قصة زواج متقـــف الفصــــل الثاني(التتمة)

البارت 217

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  217

فضيلة:[خرجات عينيها فيه..محيدة يدو من مرفق بنتها]نعل الشيطان أ ولدي..و جمع راسك...حتارم بنتي...ما عندكش الحق تهضر معاها بهاد الشكل...

فتاح:أناا لدبا محتارمك و محتااارم بنتك..و لكن صبري بدى يتقادا...و بنتك هي سباب هاد المشاكيل كاملة..

سميحة:سكتووو..باراكا عليا بااااراكا...[توجهات لعند ساريتا كاتوسل ليها]هضري أش واقع لولدي ها؟..قولي لي مالو؟..كانطلبك أ بنتي قولي شي حاجة راه قلبي محروق عليه...

ساريتا:[شاداها ماماها بزز و هي مرخية ما قادرة توقف]أرغد أ خالتي سميحة..س..سمعتهم ق..قالو بلي قتلوه أ خالتي...[نتفات شعرها و دخلات فحالة جنونية]قتلوه و غايحرموني منو أ خالتي...و أنا ما قادرة ندير والو..واااااالوووو...

سميحة بحالا تكب عليها سطل بارد..تجمدات فبلاصتها..كانت غاطيح كون ما شداتها حسناء..

حسناء:[دموعها نازلين]عفاك شدي فراسك أ جدةمستحيل بابا توقع ليه شي حاجة أكيد كاين شي غلط[شافت فخوها فتاح لي كايبان واصلة بيه العظم و خايف على باه]خويا..خويا عفاك دير شي حاجة..صوني لبابا و شوفو فين كاين..

ساريتا:[دارت شدات فماماها تبكي] غانموت أ ماما..و الله حتى نموت الى وقعات ليه شي حاجة أ ماما...[عنقاتها مها كاتسكتها و عيونها دامعين]ما نقدرش نصبر كثر بلا ما نشوفو أ ماما...و الله ما نصبر..

سميحة:[ناضت طافجة كاتحرك يدها بالرفض]شششش..سكتي..سكتي..ولدي و أنا عارفاه..ولدي و عارفاه ما يخلي حاجة توقع ليه...هو مواعدني قبل ما يمشي و عمرو خالف بوعدو...أنا تايقة فولدي..تايقة فيه..

فتاح:تهدنو كلكم..الميمة عندها الصح..من ديما الواليد راد البال لراسو و ماشي بالساهل يآذيه شي حد...[خرج تيليفونو مدوز الآبيل لعويتق]و لكن ضروري ما نتأكد.[تشد الخط و هضر]عويتق غاتكون وصلاتك الخبار بلي وقع..

عويتق:يالاه لقيتيني غانصوني ليك [تنهد بحزن]فالغالب سي دراغون وقعات ليه شي حاجة...حاولنا نتواصلو مع يدو اليسرى و معاه و لكن الخط ما كايشدش...

فتاح تغيرو ملاميح وجهو للصدمة مع القليل من الخوف..قدرات تلمحو ساريتا لي كاترجف غا بوحدها..ما قدراتش تحمل كثر من طاقتها و رخات جسدها طايحة للأرض سخفانة...

ما قدرو يستاوعبو لي طاري و تزاد حالة ساريتا..خلاتهم يتخلعو عليها..قربات سميحة ليها هي و فضيلة كايفيقوها و لكن ما حلات عينيها و لا تحركات..

فضيلة:بنتي..بنتي نوضي الله يرضي عليك ما نحرقيش قلبي عليك[دمعو عينيها]الله على بنتي الله..عاد قلت الحياة ضحكات ليها هي و راجلها و ما نسحاب غا يوقع ليهم هاكة...

سميحة:الله يا ربي فين غانحط راسي..مع  ولدي لي غابر و لا البنت لي واحلة فروحها...

فضيلة:[طلعات راسها لفتاح لي كايمشي و يجي..عيا يصوني على باه و والو]الله يرضي عليك أ ولدي طلعها الفوق..و أنا غانجيب باش نفيقها لعلى و عسى تحل عينيها...

فتاح:[خنزر فيهم]أشمن غانطلعها..نسيتوها بلي حاملة..و ما عارفين كي حالة الجنين..غاتهز دبا للكلينيك...

فضيلة:لا وليدي راه زمان البكري علمني شلا حوايج...بنيتي غا سخفانة بالخلعة و الخوف...

فتاح:[هز ساريتا بين يديه واخا مضطر لأنه ما باغيش يمس شي حاجة كاتخص باه]ديرو لي عجبكم و لكن ملي توقع شي حاجة ليها منك للواليد..

طلعها للبيت الفوق حطها و فضيلة و سميحة تبعوه...خلاهم معاها كايحاولو يفيقوها و يقراو القرآن و ربي لي عالم بيهم..

و هو نزل للتحت دوز الآبيل لواحد الطبيبة تجي تشوف ساريتا...عاود صونا لباه و لكن لقاه طافي..صايفط ميساج لصلاح و تنهد بعمق كايتمنى ما تكون واقعة لباباه والو...