قصة زواج متقـــف الفصــــل الثاني(التتمة)

bart 255

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  255

فاتي:واخا واخا...دبا انا قلت ليه داكشي لي قلتي ليا بالحرف...و الباقي على آية...

ساريتا:آية غانصايفط ليها اوديو دبا نوريها اشنو دير...المهم قبل ما يوصل العيد الكبير نبغي جدة تكون فبلاصتها حدى حفيدها...

فاتي:يا ختي غا سكتي شحال ولفات ماما جداتك...كايبقاو غا على التعاويد ما سخات بيها...

ساريتا:ما عندنا ما نديرو أ فاتي...[شدات فيدها]عذبناكم بمشاكلينا و جدة تال إيمتا غاتبقا مثقلة عليكم...غايجي النهار لي ترجع فيه حدى بابا و لا خويا...

فاتي:ما قلتيش ليا أ ختي اشنو درتي مع باباك...

ساريتا:[بتاسمات بحزن]بابا رافض حتى يهضر معاك عساك يجي يسول فيا و يشوفني...

فاتي:دبا يحن قلبو عليك ما تقلقيش أ صاحبتي..

ساريتا:واييه داكشي ما عندي ما ندير من غير نصبر...

             _ _ _ _ _ _ _ _ _ _ _ _ _

كان عاد جاي من الخدمة و شاد الطريق للدار..و معاليم التعب على وجهو...هز تيليفونو كايصوني ليها للمرة السادسة و لكن كايلقا غير القطع فوجهو...

تنهد مدوز يدو على وجهو بعياء من هاد الوضع لهما فيه...كايقول يعطيها الوقت غايرطاب ليها راسها و لكن كايزيد يقصاح كثر من اللول...

صغر عينيه باستغراب ملي لمح جوقة بجنب الجردة..ظن أنه غايكون شي مدابزة كبيرة و وقف طموبيلتو بجنب الطريق...

نزل بخطوات مسرعة ناوي على خزيت..قرب لديك الجوقة و بدا يدفع فالبنادم لي مركون تماك...حتى لمحات عينيه شي حاجة..زاد دفعهم بجهالة مخرج عينيه حتى وقف مصدوم...

علاش لي ما يتصدم و هو كايشوف فمحبوبتو...حياتو و مراتو شرعا و قانونا مادة يدها لراجل راكع على رجليه...جابد خاتم ليها و بلا حشمة و لا حيا كايعرض عليها الزواج...

ياسر:من نهار طاحت عيني عليك ما مشيتي من بالي و لا من قلبي لي سكنتيه...عفويتك و زينك هبلوني و خطفتي قلبي...

آية:[ساكتة دايرة براسها متفاجئة و بنص عين تشوف فمحمد لي تمسو يتفرݣع عليك]

ياسر:آية حبيبتي و لي خطفات قلبي تزوجي بيا؟...

آية ولات شاداها الرعدة خصوصا من شوفاتو لي ما ناويينش على خير...عساك لي زاد شعلو هو هتاف الناس كايقولو ليها قبلي...بحالا ما هي على ذمة راجل مزوجة بيه...

تعصب و راسو طبخ عليه ما بقا يشوف والو قدامو...قرب لعندو دغيا قبل ما يلبس ياسر ليها الخاتم ... كان شدو رماه و داك الورد لي شاداه قطعو حتى رجعو تفرتيت...و عطاه ضربة لوجهو حتى طاح على ظهرو...

زادو بركلة ثانية خلاتو يولي يكحب فالدم و آية كاتبعدو عليه و تغوت...و الناس شي يتفرج و شي يفك فيهم...

ناض ياسر من بلاصتو مخنزر فيه عطاه براسو روسية حتى داخ و زادو لكمة بيدو حتى خرج الدم من نيفو...ولات دقة مني دقة فيك و الروينة ناضت...

آية:محمد..ياسر وقفو براكااا..هاويلي تسطيتو براكا غاتقتلو بعضياتكم ..

محمد:نتي سكتي سككككتي  مزال كادافعي عليه...خايفة نأدي حبيب القلببب ياك...غا صبري حسابك معايا من بعد...