قصة زواج متقـــف الفصــــل الثاني(التتمة)

bart 306

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  306💀

الراجل:علاش ا سي حيدر؟.. راني قلت ليك غير 10 دقايق نجيب فيهم لي خاصنا فالماكلة و نجي...

حيدر:[شد على راسو بعصبية و ضرب الكرسي حتى تكركب]اععع...راسي غاينفاجر عليا بالتفكييير غاينفاجررر...هاد الهدوء لي انا فيه ما عاجبنيش...ما عاجبنيييييييييش...

الراجل:هاد الهدوء فصالحنا ا سي حيدر..ما نظنش غايكون عارف دراغون بلي نتا وراها...

حيدر:[مغوت بحر جهدو]تسحاب لكر•ك كاتعرفو حسن مني...هاداك راه خويا و أنا عارفو دبا كايفكر فشي حاجة كبيرة...كبيرة بزاف...حاس بيها غاتضمرني...

الراجل:[بخوف]كاتقصد بلي دراغون غايكون عارف فين كاينين دبا؟...

حيدر:على هادشي يا المكلخ ختارينا هاد البلاصة لي ما غايعرفنا فيها حد...و لكن ما غانبقاوش على هاد الوضع حتى يوصل لينا...

الراجل:لهي؟..

حيدر:[بشر ناطق]غانهضر مع واحد السيد كانعرفو غايعاونا نهربو لبرا البلاد مؤقتا حتى تهدى القضية ..و فهاد الوقيتة فاش كايخطط دراغون يقضي عليا غانسبقو و نقضي عليه...

الراجل:[حس بالرهبة و عدم الارتياح فهادشي]ي..يعني غانكملو فداكشي لي خططتي ليه؟..

حيدر:[بخبث]و فأسرع وقت...موجد فكرة فبالي...ديك مراتو لي خربات خطتنا غانقتلوها و نخلوه منشاغل بيها...و فديك الوقت غانكونو هربنا لبرا البلاد...

     _____________

بعد ما تيقات حتى كانت غاتحط مسارنها...كان غسل ليها وجهها و نشفو ليها...و تحنى هزها بين يديه و هي ساخفة واضعة راسها على صدرو...

ساريتا:[بنبرة خافتة متشبتة فيه كاتشم فريحتو الفايحة]خليك معايا ما تمشي فين...

دراغون:[باس فوق شعرها بحنية]هاني غير حداك أناكوندتي...خاصك دبا ترتاحي نتي و الجنين...

حسات بيه قادها فبلاصتها و غطاها...كان غايبعد يجلس فبلاصتو المعهودة سلامة ليها و لجنينها...ما بغاش يتزاحم معاها خايف يعݣرها فشي بلاصة...

و لكن شدات يدو مزيرة عليه قبل ما يجلس خلاتو يلتافت لجيهتها بهدوء...قبل ما تقابلو بشوفة آسراتو كاتبحلق فيه...

ساريتا:[بهمس]هاد المخدة لي متكية عليها ما تساويش صدرك لي ولفتو فنعستي...

شاف فيها شحال..يكذب الى قال صابر على هاد الوضع و هو فكل ليلة حاضنها بين يديه...النعاس ما بقاش حاس بطعمو و هي بعيدة عليه...

واخا فنفس الغرفة جامعاهم الا انه على قبل جروحها لي ما طابوش ما قادرش يقرب ليها كثر...

و لكن ما قدر يتجاهل طريقة شوفتها ليه لي كاتناديه بدل لسانها يقرب لعندها...بالفعل لبى طلبها البسيط و زول صباطو...قرب لعندها تخشى حداها..ما كافيهمش الباياص و لكن ما عطاوش اهمية من غير انهم كانو متعطشين لهاد القرب...

وضعات راسها على صدرو معانقاه و معاليم الراحة ظاهرة عليها..النوم زار جفونها من يدو لي كاتلعب فشعرها...و عينيه فالسقف كايفكر و يفكر بلا توقف...