قصة زواج متقـــف الفصــــل الثاني(التتمة)

بارت 272

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  272🎲

دراغون:[بنظرة حادة فيه مقرب لعندو حتى وقف قدامو]فحالة كنتي جاي تكمل ما بديتي غانقطع لسانك قبل ما تنطق بكلمة...

فضيلة:[سابقات محمد فالهضرة مرتاجفة]لا لا وليدي أرغد هو جاي على ود يطلب السماحة من ختو على داكشي لي دار ليها...

ساريتا:[صمتات كاترمش عينيها بزربة..بغات تقبل السماحة و لكن لي دار فيها ماشي قليل]

محمد:[داز متخطي دراغون لي متبع البلان بصمت..تقابل مع ساريتا حاط كفوفو على خدودها]كانعتارف بلي غالط..كانعتارف بلي خدمتي سيطرات عليا و قسيت عليك..و دبا كانطلبك تسمحي ليا أ ختي...سمحي ليا على الآذى لي سببت ليك...

ساريتا:[بهدوء]ماشي بالساهل غانسى لي درتيه...العنف هو الحاجة لي تلقيت منك كثر من الاهتمام و الحب الأخوي...

محمد:باش نربيك و حينت خوفان عليك من تصرفاتك اللاعقلانية كانضربك و نقول ليك كلام جارح باش تخافي و تحشمي...نتي لي خليتيني ندير هاكا...و لكن ندمت..

ساريتا:[نزلات دمعة من عينيها]ما كنتيش غير خويا و صافي...كنتي بابا لي فحنانتو كنتي معوضني بيه...هربت و ما ترددتش نجي عندك حينت عارفك ما غاتسدش عليا الباب فوجهي...و لكن ما سحابتش بلي أيامي فدارك غاتكون من أسوئها...

دراغون:[دوز يدو ورى ظهرها بلطف]هادشي ولا من الماضي...ما ضغطيش على راسك..و كانظن بلي خوك فهم جوابك...

محمد:[بندم ظاهر عليه]ختي سمحي ليا...سمحي ليا بزاف..غيابي فحياتك حسن من وجودي...بسلامة عليك...

حدر راسو و عطاها بالظهر غادي حتى حس بيد صغيرة حاوطات يدو...دار بسرعة لليد لي شداتو و طلع عينو لعندها...

كاتشوف فيه برأفة بابتسامة وسط دمعة نازلة...

ساريتا:دغيا سخيتي بيا أ خويا...

محمد بتاسم ليها بسمة كبيرة و حل يديه ليها...مخليها تسارع بخطواتها لعندو معانقاه بقوة...حاوطها بين دراعو عيونو محمرة و شحال رتاح من عناقو بيها لي كايعني بلي الأمور تقادات بيناتهم و علاقتهم رجعات...

ساريتا:قلبي ما كايحقدش عليك أ خويا...بلاصتك ما غاتغيرش...سامحتك أ خويا...

محمد:كنت عارف بلي قلبك كبير و غاتسامحيني..[بعد عليها شوية كايبوس فيديها]أنا كانواعدك عمرني نتجاوز معاك الحد و نعوض على دوك الليام لي عاملتك فيهم خايب...

ساريتا:غانساو لي فات و نركزو على حياتنا الجاية..

فضيلة دمعو عينيها بتأثر من منظر وليداتها...شكون لي ما يكره المشاكيل تزول بيناتهم و يحنو على بعضياتهم و يبقاو أخوة متاحدين...قربات لعندهم عنقاتهم فحضنها بجوج و ففمها كلمة الرضا و الدعاوي الزينة ليهم...

قرابتهم دراغون متبعهم بهدوء منعاجب من تصالحهم و العلاقة لي رجعات كيف اللول...

لو كان ماشي فصالح ساريتا حبيبتو و يخليها فرحانة و مرتاحة ما يخلي خوها يطول فالجلسة هنا...

لو كان ما شافش ندمو الباين عليه كان غايخنقو بيدو على لي دار فأناكوندتو...

غيرة دافنة كايرمقها بيهم من عناقو بيها...كايصبر راسو و يقول خوها باش ما يزيدش خطوة لعندو و يهرس ليه دوك اليدين لي ملامسين أناكوندتو...

قربات لعندو ماماه سميحة بحالا حسات بيه من نظراتو الموجهة لساريتا...طبطبات على كتفو ببسمة صغيرة..جرها لعندو باسها من جبينها ببسمة مقابلة لبسمتها الحنينة...