قصة زواج متقـــف الفصــــل الثاني(التتمة)

bart 323

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  323💀

فالوقت لي كانت نازلة كان فتاح كايسب و يخاصم غير مع راسو...بعد ما كان غابر فمدينة اخرى مسافر مصايفطو باه...عاد جا و باقي ما جلس حتى طيح تيليفونو فالما لي فالسطل...و المشكيلة كايبقى حتى يتشعل و يطفى ليه...

فتاح:الله ينعل طباسل مك يا ول•د القح•بة ما لقيتي إيمتا طيح غير دبا...

حسناء:[كاتشوف السيد ضرب ليها كاع التجفاف لي دارت من الصباح]وا لا أ خويا علاش كفحتي ليا سطل د الما و أنا عاد جففت...

فتاح:كون ما حشمت من الواليد نجي نخشي لمك داك الوجه فهاد السطل لي حاطاه ليا هنا...

حسناء:[معجبة فيه]مالك أ خويا فين كانو عينيك حتى طاح ليك...

فتاح:[طلع فيها و نزل]شو البرهوشة حتى هي نتي لي ناقصاني [داز من حداها بغى يمشي حتى دارت ليه فالخوا و رجع لعندها]أري نتي لمك داك المشقوف ديالك هنا...

حسناء:[ستاغربات] أشنو بغيتيه؟..

فتاح:تي كيفاش اش بغيتيه...ما شفتيش تيليفوني طاح بسباب سطلك...[مد يدو]اري لهنا...

حسناء:[تنهدات شحال و جبداتو من جيب بيجامتها]هاك شد و عنداك تعطل باش تجيبو ليا...

فتاح خداه من عندها و داز طاير لبرا يمشي يشوف التيليفون ديالو الى قدر يصايبو المعلم...

                        ________

                   مــــكان آخر

ريحة سانيكروا عاطية فالدار و آية محنية تحك فالحيوط و لالة رقية مكسلة على سداري كاتجمع معاها...

آية:الله يعطيها غبارة يخليها تغبر غبرة ما نشوفوها مزال...ما بقيت حملتها و كرهت الشوفة فيها...

رقية:أنا بغيتها يا بنيتي تبعد غا على ساريتا و تعوم بحرها...تي شوفي حتى من مها فين وصلاتها...

آية:[وقفات على الحكان و شافت فيها]اييه شحال بقات فيا ديك المرا مسكينة...قاليك تشعلات العافية فالدار و هي فيها ما عرفت فين تلاوحت...

رقية:هادوك غا ذنوب ديك الكلبة د بنتها خرجو فيها الله يلݣيها ليها...ما صاب نعرف غا فين هي غا نمشو نشوفوها...

آية:الله يكون معاها و تحفضها...[سمعات صوت الدقان و شافت فرقية]وايلي واش خرج محمد بلا ما نحسو بيه !!..

رقية:تي لبوك ياك راجلك باقي الفوق...[شافتو نازل مباشرة مع هضرتها]ها جبدناه بان...سيري حلي الباب شوفي شكون...

بغات تنوض آية تشوف شكون حتى منعها محمد...و مشا هو حل الباب لقى قدامو نسرين أم فاتي بحالة ماشي تال لهيه...زيفها مخربق و دموعها سابقينها حتى من الوقفة بزز باش واقفة...

محمد:[مستغرب من حالها]خالتي نسرين مالك فهاد الحالة ؟..واش نتي بخير واقعة شي حاجة؟...

رقية:[قربات لعندها]هاويلي يا بنيتي تي مالك أشنو طاري؟...تي قولي ما تخلعيناش عليك...

نسرين:[طلعات النفس بزز ناطقة و دموعها نازلين]بنتي أ لالة رقية بنتي و طرف من كبدتي غا يقتلها...

تفاجئو من لي قالت...و لكن ما فهموش كلامها مزيان أشنو كاتقصد بيه...على أشمن قتل كاتهضر عليه!!!..

دخلوها للداخل هو اللول ݣلسوها ترتاح و تشرح ليهم بشوية لي واقع...خلاو آية جابت ليها الما...