قصة زواج متقـــف الفصــــل الثاني(التتمة)

bart 321

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  321💀

من جيهة ثانية كان دراغون للتحت فواحد البيت ساد عليه...جالس متكي غير بسروال الكيطمة و الفوق عريان...مركز مع البيسي و بجانبو قهوتو مرة مرة كايرشف منها...

حتى سمع صوت التيليفون كايصوني...بلا ما يشوف و عينو باقية على البيسي دوز الخط...

دراغون:هضر..

عتيق:راني مراقب دبا نزار..كايبان بحالة سكران..و باقي لدبا كايهلل قدام دار ديك البنت..

دراغون:[بهدوء]هادشي بدا يطلع ليا فالراس..دير اللازم...

عتيق:واخا برو...

نقاطع الاتصال و كمل دراغون خدمتو منغامس فيها...حتى قاطعو صوت الدقان و تحل الباب من طرف سميحة...مستغربة فيه و فعلى وضعو لي كاتلقاه فيه ديما...

البيسي ديما مرافقو ما عرفاتش اش هاد الخدمة لي متعلقة بيه و كاتخليه ينعازل عليهم و يغطس فالخدمة...

سميحة:[قربات لعندو]عطي راسك الراحة  أ ولدي...من الخدمة كاتجي لهاد البيت و تسد عليك ما نشوفوك حتى لوقيتة الماكلة أش هاد الخدمة لي تخليك ملهي علينا...

قابلها بنظرة هادئة و قبل ما تقرب و تشوف اش كاين فالبيسي كان سدو كأنه ممتنع تشوف لي فيه...

دراغون:[شبك يديه مع بعضهم]الواليدة باغا تقولي شي حاجة أخرى؟...

سميحة:[علات حواجبها باستغراب]باش عرفتيني أ ولدي جايا نهضر معاك فشي حاجة؟..

دراغون:[بلع جغمة من القهوة و تكلم بثبات]غاتبقاي واقفة؟..جلسي الواليدة و قولي أي كاين...

حركات راسها بواخا و جلسات حداه...ما عرفات كيف تقدر تهضر معاه و هي بالأساس ماشي من عوايدها تدخل فشي حاجة بينو و بين مرتو...و لكن ما إن كاتفكر كيف ضحات براسها على قبلها فكرات حتى هي تعاونها و تفرحها...

دراغون:[حس بيها متوترة و شد يدها بايسها]قولي أشنو كاين أ الحنانة مخليك متوترة...

سميحة:موضوع كايخص مراتك ساريتا[تشجعات و نطقات بجدية]ما عرفت كيف نبدا الهضرة معاك و لا أش نقول ليك خصوصا فهاد الموضوع كايخصك نتا و هي و ما عنديش الحق نتدخل...

دراغون:[حرك راسو ببحتو الرجولية الخاترة قايل]واخا الواليدة...قولي أشنو هاد الموضوع...

سميحة:متعلق بالماضي...فالغلط لي دارت ساريتا فحقك من هروبها منك ليلة العرس...

دراغون:[بملاميح غير مفسرة]هي لي صايفطاتك تهضري معايا فهادشي؟...

سميحة:[حركات راسها بلا]لا أ ولدي هي براسها ما عارفاش راني جايا نهضر معاك فهاد الموضوع...هاد الموضوع خاص يتسد و يتمحى...هو بقى من الماضي و خاصك تركز دبا فمستقبل علاقتك معاها...عارفة ماشي بالساهل تسامحها و لكن هي غلطات و عتارفات بيها...حتى الندم باين عليها..ريحها بسماحتك ليها...

دراغون:[ركز فيها الشوفة]ماشي بهاد السهولة الواليدة...دراغون ما كايسامحش لي يغدرو و يوسخ وجهو بالتراب...على قبلك و قبل عائلتها لي باست ليا الرجلين ما قتلتهاش من اللول...