الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 317💀
عيسى:[حرك ليه راسو شايف فيه تقولي ماشي هذا لي كان خايف منو البارح]الله يكبر بيك أ ولدي...و حاجة اخرى بغيت نقولها ليك[شاف فيها دراغون بمعنى اشنو]نتا عارف بنتي طبعها كي دايرة و حفضتيها قبل ما تطلبها مني للزواج...لي نطلب منك أ ولدي توسع خاطرك معاها و تهلا ليها...
دراغون:بلا ما توصيني على عينيا[بنبرة رجولية ثقيلة]بنتك من اللول قلت غانحطها فعينيها و ما نخلي يضرها...
عيسى:[ضرب على كتفو]الحمد لله بنتي داها راجل يعرف بقيمتها...الله يرضي عليك أ ولدي تفرح بولدك و لا بنتك...
دراغون حرك راسو ببسمة صغيرة و نساحب من حداه بهدوء...مخليه يدخل لعند بنتو يهضر معاها شوية...
و هو التحت نزل سول على أول واحد لهو نزار واش جا للدار و لا مزال...من ورى لي وصلو البارح بالتفاصيل بقى حاط عليه رجال يراقبوه..عارف دمو حامي و ما كايصبرش...
نــــــــــجلاء
بعد مدة و هي فالحمام...خرجات كاتنشف وجهها الصفر و بصعوبة واقفة حتى جلسات على السرير...
و البنت لي حداها كاتشوف فيها و تنهد من حالها قبل ما تسمع صوتها الضعيف قايل...
نجلاء:غير هضري هضري و جبدي لي نفس الموال ثاني...
البنت:لا لا هاد المرة بانت لي من غير هاد المرض لي ما عارفاه اشناهو غايزيدك هم ثاني غا الله يستر...
نجلاء:[خنزرات فيها]نتي أش كاتخربقي على إينا هم ثاني...غير خوي دوك الافكار التافهين من بالك...
البنت:و أشنو معنيتها دخلي تقياي ليا الداخل حتى من الشهية مسدودة ليك ما بقيتي تاكلي...بلا ما نهضرو على النعاس لي وليتي تنعسي كثر من القياس...
نجلاء:[من عصبيتها لي كانت كاتماها بانت فور ما خرجات من الحمام]زتي فيه لا؟...بقى ليا غا الحمل ..ما حشمتيش ؟..و انا من راسي لساسي ما عارفة اشنو بيا و زايداني بهاد هضؤة د النم..
البنت:[طلعات فيها و نزلات]و مالكي تجونني غا بوحدك تكالماي دابا يطرطق فيك شي عرق...[دازت من حداها]حيدي لهيه وا زوينة هادي...
قربات للباب بغات تحلو حتى سمعات شي حاجة طاحت مباشرة وراها...دورات راسها بزربة و هي تشهق مخلوعة ملي شافتها فاقدة وعيها...
جــــــيهة أخرى
فبيتها كانت متكية فوق سريرها و معنقة مخدتها...كاتمسح بكم بيجامتها دموعها و كاينزلو جداد فبلاصتهم...صوت تنخصيصها قطع فقلب ماماها لي كادوز يدها على شعرها و حتى هي ما عاجبها هاد الوضع..
تمنات فعوض ما تشوفها تبكي تكون فرحانة لخطبتها...و لكن قلبها لي دارها ليها...
نسرين:بنتي الله يرضي عليك براكا من البكا براكا ما تحرقي قلبي عليك...هادشي كامل لي درت على ود مصلاحتك...
فاتي:[غير ساكتة و تبكي]
نسرين:[تنهدات]الله يا بنتي وغير هضري قولي ليا شي حاجة...ما تخليش قلبي يتشوا عليك...
فاتي:[بصوت مبحوح نطقات و هي دايرة لعندها]البارح كذبت عليك..انا ما كنتش عند الجارة و لكن هو جا لعندي...[دمعو عينيها ما قادراش تكمل من شهقاتها]
نسرين:[حطات يديها على دراعها مزيرة عليها بخوف من لي غاتسمع]ش..شنو...شنو دار ليك هضري؟..واش قاسك؟...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
