قصة زواج متقـــف الفصــــل الثاني(التتمة)

bart 292

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  292🎲

الطبيبة:[علات حواجبها]الى كان يحساب ليك غانخاف منك غير حينت يدكم طويلة راك غالط أ سي عتيق...

قلبات عينيها فالعائلة و شافت فيه للحظة باستهزاء قبل ما دوز من حداه..تبعها بعينيه حتى مشات مخنزر فيها و قلب شوفتو للعائلة  متاجه لعند سميحة قايل بجدية...

عتيق:خالتي سميحة...لالة فضيلة كايبان فيكم العيا... الدراري برا كايتسناو باش يوصلوكوم للدار...

سميحة:لا وليدي غا خليني نبقى هنا...قلبي ما يرتاح الى ما شفت بنتي...

فضيلة:ما نقدر نخلي بنتي و نمشي أ ولدي بعد هادشي لي وقع...و زيد عليها باها فالطريق جاي لهنا و خاص نتسناه...

الجدة رقية:[وقفات حداها متفاجئة]بارد القلب صافي عاد فاق بلي عندو بنت...

عتيق:دبا الوقت تعطل وجودكم دبا ما عندو باش يفيدها و العيا باين فيكم...راه راجلها معاها الداخل...حتال غدا و اجيو...[شاف ففضيلة]سي عيسى غانكلف لي يجيبو غير رتاحي...

حسناء:[شدات فسميحة]عمي عتيق عندو الصح...ما غايعجبهاش الحال ملي تشوفنا بهاد الحالة...من الأحسن نمشو دبا و غدا نرجعو...

آية:[حطات يدها على كتف محمد هامسة ليه بحنية]يالاه نمشو بلا ما تقصح راسك معاهم...

محمد:[شاف فيها و رجع شاف فعتيق مخنزر فيه قبل ما يعطيهم بالظهر غادي و هي شادة فيه مكالي بيها...]

تبعاتهم الجدة رقية كاضرب بعكازها هازة خنافرها الفوق...عتيق شار للبقية يمشو قدامو و توجه بيهم لبرا لقاو طموبيل كاتسناهم...ركبو فيها و تبعهم بعينيه حتى مشاو...

دور عينيه على النواحي تماك و دار راجع حتى طاحت عينيه على واحد داير راسو كايهضر فالتيليفون و عينيه على الكولوار لي خوا...

رسم نظرة شر و قلب عينيه لواحد الفرملي تماك شاف فيه شوفة فهمها...

                 ______________

على مقربة منها و هي مغمضة عينيها...كان جالس على الكرسي واخد يدها بين يديه بجوج كايتحسس برودتها...عينيه ممركزة عليها مزير قلبو و الخوف مالي عينيه رافض يمشي...

اه دراغون لي ما كانش يخاف على عيالاتو بهاد الدرجة الكبيرة..كان خايف على أناكوندتو لا يخسرها...بحال الهوا لي كايتنفس بيه لي يعيي يستاحمل ما يعيش بلا بيه...

تنهد بعمق محرك أصابعو على كريشتها ببسمة ترسمات على قنات شفاهه..

دراغون:[بنبرة هامسة مخاطب الجنين]ربي حفضك ليا...واخا وقع لي وقع بقيتي متشبث بماماك...ثبتي ليا بلي طلعتي قوي بحالي حتى قبل ما تزاد...

تحنى باس كريشتها و نتاقل بقبلتو لراحة يد مرتو...عوج عنقو بعياء و تاخد الكرسي متكي عليه مغمض عينيه و يدو عالقة بين يدها...

دازو دقايق و كان عتيق واقف الغرفة بملاميح غير مفسرة دق فالباب دقات متوالية...و لكن ما سمع حتى رد حل الباب بشوية مدخل غير راسو...و لقاه ناعس ما داريش بوجودو...

ما لاحش الشوفة حتى فساريتا من باب الاحترام و سد الباب مخلي تال الغدا و يهضر معاه...و أكيد من ورى ما يقوليه أشنو عرف غاتنوض الحرب...