قصة زواج متقـــف الفصــــل الثاني(التتمة)

bart 286

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  286🎲

ساريتا:[غمضات عينيها و حلاتهم]أ..أرغد..

سميحة خواو عليها ركابيها جالسة على الطروطوار حتى قربات لعندها حسناء شاداها...

سميحة:ولدي فين هو ولدي أرغد...

حسناء:كيفاش غانقدرو نقولوها ليه كيفاش[دمعو عينيها و هي كاتشوف حالة ساريتا]هاني غانصوني على بابا دبا...

دوزات الأبيل لدراغون و جاوبها فالحين و. هو شاد الطريق لعندهم...

دراغون:روح بابا واقعة ليكم شي حاجة؟..

حسناء:[كاتبكي]بابا..بابا عاوننا أجي دغيا...

فضيلة:[خدات من عندها التيليفون كايتسمعو شهقاتها]ولدي الله يرضي عليك أجي بزربة لعندنا...حنا واقفين قدام الحمام...[تقطع الخط]

طاح ليها التيليفون بقوة الرجفة لي شاداها...ما عارفة ما تدير و بنتها قدامها عامرة دمايات...

حتى سمعات صوت شي طموبيل ديال البوليس وقفات حداهم..و الصدفة أنه فيها محمد لي كان توصل بخبر كسيدة وقعات..

دخل وسط ديك الجوقة و البوليسين لي معاه كايبعدو الناس حتى وقف مصدوم من داك المنظر ديال ختو و هي مرمية بدماياتها...

محمد:ختي..ختي مالها[تحنى عندها قايل بنبرة خائفة مغوت عليهم]أشنو واقع هنااااا..شكون لي دار فيها هاد الحالة...

فضيلة:[حطات يدها على وجهها تبكي]ما عرفناش أ ولدي جا كولشي على غفلة...الله يا ربي بنتي مسكينة واحلة فروحها و واقع ليها هادشي...

حسناء:هوووف حتى من الاسعاف تعطلو...

محمد:[غوت على البوليسي تماك]سيرو شدو لي دار فختي هاد الحالة تحركو[شد يدها كارز عليهم و هو كايشوفها بالكاد كاتحل عينيها]ختي ستاحملي غير شوية غاتكوني بخير...

ققزهم صوت الروايض لي تحكو مع الأرض...نازل دراغون من لوطو بسرعة مدور عينيهم عليهم حتى جات عليها...تصدم و البرودة حس بيها داخلة معاه...عينيه تعلقو على الدم النازل من راسها بغزارة...

هي غير لمحاتو بتاسمات وسط آلالامها..طلعات نفس بصعوبة و كل إنش فلحمها كايضرها...مدات يدها لجيهتو كاتناديه يجي لعندها...

ما عطلهاش قرب بزربة محني لعندها شايلها من الأرض حاطها فوق فخادو متشبت يدو بيدها الصغيرة بخوف ظاهر عليه..و سيارة الإسعاف وصلات...

دراغون:ما غانسمح لحتى حاجة توقع ليك...غاتكوني بخير أناكوندتي..

ستاحلمات تبقى حالة عينيها و لكن ما قدراتش...صوتو و هو كايهضر معاها ولا كايجيها بعيد...حتى من الضبابة ولات معمية ليها العينين...

حاجة وحدة كاتبان ليها هي كيفاش كان كايغوت و هو حاملها بين يديه كايعرعر عليهم...ترخات بين يديه مغمضة عينيها مخلياه حطها فسيارة الإسعاف...

السيارة لي ضرباتها من وقت كانت هربات...و محمد ستافزو هدوء دراغون الظاهر عليه واخا ݣاع هادشي لي وقع... تعصب و جر ماماه معاه يمشو للسبيطار...

هاد هدوء من برا باين و من داخل قلبو مشعولة فيه العافية...عافية لي ما تطفى الى ما قتل مول الفعلة و شاف ساريتا بخير و لا خير...

قلب أدراجو لعند ماماه سميحة عاقد حواجبو محني عندها و هي صفرة السخفة شاداها...

دراغون:الواليدة نتي بخير؟...كاتحسي براسك مزيان؟...

سميحة:كيف بغيتيني نكون بخير فوسط هادشي لي واقع...

تنهد مطولا و عاونها حتى ناضت بشوية عليها داها للوطو ركبها و تبعاتهم حسناء ركبات اللور... مشى من جيهة السائق بغى يركب حتى وقفو عتيق...