قصة زواج متقـــف الفصــــل الثاني(التتمة)

bart 288

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  288🎲

ناضت بشوية عليها مزالين رجليها فاشلين عليها من الخلعة...

فضيلة:ولدي الله يرضي عليك الى ما طلقو...راه مع هادشي لي طرا لختو ما بقى عارف أش يقول...

دراغون:[دار بنص وجهو لعندها بهدوء]ما حدني مزال عاطيك احترام...رجعي لبلاصتك و ما تدخليش...

قربات حداها سميحة ربتات على ظهرها و جراتها جلسو...

سميحة:نتي عارفاه ما عندوش مع لي يتدخل فهضرتو مع شي حد..خليهم يتفاهمو مع بعضياتهم ..

محمد:[دفعو معصب عاطيه لكمة الوجه حتى شهقو النسا]شفتك بحالا كاتآمرها؟..أشنو كايسحاب ليك راسك هااا؟..

دراغون غمض عينيه و حلهم فيه كايضحك باستهزاء...دوز إبهامو على جنب فمو ماسح الدم و شار لعتيق بصباعو بمعنى بلا ما يقرب...

محمد ما تفاجئش بلي غايدير ليه...زول التجاكيط بهدوء مميت حتى طاحت للرض...بقى غير بالتيشورت مزير على عضلاتو...و حط يدو على كتفو غارس فيه صباعو...

دراغون:غانعطيك حق الاختيار لي ما كانعطيهش لكولشي...[بشر]يا تكون السهرة قدام ماماك و جداتك و مراتك و لا تكون خافيا على أنظارهم...ختار لي يناسبك...

محمد بلع ريقو شاف فماماه و جداتو و مراتو لي كاتحرك راسها بلا خايفة بزاف عليه...شاف فدراغون مخنزر فيه و هو بدورو مقابل معاه بنفس الشوفات...

غمز عتيق بشوفة فهمها و جرو من كتفو باتجاه واحد الغرفة قريبة لختو...سد عليهم الباب و فضيلة دورات وجهها لعند سميحة...

فضيلة:ختي قولي لولدك ما يديرش ليه شي حاجة..واش عاجبك الحال كيف خدا ولدي و علم الله أشنو غايدير ليه...

الجدة رقية:[ميقات فيها]انا بغيت ليه كثر...يالاه يتقاد شي شوية أيهاي ولا داير لينا فيها صعصع مرة هنا مرة فالدار ما نخافوش...

سميحة:لواه الحاجة رقية نعلي الشيطان البنادم كايغلط...

الجدة رقية:ما حاجاش أ بنتي سميحة هاد الساع ...أوا شكون خلاك و لا صايفط تحجي أ بنتي فوسط هاد المشاكيل...

فضيلة:[تأففات بسخط]شوفي حنا فين و هي فين...ما حشمتيش هاا؟ لي تقولي كلام بحال هذا على حفيدك...ماشي بالمدابزة غايحل المشكيل...

الجدة رقية:أ قوليها لولدك الزين لي ساير يضرب فالسيد...تي ما سمعتيش اش ساير يقول للسيد و باش تشوفي دراغون ولد الناس ما جاوبوش و لكن مزيان ملي وقفو فاللخر...اييه و لايني ما نلوموهش الغلط ماشي منو الغلط من مو لي ما عرفات تربيه...

فضيلة:[ناضت من بلاصتها ناطقة بقهر]عيب عليك عييييب ما نسمحش ليك تشكي فتربيتي ليهم...غير نهار ديري واجبك كجدة ليهم و حني فيهم ...حسبي الله و نعم الوكيل فيك...

بعدات عليهم مخلية رقية تعقد خواجبهم راجعة لأدعياتها...و سميحة محركة راسها بلا حول...

عند فضيلة كانت غادة وقفات مبعدة مربعة يديها معصبة..حتى خانوها دموعها نازلين على خدودها...كيفاش غاتقدر تصبر لهادشي من جيهة بنتها كاتصارع الموت و من جيهة ولدها يعلم الله أشنو دار فيه دراغون الداخل...

سمعات التيليفون فجيب جلابتها السخونة كايصوني...هزاتو و لقات عيسى راجلها كايصوني ليها...جاوباتو دغيا...

فضيلة:ألو عيسى كي داير لاباس عليك ...

عيسى:[عاقدهم]تي كيف بغيتيني نكون و أنا كانصوني عليك من صباح ما جاوبتي...تي فين كنتي هاا؟..أدوي و لا المدينة و بنتك نساتك تم على راجلك..

فضيلة:[بغات تهضر و لكن غلبوها شهقاتها لي وصلوه..و خلاه يغوبش]