قصة زواج متقـــف الفصــــل الثاني(التتمة)

البارت 216

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  216

حركات راسها بلا بعدم استيعاب..و دموعها خداو الانطلاقة ينزلو متسابقين على خدها...

ساريتا:أ..أرغد..أر..أرغد...م..مايمكنش لا ما يمكنننننش[نهارات جالسة على الأرض مغوتة بحر جهدها]أرغددددددددددددد....

حركات راسها بلا كي الحمقة و جمعات الوقفة حالة الباب و نزلات فالدروج كاتجري و هي حفيانة...ما عقلاتش شحال من درجة نقزات و حفضها الله ما جات طايحة...

فالتحت كانو جالسين دايرين على الطبلة كايتعشاو ..و حسناء خارجة من الكوزينة هازة البلاطو بغات طلعو لساريتا الفوق..حتى قفزو من الغوتة لي سمعو..

فضيلة:هاويلي يا بنيتي مالها تاتغوت..[ناضت مخلوعة]الله يحفض اش واقع للبنت..

فتاح:[بقلق مصطنع]ياكما الأميرة الصغيرة شدها شي وجع؟..[شاف فسميحة خنزرات فيه و هو ينوض]غا ضاحكين الميمة بلا دوك الشوفات..و زيدي شوفي ديك لي الفوق..

هاد المرة سمعو شي حاجة تهرسات...خلاو العشا و ناضو كاملين مخلوعين بما فيهم سميحة و فضيلة و فتاح...سحبو وقعات ليها شي حاجة و لا جاها شي وجع...

يالاه كانو غايطلعو حتى بانت ليهم نازلة تجري بحال الحمقة و الدموع سابقينها...ففمها كلمة وحدة و هي أرغد..

ساريتا:م..ما غانخليكش تمشي و تخليني..ما غانخليكش...

بغات تحل الباب تخرج و عقلها مرفوع...باقي داك الكلام فوذنيها كايتعاود...حتى حسات براسها تشدات من يدهم مانعينها تخرج...

فضيلة:[باستغراب]بنتي هاويلي فين غادة فهاد الليل و فهاد الحالة؟...أش كاين؟أش واقع ليك؟...

ساريتا:[كاتبكي و شهقاتها عالين]طلقووووني..طلقوووني الله يرحم ليكم الواليدين نمشي لعندو...طلقوني أنا مزاوݣة فيكم لما طلقوني...

سميحة:[بخوف على حالتها]الله يهديك أ بنتي قولي لينا اش واقع ليك...و فين غادة الله يرضي عليك؟...ضاراك شي حاجة؟..مشهية شي حاجة؟...[تلفتات لعند حسناء]طيري جيبي شي كاس د الماء...

ساريتا:[وجهها ولا حمر بالبكا..كاتحاول تنتر منهم و بلا نتيجة]وا عباد الله طلقوني نمشي لعند راجلي..وا عباد الله طلقوني أنا مزاوݣة فيكم...الله يعطيكم الخير لما خلوني نمشي لعندووووو....

سميحة:[طاح فيها النص ملي سمعات حس ولدها]و..ولدي أرغد..[حاوطات خدودها بيديها ناطقة بذعر]ولدي أرغد مالو أ بنتي؟...هاا؟..أش بيه!! أش طاري ليه؟..

ساريتا:هو..هو..أنا ك..كنت...كنت كانه[غلبوها الدموع ما قدراتش تكمل كلامها]..

تقدم فتاح بعد بلطف ساريتا على سميحة لي غاتحماق باغة تعرف لي واقع لولدها...

فتاح:الميمة تهدني واش ما كاتشوفيش حالة البنت..خليها تبرد شوية و نفهمو شنو واقع..

جر ساريتا جلسها فالدروج و مها حداها خايفة على بنتها و حالتها لي ما تنكرش بلي أول مرة غاتشوفها بيها...

فتاح شد كاس الما عطاه لفضيلة تشربو لبنتها...و شوية منو كاتدوزو على وجهها و تقرا آيات من القرآن لعلى و عسى تهدن شوية...

فتاح:[مخاطب ساريتا]تكالماي على قبل الپيپي لي فكرشك و ركزي معايا...[شافها غارقة فالبكا و هو يقفزها بصوتو العالي]صااافي سكتييييينااا...

شافت فيه بأعينها المحمرة كاتنخصص و مها معنقاها كاطبطب عليه...

ساريتا:م..ما تغوتش عليا...[ناضت بصعوبة باغة تخرج حتى شدها من مرفقها حابسها]خ..خليني نخرج...أنا مزاوݣة فيك...خ..خليني نمشي لعند أرغد...

فتاح:[غمض عينيه و حلهم فيها ناطق بنبرة صارمة]غاتجمعي خناينك و تعاودي لي لي واقع للواليد...[شاف فيها شوفة القتيلة]ولا ياكما دايرة هاد التمثيلية سبة باش تهربي!!..برب و نلقاك كاتفكري فيها حتى نذبحك قبل الواليد...