الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 311💀
فاتي:[طلعات عينيها الحمرين بالدموع فيها]واش ما كاتشوفيش حالتي أ بشرى...ما تزيدينيش الله يرحم باك...على الأقل هاد الدموع هما لي مونسيني...
بشرى:[تنهدات و حطات يديها على كتافها]واش سحابتي بالدموع غايتحل المشكيل...واليديك موافقين على العريس و ما عندك ما ديري...ماشي نتي اول و لا اخر وحدة يتبزز عليها الزواج...فاللخر شحال من وحدة ها هي عايشة مرتاحة فدار راجلها ما خاصها خير...
فاتي:[خبطات يدها بعنف]و لكن انا ماشي منهم..ماشي منهم...ما بغيتش نتزوج ما بغيتش...علاش حتى واحد ما بغى يفهمني و يسمعني علاش...
بشرى:وااه وا زدتي فيه...قلنا المشكيل فالعريس ما مرتاحة ليه واخا ما شفتيه...و لكن باش تقولي ما بغيتي ݣاع تزوجي هنا انا ما معاكش...و شكون بحالك جا عندك عريس شهوة منو و عايش فبرا يطلع لمك الوراق و يديك لتما [صغرات عينيها]و لا ياكما عندك شي حد فحياتك؟...
فاتي:[تزير عليها قلبها و مسحات دمعتها بحزن]ماشي ضروري يكون عندي حبيب باش نكره الزواج...
بشرى:[قدات ليها الشعر]الله يهديك و كان...البنادم كايفكر بعدا غا فمصلحتو و نتي خليك بهاد العقلية حتى تبوري حدى والديك...[سمعات صوت الزغاريت]ها هما جاو.. عندك الزهر قاديتك فالوقت...
نوضاتها مبتاسمة ليها كاطلع و تنزل فقفيطين جوهرة لي جا معاها مع شدة الشعر لي خلاتو ليها مرخوف...
بشرى:[قادات ليها الݣصة]ما شاء الله جيتي غزالة يا حبيبتي...الله يحجبك من العين...
فاتي بتاسمات ليها بأسى و جرات بخطواتها الثقال لجيهة الشرجم...طلات منو و لمحات لي باغي يخطبها فرحان وسط عائلتو لي عاطياها الزغاريت...
عندو حقو فالزين و كايبان عندو شخصية و مرزن و لكن تمنات لو يكون نزار فبلاصتو...كانت غاتكون فرحانة و مخلوعة...التوتر يكون واكلها...
بخطوات بعيدة كانت مجموعة الدراري مجمعين كايكميو و متبعين البنات بعينيهم كايلوحو كلمة و جوج...واحد منهم لمح جوج طموبيلات ديال الناس الهاي وقفو..و الزغاريت تسمعو...
نساحب من ديك المجموعة مبعد شوية و دوز الأبيل لواحد الشخص كان بقى شحال حتى جاوبو بتعب...
نزار:أ فين أ العشير...
الدري:كي داير أ الخوادري شحال هادي ما شفناك...
نزار:اودي ها حنا كانسلكو مع الوقت راك عارف...[رد البال معاش مصوني ليه]أش عندك تم..الامور بيخير؟..
الدري:وا الصراحة العشير شفت شي حاجة ما هياش فالبلان و قلت مع راسي نقولها ليك ما حدني كانراقب فدار عشيرتك...
نزار:[توكض ناطق بعدم فهم]اش كاين..طلقنا للهضرة...
الدري:[حنحن]احم أودي ما متأكدش حينت قلتي فاطمة الزهراء مسافرة و لكن شفت شي طموبيلات واقفين حدى دارهم...و نازل شي واحد بالكومبلي و هاز الورد تابعينو طاسيلتو بالكادوات..و باينة من الطيارة بلي شي خطبة كاينة...
نزار:[تصدم..بحالا كبيتي عليه سطل د الما]اش اش كاتخربق نتا...اش كاتخور...كيفاش كيفاش خطبة...غاتكون غا ما شفتيش مزيان راه فاتي قلت ليك ما كايناش هنا.....
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
