الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 315💀
غير بمجرد التفكير ما تقبلاتهاش...شافت الكلام ما نفع معاه و هي تاخد قرار سريع...أنها تفضل الموت على أنها تخليه يقيسها...
بزربة حطات يدها على باب الطموبيل و بدون سابق إنذار تلاحت للبرا...خلاتو يهتز قلبو من الخوف و يفراني دغيا مصدوم...
قبل ما ينزل عندها كانت ناضت بزربة كاتعثر فجلايلها...و الخوف متمكن منها...تلقات لأول طموبيل جات قدامها و ما عرفش اش قالت و هو نازل من الطموبيل ناحيتها...حتى شافها طلعات و زادت اللوطو..
مخلياه تابعها و كايسب من السمطة للتحت و الطموبيلات يكلاكسونيو عليه..
نزار:واخا تعياي تهربي مني يا الق•حبة وا بربي لا كنتي ليه...ز•بي لا تزوجتي بيه يا أنا يا القبر كايتسناك...
لحسن الحظ كانو رجال دراغون مراقبينو و سحبوه من الطريق قبل ما ضربو شي طموبيل...
جروه بزز للطموبيل و هو كايسب باغي غايمشي يتبعها و يوريها معنى تكون لغيرو...ما تهناو حتى خشاوه الداخل و مشاو...بعد ما دوزو ميساج لدراغون قالو ليه بلي خداوه...
صباح يوم غد
كانت فاتحة عينيها كاترمشهم بشوية بهدوء...قبل دقايق كانت جات عندها الطبيبة و فحصاتها و وصاتها ترد البال ما تنوضش...حسات بشي حاجة واقعة و لكن قنعات راسها بسبب الكسيدة وصاتها...
فعز جلستها ما لمحاتوش خارج من الحمام لي تعطل فيه على غير عادتو...كاتتسناه يخرج و يشرح ليها تفسير لي دار...علاش هزها فعز الليل و خرجها جابها لهنا...حتى من الطبيبة لي منعاتو يخرجها و حالتها مزال ما تحسنات ما تسوق ليها...
تأففات بملل و فركات يديها مع بعضهم بتوتر ما مرتاحاش لهاد الهدوء لهي فيه...بقات على داك الوضع حتى سمعات صوت شي حاجة طاحت...تفزع قلبها و نتافضات من بلاصتها بلا ما تحس...
ما همهاش راسها بقدر ما خافت عليه هو...وقفات بزربة و هي مخسرة سيفتها بآلم واضعة يدها على كرشها...
تمشات بخطوات ثقيلة معتامدة على الحيط و بصعوبة حتى وصلات لباب الحمام و حلاتو...لقاتو محني راسو للاڤابو كاينهج و ݣاع لي كان حداه طايح للأرض...
حتى دور وجهو بالعرض البطيىء لجيهتها بنظرات رعبوها...و هي واقفة ضاربة كلامو ليها و ديال الطبيبة بعرض الحائط...
دراغون:أش قال ليك داك نص عقل عندك حتى تنوضي من بلاصتك...
سرطات ريقها و تجاهلات شوفاتو ليها مقربة لعندو بغات تكلم معاه حتى غفلها بيديه لي تحطو عليها و هزها مخرجها...و هي كتأمل فحالتو لي جاتها فشكل...
دراغون:المرة الجاية نلقا مك واقفة نهرس ليك الرجلين...
تبعاتو بعينيها حتى حطها على السرير و قبل ما يهضر سبقاتو ناطقة بهمس كاتشوف فيه..
ساريتا:من خوفي عليك ما حسيتش براسي حتى جيت لعندك[حطات يدها على خدو]واقعة شي حاجة؟...كاتبان ليا ماشي تال لهيه؟...
دراغون:[تنهد مطولا و خدا يدها وسط يدو الباردة]خافي على راسك ماشي عليا و رتاحي و ما تخلينيش نزير السمطة معاك...
ساريتا:[طبطبات على يدو]نتا راك راجلي و أب الپيپي لي فكرشي من حقي نخاف عليك...
دراغون:[بنظرات هادئة مرمقها بيهم]ما تخليش خوفك عليا يغلب خوفك على راسك و الپيپي...باش تهاوني فصحتك غا تكون هضرة اخرى ما غاتعجبكش...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
