قصة زواج متقـــف الفصــــل الثاني(التتمة)

بارت 347

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  347🚬

ساريتا

بقات لدقائق و دقائق و هي كاترمش فعينيها بسهوة فيه...كأنها عاد كاتدارك الوضع لهي فيه..بلا تردد فحصات نبضو و تنهدات براحة ملي لقاتو مزال كايتنفس...

تقدر تكون خافت من الفعلة لي دارت..و الندم بدى يستاوطنها و لكن ما ظاهرش عليها من أعينها الحمرا و هي كادور خاتم زواجها بين صبعها...

ساريتا:مزال ما تزاد هذا لي يحيد هاد الخاتم من صبعي...[بشر]و لي فكر يديرها ما غانرحموش...

هدأت شوية و رتاحت..ناضت من بلاصتها بهدوء مدورة عينيها على المكان...

أقل حاجة لي ندمات عليها أنها وصلات برجليها لهنا...لو ما فكراتش بطريقة مناسبة كون دبا ما غاتكونش حية...

تحنات هزات داك الموس لي ضربات بيه داك الراجل...ما تايقاش فيه ينوض و يشكي بيها للبوليس...

و لكن فنفس اللحظة ساهية فالموس..كانت من ديما كاتستعملو يا فالكوزينة و لا تخوف بيه شي حد الى جبدها..و لكن عمرها جا فبالها غاتستعملو باش ضرب بيه شي حد غير باش تحمي راسها..

مع الهزة لي هزاتو...دارت بسرعة ناوية تخرج حتى تكوانسات فبلاصتها...و هي عينيها معلقين فوسط أعينو الزرقا مركز فيها الشوفة...

شوفة ما فهماتش نوعها و هي تيقنات من حاجة وحدة...ما غايدوزهاش ليها على خير و هي عارفاه خاصة انها تجاهلات توصياتو ليها...

دور بؤبؤ عيونو فالݣاراج الخاوي..حول نظرو لداك الراجل لي طايح فالأرض مغمض عينيه..للدم الواضح فقميجتو و قلبهم لجيهة ساريتا و هي بملاميح هادئة مصطنعة..

خبعات الموس وراها و قربات لجيهتو بخطوات بطيئة خافية وراها خوف منو...قبل ما تفتح فمها كانت تخطبات مع الحيط اثر الشدة لي شدها من جناب عنقها من تلقاء أصابع يدو مزير عليا..

دراغون:مراتي المصونة لي خليت فالدار واخدة راحتها هنا كاتفنن فالقتيلة..[زير باليد الثانية على الموس و هي مخسرة سيفتها من الآلام فالشدة لي شادها]يمكن قاطعتك و هي كاتهندسي بأشمن جيهة غاتفصلي فيه...واش يديه و لا رجليه و لا راسو...

ساريتا:[حطات يدها كاتحاول تحيد يدو المحكمة عليها ما متيقاش الطريقة باش كايهضر]أرغد رخي مني رخي...و عرف أش كاتقول هذا لي كاتهضر عليه راه بنادم كاتفهم بنادم...ما متيقاش كيفاش كاتهضر عليه بحالا هو حيوان...

دراغون:[ميل فيها راسو بهدوء مميت]كاتدافعي عليه و عينيك  فوسط  عيني...[نهضها بضربة كانت غاتجي فوجهها لو لا يدو لي تحركات فآخر اللحظة و تضربات فالحيط]بنت لمك يا الكلبة دمدومة لي تدافعي على زا•مل قدامي...

ساريتا:[بلعات ريقها بعدم تصديق عارفاه الى تعصب ما كايبقى عاقل على حد]أش ج

قاطعها دراغون بشدتو لشعرها حتى حسات بيه غايتقلع من بلاصتو...و حطات يدها فوق يدو كاتحاول تملص منو

دراغون:خليتك فالدار يا اللفعة قلنا ما نزيروكش فالدار بحال الحيوان...و فاللخر جالسة كاتسلتي فغيابي....

ساريتا:كانت عندي أسبابي...

دراغون:اينا اسباب[كان كايجمعها معاها غير تحكم فراسو]...اينا أسباب لمك يخليوك طيحي بكلمتي الارض و تصلݣطي ليا...

ساريتا:أرغد رخي مني...رخي كاتضرني...

شافتو ما غايرخيش منها و هي تهز رجلها ناوية تضربو لرجولتو مخنزرة فيه حتى شدها و حاصرها مع الحيط...مع فارق الطول جابت ليه الضحكة من تصرفها...

دراغون:واش لمك شاطت عليك هاد الرجل كاتقلبي عليا ندفن طاسيلتك فهاد الݣاراج...

ساريتا:[عينيها فوسط عينيه بلا خوف]عارفاك تديرها و تفوتها...ما عرفت كي درت حتى صب[بغات تكمل هضرتها حتى وعات اش غاتقول و قلباتها قبل ما تزبلها]دبا غير رخي مني و خلينا نهضرو بحال الناس العاقلين..

دراغون:[عوج عنقو مغمض عينيه و حلهم فيها راخي منها]ما حدني شاد فراسي بزز غاتقولي ليا اش جاب لمك هنا...

فور انتهاء كلامو سمع شي حس وراه...

ساريتا:[لمحات نزار كايتسلت شاد فراسو]أرغد غايهرررررب...

دار دراغون بكامل جسدو فنفس اللحظة كان خرج نزار...و سد عليهم الكراج...

تقدم بخطواتو الكبار كايضرب بحر من جهدو بقبضتو...

دراغون:حل هاد القلا•وي حلللل...حلل بربي يا البرهوش و نشدك حتى نوريك اللعب معايا...

قربات عندو ساريتا شدات ليه فدرعو مدوزة يدها عليه...كاتشوف جسدو كايرجف من العصبية لي شداتو...

ساريتا:تهدن أ أرغد شوية تهدن...ما كايتحلوش المشاكيل بالعصبية...تهدن و تكايس على صحتك...