قصة زواج متقـــف الفصــــل الثاني(التتمة)

bart 319

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  319💀

سميحة:[حركات راسها بلا]ما تقوليش هاكا..ما تمرضيش راسك بهاد الأفكار...فكري فراسك و لي فكرشك...

ساريتا:[بتاسمات بزز ليها]غانحاول...كانتمنى ما تقولي لأرغد على لي ضارني فخاطري...ما بغيتش يوقع شي مشكيل أخور من والو...

سميحة:[طبطبات على يدها]رتاحي دبا أ بنتي ما غا نقول ليه والو...

قابلاتها بابتسامة صغيرة...و تبعاتها بعينيها حتى سدات الباب و معاها وسعات بسمتها الخبيثة لي ظهرات على ثنايا وجهها...

ساريتا:لحت الطعم و دبا الباقي عليك أ جدتي العزيزة...

فبرا البيت كانت سميحة نازلة مع الدروج و الجدة رقية طالعة حتى تلاقاو..و تفاجئات سميحة سحباتها مشات...

سميحة:نتي مزالة هنا ا لالة رقية؟..ويلي و كون عرفت باقا ما نخليك بوحدك غا سمحي ليا...

رقية:لا لا ماشي مشكيل أ بنتي راه محمد كايتسناني برا قلت ندوز عند ساريتا نطمئن عليها عاد نمشي...

سميحة:هي بخير دبا الحمد لله تقدري تشوفيها راها باقا فايقة...

رقية:[بحزن مصطنع]الحمد لله ما رجعاتش ليها الحالة ثاني..

سميحة:[باستغراب ممزوج بخوف]على إينا حالة؟...

          
        دقيقة..دقيقتين...7 دقايق...
                       _______

جلسات حدى ساريتا بمعاليم ماكرة متبادلينها فنظراتهم...

رقية:غير رتاحي دبا...خطتك نجحات و خليتها غاتمشي تهضر مع دراغون...

ساريتا:[خدات قطعة من التفاح و بلعاتها]يخليك ليا أ جدتي العزيزة...

رقية:المهمة ديالي سالات[قربات حداها ناطقة باستفسار]دبا خلينا من هادشي و قولي ليا أشنو داكشي درتي؟...علاش لحتي راسك هاا؟...شايط عليك راسك و سماوك سوبيرمان حتى تنقذي عباد الله...

ساريتا:[ضحكات باستهزاء]و أشنو الغريب فالأمر..عادي..هاديك كاتبقى أم راجلي...

رقية:[كمشات عينيها فيها]تقوليها لعݣوزتك و تيقك و لكن ماشي عليا هاد الهضرة غاتدوز...

ساريتا:[ميلات فمها بعدم مبالاة]رشقات ليا نديرها و درتها...أو لا تقدري تعتابريها درتها عمدا...

رقية:[حركات راسها بأحياني عليك]ما نستاغربش و أنا عارفاك مزيان...تلوحي البنادم لي حداك للعافية و ما تلوحيش راسك...غامرتي براسك و بهاد الپيپي علاش؟...

ساريتا:[لعبات بخصلات شعرها]أنا بحال اللفعة لي تطلق سمها فالوقت المناسب...هاد السم بقدر ما يضر كاينفع أ جدتي العزيزة...و هادشي لي درت الا و سبب كبير من وراه و بلا شك الا فكرتي مزيان شوية غاتعرفي...

رقية:[سكتات ثواني كاتفكر فكلامها قبل ما تنطق بمكر]يعني ستاغليتي الوضع و ضحيتي براسك باش يسامحك دراغون عن طريق ماماه!!!...

ساريتا:تماما..نتي عارفة أنه أقرب شخص لقلب الراجل و هي مو و هادشي لي لاحظت فعلاقتو معاها و كيفاش ما يقدرش يطيح كلامها و يرفضو و طبعا هادشي لصاليحي...

ساريتا خططها بداو يكبارو فالخطورة لصاليحها و ربما سي نهار يتقلبو عليها ،واش فنظركم دراغون غايكشف افعالها ؟