قصة زواج متقـــف الفصــــل الثاني(التتمة)

بارت 378

  𝑩 𝒂 𝒓 𝒕  378🚬
دازو أيام و شهور طويلة...
 
           يــــوم جديد

جالسة فالكافيتريا كاتهضر و ضحك مع زميلها فالخدمة و منغامسين...

حتى تفزعات اثر خبطة اليد على الطبلة خلاها طلع راسها هي و زميلها نحو عتيق لي طالعة ليه القردة...

جمانة:عتيق...مالنا على الخبيط أش كاين...

عتيق:انا جالس كانصوني و نتي جالسة كاتمعشقي ليا مع هاد خونا...

الطبيب:[استئذن منهم و ناض مخليهم]

جمانة:[ناضت خارجة و هو تابعها]واش ما كاتفهمش راني فالخدمة و خاصك تحتارمني هنا...اش هاد التصرف درتي قدام زميلي فالخدمة...

عتيق:[لصقها مع عرض الحائط حاط عينيه وسط عينيها]قلتي ما مستعداش للزواج مني فهمناها...قلتي عندك مشكيلة فخدمتي قلت من حقك...و الى جينا نشوفو الحرام من الحلال فالدين غاتلقاي راسك مفروض عليك ديري الحجاب...و لكن باش نخطبك من واليديك برضاك زو تجي فاللخر ديري ليا خاوية فعامرة ما ندوزهاش ليك...

جمانة:و شكون قاليك بلي رافضاك...[تنهدات مطولا]انا غير مترددة فخطوة الزواج و خاصني وقت...الزواج مسؤولية كبيرة و عندي تخوف منها...

عتيق:[شد فيديها]ما حدني معاك ما تخافي من والو...و رخي فيك النفس كولشي غايكون مزيان...ما علينا مزال ما خديتي قرار ايمتا بغيتي العرس نديروه...

جمانة:[بتاسمات ليه..كاتلعب فصدايف القميجة]بان ليا فاللخر ديال هاد العام نديرو لاكط و العرس فنفس النهار غايكون حسن...

عتيق:ما كرهتش لمك نتزوج بيك من غدا[باسها فحنكها حتى حمارو خدودها]و لكن ما يكون غير خاطرك أ لالة غير تكوني مرتاحة...
---------------

خارجين من محل الحوايج شادة فدراعو...و يد حاطاها وراها كاتمشى بثقالة و كريشتها سابقاها و الظاهر أنها فشهرها...

ساريتا:عجبوني الحويجات كاملين...[ضحكات]ما كرهتش نهز المحل كامل نخويه...

أرغد:[تبسم]لي تشهاتها خاطر أناكوندتي نحطها بين يديها...[حل ليها الباب]طلعي بشوية عليك...

عاونها حتى جلسات...دار ليها السمطة و مشى ركب فبلاصتو شادين الطريق...

خرجات حويجات من الساشيات داخل فيهم الزرق و بتاسمات واضعة يدها على كريشتها...

يوم من ورى يوم ما حسات الا و هي بدات تعلق بالپيپي ديالها لدرجة ولات تخاف عليه من أبسط حاجة كلاتها...

و تمحى داك الكره لدراري الصغار لي كان جا من الماضي ديالها و طفولتها...

ساريتا:متحمسة بزاف نشوف ولدي و نهزو بين يديا بجوج...[تلفتات جيهتو]و لكن ما نكذبش عليك خايفة بزاف من الولادة...

أرغد:[باس راحة يدها]بقاو غير أيام كيف قالت الطبيبة أناكوندتي...كولشي غايكون بخير فكري غير فاللحظة لي غاتهزي فيها ولدك...

صونا ليه التيليفون و دوز الخط عينيه على الطريق...

•••:دينا ليها التقدية و الدوا...و طمئنا عليها راها بخير...

دراغون:ما تخليوهاش مخصوصة لوالو..واخا يكون كايصرف عليها صلاح...

حس بساريتا عنقاتو متكية على كتفو و كاتدوز يدها على صدرو...

ساريتا:فرحتيني باهتمامك بها...أحسن حاجة كادير فحق أم نجلاء هي هادي...ما قلتيش ليا كي دار صلاح مع الكرا...

دراغون:ما كايهمنيش...مدام ختار ديك البنت عليا خليهم ياكلو الخبز حافي...انا هزيت عليه يدي...

بقاو ساكتين  شوية حتى دوزات يدها على كرشو فين كان تضرب...

ساريتا:كانحمد الله أنك بجنبي دبا...ما كنتش عارفة أش ندير كون وقعات ليك شي حاجة ديك النهار...

دراغون:نساي عليك الماضي ما تبقايش تفكري فيه...

ساريتا:كيفاش غانسى داك المنظر ديال الرصاص لي كايتشاير...شحال من مرة سولتك و ما عطيتيني راس الخيط...السلاح اش كايدير عندك و نتا ما بوليسي ما[سكتات شوية و نطقات بشك مقادة جلستها شايفة فيه]رجل المافيا...

دراغون لاح فيها الشوفة مدوز إبهامو على حنكو و ما جاوبهاش...خلاها فحيرة و نوعا ما خايفة يكون شكها فمحلو...