قصة زواج متقـــف الفصــــل الثاني(التتمة)

bart 253

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  253

دراغون وسع ابتسامتو ليه حال يديه بنبرة حنية..

دراغون:ما غاتجيش تعنق عمك؟؟

كريم قابلو بابتسامة كبيرة فرحة و تاجه لعندو  بسرعة ... عنقو بحرارة كبيرة كايبكي و جسدو كايتهز فرحان لي أخيرا تجمع مع عائلتو بعد بعد كبير و قاصح عليه بالأخص...

شكون لي يتمنى ما يعيش مع عائلتو وسط الدفئ و الحنان ديالهم..

كريم:عمي..عمي توحشتك بزاف..كنت عارفك غاتلقاني كنت عارفك...

أرغد:[دوز يدو على ظهرو]ششش...نسا الماضي و لي وقع...رجعتي و رجعات الفرحة و كملات هاداك هم الأهم عندي...

كريم:[كايضحك مبعد عليه]فالكلينيك كنت كانشوف راسي فيك..شبهي بيك ما كانش عادي عندي و لكن قلت مع راسي غير كانزيد فيه..ما كنت متوقع بلي نتا هو عمي..

صلاح:[رما يدو على كتف كريم]دبا غانوليو نعيطو  ليه كريم و لا نزار..

أرغد:[مسح دموع نزار بصبعو]صافي جمع خناينك   ما عنديش مع الدراما بزاف...

ساريتا:نزار حسن[فرحانة]أخيرا لقيتي عائلتك أ كريمو فرحت ليك من قلبي...

مشات بغات تعنقو حتى حسات بيد قوية زيرات على دراعها...جمعات ضحكتها و دارت بالعرض البطيئ لعند دراغون لي مرمقها بتخنزيرات جمدوها...رجعها لبلاصتها بجنبو ناطق بهمس شديد كاتسمعو غا هي...

دراغون:فالفوق نتفاهمو على هاد الزعامة كاملة...

ساريتا:غير من الفرحة بغيت نبارك ليه..راه هو بحال خويا عادي...

دراغون:[ما بغاش ينوضها معاها فهاد اللحظة]الفرحة خرجيها فالهضرة مع صاحبتك الفوق...طلعي نتي و ياها...

ساريتا:[غوبشات فيه و مشات وشوشات بشي حاجة لفاتي و طلعو الفوق]

سميحة:[باطمئنان]ولدي نزار كاضرك الجرحة بزاف؟..

نزار:[حرك راسو بلا]ماشي بزاف أ جدة...

سميحة:الله الله على وليدي كيف ولا ضعيف...ما تسالني عليها حلوف يا وليدي حتى ندير ليك شي شهيوات كاتبغيهم تلحس يديك وراهم...

نزار:[باس يديها]شحال توحشت دوك الشهيوات أ الميمة...ما كرهتش نذوقهم...

دراغون:[ضرب على كتفو بجدية تامة]من اليوم بلاصتك هنا و مع عائلتك..ما نبغيش نشوفك بعيد عليها مرة أخرى...

نزار:و لكن أ عمي ما نقدرش نخلي داري و نجي...يعني صعيب الحال و أنا ولفت نسكن بوحدي...

دراغون:كاتقصد البيت فالسطح لي كاري؟..سحابتي بلي معارفش لا فين ساكن و لا أشنو كاتاكل؟...

نزار:[حنحن]ما بغيتش نثقل عليكم أ عمي...

دراغون:هاد الهضرة كاتبين بلي مزال غراب عليك[جرو من ورى عنقو بنظرة صارمة حادة]مرة اخرى نسمع بحال هاد الهضرة نقطع ليك لسانك...حوايجك صايفط لي يجيبهم لهنا و هنا فين غاتولي تعيش معانا من هنا لقدام...

صلاح:غاتجي و تولي تنعس معايا فالبيت ديالي شكون بحالك...

سميحة:[تحنات على صندالتها عطاتو للظهر نيشان]هاك هاك على تنعس معايا ها ما حشمتيش لمك ما ستاحييتي...خرجتي ليها طاي طاي و وليتي لوبيا يا بن السلݣوط...[دارت لعند نزار مفقصة عاطتو حتى هو]و نتا شفتك أ وليدي ساكت عاجبك الحال ياك!!..تسحاب لبوك كبرتي على العصا...

نزار:[كايبعد عليها مغوبش]وا لا الميمة الله يحفضك..يدك قاصحة ما تفكرينيش فالعصا لي كنتي كاديري لينا...

فتاح:ما تديش عليهم الميمة..راهم محرمين من الحنان خليهم ينعسو مع بعضياتهم حتى يتزوجو...

دراغون:[قندفو معلي حاجب]ما بقيتيش كاتحشم أ ولدي فتاح...جمع راسك و ما تنساش راك كاتهضر مع الواليدة...[شاف فنزار]و نتا أجي نهضر معاك...

نزار:واخا أ عمي...و لكن بلاتي حتى نوصل فاتي لدارهم..

سميحة:و شكون هاد فاتي اش كاتجيك باش توصلها للدار أ وليدي؟...

نزار:حشومة أ الميمة نخليها تمشي بوحدها و هنا فيه دياب ما فيه أمان...

سميحة:[طبطبات عليه]تبارك الله تبارك الله على الصواب..ما صاب هاد العجول يديرو بحالك...و لكن عيب نخلوها تمشي بلا ما تغدا معانا ياك أ وليدي أرغد..

دراغون:ديري لي عجبك الواليدة ما عنديش مشكيل...