قصة زواج متقـــف الفصــــل الثاني(التتمة)

البارت 230

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  230

-----------------------

كانت واقفة مقابلة مع ماريوها كاتبدل فحوايجها..و عقلها التحت..يالاه لبسات دوبياس تحل عليها الباب...خلاها تقفز و طلع راسها دغيا لجيهتو..ثواني و تغيرو ملاميحها للتفاجئ...

و هو كان واقف بابتسامة حنونة شحال توحشها و توحش يشوفها فالدار كاتسناه..متعطش لشوفتها...عيونو سكاناوها من الفوق للتحت ما قدرش يحيد عينيه على جسمها...كل بلاصة توحش يخلي فيها ملكيتو..

حتى وعات على راسها بشوفاتو ليها..و تفكرات لي قالت ليها ساريتا...طارت دغيا هزات بينوار لواتو عليها...و نطقات بصوت حاد مخنزرة فيه..

آية:نتا أشنو يحساب ليك حتى داخل عليا هاد الدخلة هاا؟..

محمد:[قرب لعندها بخطوات] جاي نشوف مراتي..و حتى حد ما غايمنعني...

آية:[كاتهضر و ترجع باللور موازية مع خطواتو السابقين ليها]ما مراتكش أ سيدي..ما بقات بيناتنا والو...دخلها لعقلك يكون حسن...

محمد:[حاصرها مع الحيط و عينيه فوسط عينيها]لسانك كايقول حاجة...و لكن عينيك و قلبك كايقولو حاجة أخرى...[حط يدو على خدها]ما تقصحيش قلبك عليا و رحميني..خلينا نساو لي وقع و نبداو حياة جديدة...فيها غا أنا و ياك..

آية:[باستهزاء ناترة يدو من على وجهها]أنا و ياك؟..ببساطة قلتيها..كون ما عارفيني عائلتك مزيان كانو غايقولو أنا لي كانحرضك عليهم لدرطة ما بقيتي عاطيهم حتى قيمة فهضرتك...

محمد:[بنبرة حادة]عائلتي شكون لي قال ليك ما عاطياهم قيمة؟؟..هادشي كامل كانديرو على ودهم..الخدمة اللخرة لي معاجباكش هي لي بيها قدرت نجيب طرف الخبز ليكم...

آية:هاد الخدمة أ سيدي خليتيها تأثر عليك..على حياتك الشخصية..وليتي تعامل ختك بحالا هي مجرمة..ما كفاكش هادشي لحتيها فيدين بزناز و خليتيها..ما قلتي راه كايهددها ما قلتي هي دبا كاتعذب...ما قل

محمد:[خرج فيها عينو مقاطعها بعصبية]بااااركا ما دافعي عليها و على فعايلها...بااااراااكا...هاديك لي كادافعي عليها ماشي ساهلة بالمرة كاتسمعي...

آية:[قفزات من غواتو..تنهدات بيأس و قالت]خرج عليا..خرج عليا من هنا و نساني..نسا شي وحدة سميتها آية تعرفتي عليها شي نهار..نتا ما تستاهلنيش..

محمد:[حاوط وجهها بين يديه..حاط جبينو على جبينها مغمض عينيه]ما ديريش فيا هاكا..نتي مراتي و تاج فقلبي نتي ما عارفاش مكانتك عندي...ما دمريش علاقتنا بهاد الشكل

آية:[نزلات دمعة حارة من عينيها]سنين و أنا صابرة معاك حتى كونتي مستقبلك..كنا كانبغيو بعضياتنا من ايام المراهقة..تعقل ملي قلتي حتى حاجة ما تفارقنا من غير الموت..قلتيها و نتا واثق و متأكد..عمري ظنيت غاتكون الخدمة السبب..

محمد:[تنهد بحرقة]الى كانت الخدمة هي الحل أنا مستعد نتخلا عليها على قبلك غير ما تخلينيش...

آية:[حركات راسها بلا]لا وياك تخلا عليها..هي حلمك ملي كنتي صغير ما تخليهش...أنا كل لي طلبتو منك تخلا على شخصيتك لي القاسية...حنا بغينا محمد الحنين و الضريف مع عائلتو ماشي قاصح و مكايرحمش...

محمد:[بعد راسو عليها ناطق بلهفة]تيقيني أنا مستعد من دبا نغير شخصيتي على قبلك..من دبا..غير رفضي فكرة الطلاق و خلينا نرجعو لدارنا..

آية:ماشي بهاد السهولة..قبل ما توافق على شروطي..و فحالة عتارضتي غا يبقا الكلام فالمحكمة...

محمد:[شد يدها باسها]طلبي و آمري..و أنا غانفذ بعيني مغمضين..نعطيك حياتي..

آية:[بجدية ناطقة]الشروط ساهلين..بغيتك ترجع جداتك للدار..و الأهم ترجع علاقتك بختك كيف الأول و حسن و طلب السماحة منها...

محمد:جدة نرجعها ماشي مشكيل[ظهرو معاليم الغضب على وجهو و نطق]و لكن ساريتا هادي هي لي عمرها غاتكون..عمر علاقتي بيها غاتحسن..

آية:[بعدات عليه عاطياه بالظهر ماسحة دمعة من خدها بهمجية]إذن براتي توصلني...