قصة زواج متقـــف الفصــــل الثاني(التتمة)

بارت 368

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  368🚬

وعاو على بعضياتهم و بعدات عليه كاتشوف فطالونها تهرس ليه الكعب...

جمانة:ماشي وقتك حتى نتا اووف[تأففات بسخط]...

عتيق:رجلك ياكما كاتضرك؟[عقد حواجبو]اشنو كايعجبكم فهاد الطالونات العاليين...

جمانة:لا ما كاتضرنيش رجلي...عادي ماشي أول مرة يتهرس ليا الكعب و انا كانرتاح كثر فالطالونات...نخليك دبا خاصني نرجع للدار ناخد طالون اخور...

عتيق:[قرب لعندها ما ساخيش بيها]ردي البال لراسك...

جمانة:[بتاسمات ليه بلباقة..عطاتو بالظهر بغات تمشي...حتى وقفات للحظة و دارت عندو ملي دوراتها فراسها]الدار قريبة للسبيطار...الى ما عندك مشكيل اش بان ليك تجي معايا ندير ليك الثلج للضربة تخف عليك شوية الوجع...

عتيق:[بتاسم]مرحبا أ آ مدام الطبيبة...

جمانة:[قهقهات و هي حالة الباب اللوطو ديالها]آنسة الله يخليك...يالاه طلع..

قاد شعرو بإهمال و مشى ركب طالع ليه المورال...و علاش لا و البنت لي حاط عليها العين حداه دبا بلا مشاكيل...

قدر يقرب منها غير بالحيلة...كون جاها نيشان كانت غاتعفر و ترفض على الأكيد...داكشي علاش رسم هاد الخطة و طبقها..

              _____________

مجموعين دايرين على الطبلة...كايفطرو و حبل الكلام ما كايساليش من غيرها هي ملتازمة الصمت...

كاتنقب من الماكلة بزز ما عندها الشهية و شكون خلاها...نزلها بزز تفطر بلا ما يسمع حتى جوابها...

أرغد:[همس ليها بشوية..ملاحظ ماكلتها قليلة]مشهية شي حاجة نجيبها ليك...

ساريتا:[شافت فيه بنص عين]لا..

زير على قبضة يدو كايحاول يوسع الخاطر معاها و هي غير ما كاتزيد تستافزو ببرودها فالهضرة...

حتى فالهضرة نقصاتها معاه من ورى الشجار لي دار فالسبيطار....

سميحة:اوا يا وليدي عييت مع صلاح يبقى معانا و لكن لي فراسو فراسو...ما عرفت مالو تبدل علينا حتى الدار ما بقى كايعمر فيها...

أرغد:ضسرتيهم الواليدة بفشوشك الزايد...خليه يكري و يعتامد على راسو ما يبقى لا هو لا داك السلݣوط لاصقين فجنابي...

سميحة:[تكات على الكرسي]الحمد لله...اوا يا وليدي ملي تسالي الفطور باغا نهضر معاك...

ناضت حسناء بغات تجمع الطبلة حتى وقفاتها ساريتا...

ساريتا:غير خلي هادشي حتى نجمعو سيري وجدي راسك لا تعطلي على دار القرآن...[حسناء شافت فباها لا يخاصم عليها حتى رجعات أكدات هضرتها بحالا حسات بيها]غير سيري....

لاح فيها الشوفة مطولة و حرك راسو لحسناء بمعنى سيري...

أرغد:ما تمشيش بوحدك أ روح بابا قولي لواحد من الدراري برا يوصلوك و يبقى حتى تخرجي...

حسناء:[باستو فحنكو]واخا بابا...

ميقات فهضرتو الحنينة مع بنتو يقول الأب مثالي و خايف على بنتو...و معاها كل مرة كايدير وجه...مرة حنين و مرة عنيف معاها بهضرتو و تصرفاتو...

تحنات كاتجمع فالطبلة و كاتحس بشوفاتو كايحرقوها و هو متبعها بعينيه...