قصة زواج متقـــف الفصــــل الثاني(التتمة)

bart 254

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  254

جر نزار معاه لبرا..و سميحة مشات هي و حسناء و فضيلة لي عاد لتاحقات فيهم...يوجدو الغدا خلاو العجول كيف سماتهم مناݣرين كيف ديما..

فالفوق فالصالة كانت ساريتا مربعة رجليها حاطة يدها على حنكها و تفكر..و من جيهة حداها فاتي كاتحاول تستاوعب هادشي لي سمعات للتحت..

فاتي:دبا دراغون لهو راجلك طلع عندو سمية أخرى..و من ديك سمية طلع عم كريم لي سميتو الحقيقية نزار...

ساريتا:هانتي يا ختي تشوفي..انا عقلي تبلوكا ما توقعتش بلي كريمو ولد خو راجلي...

فاتي:من هادشي كامل فرحت ليه من قلبي ملي تجمع معاهم..كون تشوفي شحال كايبقا فيه الحال و هو كايدوز العيد بوحدو...الحمد لله تجمع الشمل...

ساريتا:أنا براسي فرحت و لكن فرحتك نتي كايبان ليا ما غادومش..و تكون هادي اللخرة ليك فشوفة كريمو...

فاتي:[خرجات عينيها]هاويلي ع..علاش؟..

ساريتا:[كاتلعب بݣصتها و تفكر]نتي عارفة أ صحايبتي ما غايبقاش كريمو جالس مسرح رجليه هنا و نتي و أنا عارفينو نفسو حارة و ما يبغي لي يصرف عليه...

فاتي:اييه هادي عارفينها..وضحي كثر اشنو كاتقصدي الساطة...

ساريتا:لي كانقصد بلي دبا ساهل يخدم مع عمو و لكن فمدن لاخرين يوسعو الخدمة...

فاتي:و نتي منين عرفتي هادشي؟؟..

ساريتا:[تكات على المخدة وراها]عرفتها بطريقتي و صافي...المهم الخبار فراسك...

فاتي:[كاتغبن]يعني صافي غايبعد عليا دبا ياك!؟..

ساريتا:ماشي غايبعد قولي من تماك يجيب عروسة لهنا...

فاتي:[رمشات فيها عينيها بدهشة]كيفاش..لا لا ما يمكنش هاويلي...

ساريتا:لا يمكن ا الزوينة..هو عاطي العين و أي وحدة غاتبغي دور بيه [زيرات على سنانها]سوليني أنا..عياو يبغيو يستاغلو المواقف و يدورو براجلي و لكن هيهات معايا انا ما يمكنش يدورو بيه...

فاتي:ايهاي ݣاع هادشي خرج منك العفيريتة..و الله لا كانت ليه ما علينا دبا بغيتك نتي تعاونيني ما تخليهش يمشي لشي قنت...

ساريتا:معلوم ما تحتاجيش توصيني..يا و الله و ما ديتيه نتي لا تديه شي وحدة خرى..

فاتي:[عنقاتها بشدة]يااااه شحال كانموت على طاسيلتك...

ساريتا:[بادلاتها العناق]تكايسي عليا لمك راك غاتبجغي ليا وليدي...

فاتي:[هرات فكريشتها حتى طلقات ساريتا واحد الضحكة]هادشي غادي و يزيان العفريتة...ما رتاحيتي حتى طيحتيه فالشبكة...راكي لفيفيعة و ما كذبوش...

ساريتا:هاداك زماني و ليا بوحدي..ما يمكن نخليه لشي وحدة خرى..و دبا سمعيني عندنا موضوع اخور خاصنا نقادوه...

فاتي:و اشنو هو؟..

ساريتا:أ صاحبتي ما تفقصيني..راني داوية على خويا و آية..اشنو درتي فالبلان مزال وافق ياسر؟..

فاتي:غير سكتي و خلي داك الجمل راݣد..ماشي شحال و انا نقنع فيه يوقف معانا فهاد البلان و والو واش بغا...حتى جبدت ليه سميتك و وافق دغيا...احياني على الزغبي طايح فمك طيحة خيبة...

ساريتا:هضري غا بشوية المرض..يسمعو شي حد هنا يصدق قاتلو دراغون...