قصة زواج متقـــف الفصــــل الثاني(التتمة)

بارت 343

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  343🍾

بالرغم من هادشي لي قانع بيه راسو كانت شي حاجة خلاتو يفقد تركيزو...حاول يسترجعو و يديها فالخدمة لكن بلا نتيجة...

تنهد بصوتو الرجولي و سد البيسي عاقد حواجبو..شاف فشل رجالو من الأول و ما فيه ما يحرق راسو مع مشاكيل لي كايدير نزار...

فضل يوقف على شغلو براسو و ناض و فيدو البيسي متاجه للدريسينغ فيه أفخم و أغلى الملابس الرجالية...أحذية..عطور و ساعات...

لبس حوايجو العادية...و زاح الحوايج لي معلقين تماك لواحد القنت حتى ظهرات خزنة كبيرة..حلها بسهولة و وضع فيها البيسي بجنب  الملفات المهمة و سدها...

                   ______________

كانت مزالة مرمية على الأرضية الباردة و صابرة...فاقدة وعيها كيف كايظنو و شايفين لكن كانت غير كاتمثل...فضلات دير هاد الحيلة تحمي بيها راسها مؤقتا لعل و عسى تلقى طريقة تنفذ بيها...

لكن لي خلاها تكوانسا ملي سمعات اسم دراغون...فشلات و بردات فبلاصتها عاد بدات تستاوعب فين لاحت راسها...

بغات تهضر..بغات تغوت و تقول بلي حابسين مرتو...و لكن ما قدراتش خافت منو و زادت من خوفها ناحيتو لدرجة تلجم لسانها...

تنهدات بقلة حيلة و زيرات على عينيها لكن كلمة وحدة خرجات من فمو قدرات توصلها من هدوء الݣاراج المخيف...خلاها تفتح عيونها على جهدهم مصدومة...

"قتلوها"...

قفزات من شدة قاسية على شعرها لي تعرا..طلقات صرخة ضعيفة مخسرة ملاميحها...و بصعوبة باش ناضت هاربة من برودة الأرض..باش تلتاقي نيشان مع تصرفيقة حارة من طرف الراجل لي ضرباتو بين رجليه...

تصرفيقة خلات توازنها يختل لو لا الراجل 1 لي واقف وراها كايضحك و هو شادها من شعرها...محكم فوقفتها لي كانت بزز أمام الراجل 2...

حسات بسائل سخون خارج من نيفها..شاد طريق نازل مع فمها...طلعات نفس متقطع وجهها صفر لكن نظرة كارهة ليهم ما ختافات...

الرجل 1:خسارة [بغى يلمس وجهها حتى كانت بعدات مخنزرة]غاتمشي من هاد الدنيا و نتي صغيرة...

الراجل الثاني ظهر موس كبير قدام عينيها الموسوعة من الصدمة...

شعرات بشوية الخوف و الموقف لي طاحت فيه بالكاد كاتستاوعبو...

بغات تبعد يدها عن قبضة الراجل لي شادها و تهرب و لكن كان متمكن من شدتو ليها...

حتى لمح واحد فيهم خاتم زواجها فصبعها...

الراجل1:[شد يدها بلا إرادتها و هي كاتنتر]بشاخ أ پا خويا على الخويتم شحال كايبان غالي..غايزهي لينا الوقت..

ساريتا:[خرجات فيه عينيها المحمرين]قسما بالله و نسميك راجل و سخات عليك حياتك أجي خودو..

الراجل 1:قويصحة مع راساتك[لمس السلسلة لي فعنقها]تا برب إلى هميزة و جات بكامونها بلا ما نتعذبو..

ساريتا:[كادور عينيها فالأرجاء كاتحاول تلقى بنظرها شي وسيلة تعاونها تفك منهم..حتى جات عينيها على عود غليض ديال الخشب قريب من داك الراجل]

الراجل2:تا ما تزيدش تريݣل عليا هنا و قتل هاد الق•حبة صوتها ضرني فراسي...

ساريتا:[دورات وجهها للراجل 2 ضارباه بمرفقها]شرف منك أنا يا الولية...طلق مني نوريك كيف تحݣر عليا...

الراجل1:[طلع فساريتا و نزلها بعينيه]على زعامتها ما غانضيعش عليا هاد الهميزة و نخلي زينها يمشي بلا ما ندير ليها توديع...