قصة زواج متقـــف الفصــــل الثاني(التتمة)

bart 266

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  266

كانت كاتقاد الحوايج بترتيب فالماريو...و لكن شعرها ما خلاها قنطها..فتحات المجر كاتقلب  لعلى و عسى تلقى ديك القراصة لي نسات فين حطاتها...

حتى طاحت عينيها على بواطة كحلة صغيرة كاتشوفها بزاف و لكن عمرها زعمات تقلب اشنو فيها...ببساطة ديال دراغون و لكن واحد العقل كايقوليها تشوف اشنو فيها و ترضي فضولها...

ما زاعماش تقلب فحوايجو و لكن الفضول قتلها...قلبات عينيها لجيهة الباب و رجعاتهم للبواطة حلاتها..

تعلقو أنظارها على السلسلة متفاجئة لما لا و هي نفسها لي كانت مخبياها سنين هادي و محافظة عليها...

السلسلة لي رجعات بذكرياتها لأول لقاء مباشر جات كلامها فكلامو و عطاها السلسلة عوض لي تقطعات و جبر خاطرها المكسور...

حملاتها بين صبعانها و ابتسامة مرسومة على شفايفها..ما توقعاتش غايوصل لغرفتها فدار خوها و يرجعها...كانت بالنسبة ليها أجمل كادو تلقاتو من شخص مكانتو كبيرة فقلبها...

قفزات من الباب لي تحل و دخل دراغون هاز قهوتو كايرشف منو..جات عينو فعينيها و هي متوترة مكوانسية فبلاصتها...

بقى محامظ على هدوؤو و هو واضع قهوتو على جنب و تقدم لعندها..نزل لمستواها حتى تقابل وجهو مع وجهها..

حط يدو على دراعها بلمسة شعراتها بالرعب..قبل ما تنزل يدو ليدها المحمول فيها و يزير عليها مخليها تخسر سيفتها بوجع...

دراغون:من إيمتا وليتي تنبشي فحوايجي يا الفارة؟..همم؟..

ساريتا:[غمضات عينيها و حلاتهم فيه بهدوء]أ..أرغد..رخف من يدي..[نترات يدها من قبضتو و هو مراقبها بنظرة جامدة]

دراغون:بغيتيني نعاود الهضرة بلغة أخرى!..

ساريتا:[سدات البواطة و رجعاتها]بالصدفة طاحت يدي عليه..و مدام نتا راجلي و ملكي أنا...من حقي نمس أي حاجة كاتخصك...

دراغون:فالهضرة اللخرة خسرتيها..[لمس خدها بإبهامو بحنية]من حقك تلمسي حوايجي بإذني أنا...و لكن ماشي من حقك تنبشي فيهم...

ساريتا:[تنهدات بصوت مسموع و ركزات فيه الشوفة مقربة وجهها ليه كثر]على هاد الحساب نخاف نلقى يديا مقطوعين شي نهار...

دراغون:[حاصرها بيديه مع الماريو]بديتي تحفضي فعايل راجلك..ما عليكش...

ساريتا:[تكات براسها على الماريو تضحك]ماشي بالساهل نحفضك كلك..و لكن كانحاول...

دراغون:تعياي تحاولي و لكن ما تقدريش أناكوندتي..

ساريتا:[وضعات يدها على لحيتو مغلغلة أصابعها]و نتا تعيى تفهم ما غايتفهم ليك شخصيتي...

دراغون:[كايبعد شعرها من على كتفها و يتكلم بصوتو الرجولي الموزون]شخصيتك من زمان عارفها مركبة و ماشي بوجه واحد عندك...

ساريتا:[بميوعة]كاتمدحني بطريقة غير مباشرة بلي أنا ما ساهلاش و صعيبة...

دراغون:[طبع بوسة على شفايفها]و غاتفهمي بلي هادشي خلاني نخرجك من دار باك عروسة بزز منك...

ساريتا:[رمشات فيه عينيها بنظرة فشكل]كون يتعاود الزمان و يرجع باللور كنتي غاتبقى على هضرتك و تاخدني زوجة ليك؟...