قصة زواج متقـــف الفصــــل الثاني(التتمة)

بارت 359

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  359🚬

------

كانت مغطاة فنوم عميق اثر ليلة البارح لي كانت طويلة...

و أشعة الشمس الساخنة كاتداعب بشرتها حتى بدات تحرك...حلات عينيها و هي كاتحكهم حاسة بجنبها مات عليها و هي على نفس الوضعية ناعسة...

نزلات حواجبها ملي سمعات صوت أرغد و هو هاضر فالتيليفون أبيل فيديو...

دراغون:ديرو بالكم مزيان..ما نبغي حتى غلط يوقع و لا توقع ليه شي حاجة...

حيدر:[كايحاول يضغط على راسو و يهضر ]قتلني.. أ خويا ..الع..زيز...قتلني ...قبل.. ما تندم...غاتندم...

دراغون:ما جاتش نقتلك و نختاصر عليك الطريق قبل ما نختابر صبرك لحر الوجع...و تمشي معذب...

شار أرغد بعينيه لداك الراجل لي كايدوي معاه...حرك راسو و مشى جاب معاه سوط طويل نزل بيه على حيدر ...حتى قفز و طلق صوتو المجروح مبحوح من الوجع...

من حسن حظها كانت عاطياه بالظهر فالوقيتة فاش دار يشوفها واش فاقت...

رجع كمل المكالمة و هي ستاغلات الوقت و ناضت كاتكسل كأنها عاد فاقت...

شافها فاقت و هو يقطع الخط...قرب ليها بايسها من شفايفها بوسة خفيفة...

أرغد:[حاوطها من خصرها]كيف صبحتي أناكوندتي من ليلة البارح...

ساريتا:[ضرباتو ضربة خفيفة لصدرو مغوبشة]حشومة عليك تكرفستي عليا و ما راعيتي ليا و انا حاملة...

أرغد:[دفن راسو فعنقها]أش غاندير لمك كاتجننيني ما كانشبعش منك و من حلاوتك...

طبع قبلات على كتفها موزعهم و هو طالع لعنقها...حاولات تملص منو و تبعد و لكن قوتو البدنية غلبات عليها...

ما تهنى حتى جرها معاه للحمام...

______________

فالصباح الباكر...ريحة الطياب المسمن و ريحة أتاي منعنع معبي الطابق السفلي...

كانت نازلة ساريتا على أطراف صباع رجليها و عينيها على الكوزينة...

توجهات للصاك ديال المرا...حلاتو بالريط رادة البال لا تجي...دخلات يدها كاتقلب حتى بتاسمات بخبث ملي لقات لي بغات...

هزات قرعة الدوا و حلاتو خدات منو جوج حبات...

سمعات الحس دغيا زربات عليه رجعاتو للصاك ... و تقادات فالوقفة ملي شافتها جاية عندها...

المرا:بنتي الفطور وجدتو ليكم غاتلقاوه الداخل محطوط...

ساريتا:الله يعطيك الصحة خالتي...راه راجلي الفوق غير يخرج من البيت نقولها ليك باش دخلي تجمعيه...

وقفات فلاتيراس حاطة يدها على خصرها..و على أذناها صوت آلالام حيدر صعيب يزول...

خوه و ما مرحموش و ما ناويش يخليه الا و هو قاتلو ما عساك هي الى دارت شي غلط اش يدير ليها...

لحد الساعة ما عرفاتش سبب هاد العداوة لي خلا الخوت يقاتلو بعضياتهم...