان بحال خوهوم...

جات لعندو حتى حسناء بعيون دامعة عنقاتو..بالرغم من هاد الجو كانت فاتي كاتاكل فيها الغيرة من عناقو مع بنت عمو...