قصة زواج متقـــف الفصــــل الثاني(التتمة)

بارت 337

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  337🍾

دراغون:كايظهر لي كلامك تغير على تصرفاتك  فأول مرة حطيتي رجلك هنا...

ساريتا:...ما ننكرش فالأول خفت منك و انا و ياك تحت سقف واحد.. لدرجة حتى نعاسي ما بقى نعاس..[بتاسمات بحب لاوية يديها ورى عنقو]و لكن الأمور تغيرات عندي...
و زادت تغيرات ملي كتاشفت حقيقة لي درتيه  لعائلتي...[لمحات تعابير وجهو الهادئة لي بقات محافظ عليها]اه أنا عرفت..عرفت أنك ما آديتيش واليديا...ما لمستي شعرة فيهم واخا درت لي ما يتدار...

دراغون:[قلب عينيه لجيهة الاخرى لثواني و رجعهم لجيهتها]مم على هاد الحساب نبشتي مزيان أناكوندتي الصغيرة دايرة خدمتك...

ساريتا:[عضات على شفايفها و شافت فيه بعد ما كانت منزلة عينيها للتحت]نتا راجلي و الحاجة لي تخبيها عليا نعرفها نعرفها...ما غانلومكش علاش كذبتي عليا.. ما غانلومكش على أيامي كيف كنت كاندوزهم بالبكا...حينت هادشي كامل طرا بسبابي و محملة مسؤولية على لي وقع...

دراغون:[بنبرة ثقيلة مبتاسم بالجنب]ما تتغريش بتصرفاتي معاك و تحݣري قسوتي معاك و نتي عاد بديتي تعرفيني...يقدر يجي نهار لي تندمي على كلامك...

ساريتا:[مررات كفها على قلبو بنبرة هامسة كاتوربش]قلبك يعيى يصبر ما غايقدرش يقسى على أناكوندتو...و الى قاسي قلبك عليا طال الزمان و لا قصار نذوبو و نخلي جليدو عسل بين يديا...

دراغون:[ثارتو بنبرة صوتها لي كانت فشكل مع كلامها]يكون كلامك كيف العسل كاينقط على القلب و لكن ما تيقيش براسك كثر من اللازم و تصدقي طايحة ما نايضة بين يدي...

ساريتا:[مررات سبابتها و الوسطى فوق شفايفو متبعها بهدوء منغم بصوتها الفتان]كلامي الى كان عسل ما تبان حلاوتو قدام هاد الشفايف...

ختمات كلامها بغمزة خلاتو يغرق فخبث الحب عندها...جراتو شوية بشوية لجيهتها بكلامها الموزون المحلي بالعسل...

واخا كا يبان بلي عاجباه لي قالت و لكن هب بدات تفهم شخصيتو شوية...و طامحة ما توقف على حلاوة لسانها لي محلي ليها البيبان قدامها...

فأوج سهوو فيها فكلماتها و حركة يدها لي كانت تزيد تشعل النار تحتو لي عيى يطفيها و هي تطلع...حتى على غفلة منو كانت هزات التيلفون أمام أعينو مقابلاه معاه كاتلعب بيه...

ساريتا:[دايرة ضحكة شيطانية]الحاجة لي كاتخصني تبعد عليا حتى تعيى و ترجع ليا...

ميل راسو فيها بنظرة أسراتها خلاتها تجمع فمها كاتبحلق فيه ببراءة...حتى لمحاتو كايقرب لعندها و هي تنفض مبعدة و هو كايزيد يقرب حتى تكات على السرير...و حاصرها بين دراعو ببحة رجولية كاتضرب على وجهها...

دراغون:بديتي تغفلي...أش غاندير فمك دبا[طبع بوسة خفيفة بجنب شفايفها]همم...

ساريتا:[كادوز صبعها على صدرو]ما درتش غلط و أنا رجعت الحاجة لي فالأصل هي ولات ملكي...بحال كيف ملكتيني بالقانون و الشرع...

فاش كاتزيد تساليها معاه هو كل كلمة قالها تعطيه بالمقابل جوج كلمات...و جوابها على طرف لسانها...

بلا ما يحس دوز ظهر يدو على كريشتها ناوي يتكلم حتى قاطعاتو بضحكة خرجات بلا شعور منها...

تراجع فكلامو و نظرتو تغيرات للمكر ممركزين فيها...و هي مستغربة فيه كاتحاول تنوض حتى غفلها بأصابعو لي توضعو على كرشها كايحركهم بسرعة هارها...مخليها تنتافض كاتضحك و صوتها كايزيد يعلى...

ساريتا:وا لا لا حبس حبس كاتهرني...

غمضات عينيها مبينة سنيناتها وسط ضحكات متوالية...خلات ابتسامتو توساع و ما حبس من هرانو ليها حتى شاف وجهها ولا حمر و هو يحبس...

نوضها من بلاصتها لحضنو معنقها و هي مبادلاه بكل حب...بابتسامة فرحة لقربو ليها وضعات يدها فوق يدو على كريشتها كايمرر أصابعو بشوية...كاتتمنى يبقاو هاكا و حتى حاجة ما تفارقهم...