قصة زواج متقـــف الفصــــل الثاني(التتمة)

البارت 212

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  212

بقاو شي يشوف شي حتى هضرات فضيلة كاطبطب على ظهر ساريتا...

فضيلة:شوفي تبارك الله ما سخاش بالكيكات لي صايبتي...بهاد اليديات...[باست يدها بحنان]

سميحة:ما كذبتيش...ما شاء الله عليها و على طيابها...شوفي حتى من ولدي أرغد بفضل طيابها ما بقاش كايتغدا برا بزاف و كايتجمع معانا فالطبلة...

ساريتا:[بانت حمرة طفيفة على خدودها حشمانة]هادا راه واجبي أ خالتي سميحة...واجبي نهتم بيكم و براجلي...[تلفتات لجيهة ماماها لي فخورة بيها]نتي لي علمتيني أ ماما الحبيبة البنة خاص نشاركها حتى مع ناسي...و نكبر بيهم قدام البراني...

حسناء:شهدو عليها...هضري معاها أ خالتي..ما تجهدش على راسها فهاد الفترة...راه راسها قاصح...

فضيلة:[بقلق]علاش مالها بنتي؟..[شافت فساريتا]ياكما مريضة؟..

سميحة:[ضحكات]لا لا متخافيش ساريتا بخير...هي قولي مازال ما قالت ليك الخبار الزينة...[شافت فساريتا لي كاتلعب بصبعانها و حشمة طاحت عليها فشكل]أ مالك، يا هاد البنت حشمانة...هادشي راه عادي...قولي ليها لي كاين...

فضيلة:أش واقع...فهموني...راني ما بقيت فاهمة والو!!...

ساريتا:[طلعات النفس و نطقات بصوت خافت]أنا حاملة أ ماما...

فضيلة:[رمشات عينيها بعدم تصديق]ك..كيفاش؟...

ساريتا:اه أ ماما...و..واش ما فرحتيش بالخبر؟...

فضيلة:لا بنيتي بالعكس...[دمعو عينيها بفرحة كبيرة]هادا أحسن خبار عندي...[عنقاتها]فرحت ليك أ بنتي من أعماق قلبي و ربي شاهد...الحمد لله لي ربي طول ليا فعمري حتى سمعت هاد الخبار...

ساريتا:[بادلاتها العناق ضاحكة]الله يحفضك ليا و يطول لينا فعمرك...باقي غاتهزيهم بين يديكم و تشوفيهم كايكبرو قدام عينيك و كايعيطو ليك جدة...

فضيلة:الحمد لله يا ربي الحمد لله..[بعدات شوية عليها و نطقات بسعادة]مشهية شي حاجة أ بنتي نصايبها ليك؟...

حركات ساريتا راسها بلا...أما سميحة فكانت نطقات باستغراب كاتشوف ففضيلة...

سميحة:فضيلة...نتي صحايبتي و عارفاك مزيان...قولي الصراحة...واش نتي فرحانة بهاد الحمل ولا لا؟...

ساريتا ختافات ابتسامتها و شافت فمها لي دارت لعندها...و نطقات بنبرة جدية...

فضيلة:ما غانكذبش عليك و لا على بنتي...فاللول ملي قالتها ليا ما تيقتش...حينت ما كنتش متوقعها أنهم غايتفاهمو بهاد الشكل من ورى لي وقع...و يتقربو من بعضياتهم...و لكن الحاجة لي تيقني منها...أنني فرحانة لحمل بنتي...و نتمنى ليها كل خير...

سميحة:على هاد الحساب خاصنا شي جماعة بحال أيام زمان...[غمزات فضيلة]ياك أ صاحبتي...

فضيلة: واه ضروري يا خويتي...تي هاد الخبار الزينة و بغيتينا نسكتو...اليوم نزهيوها...

ساريتا:[دورات عينيها بتوتر]خلوها تال غدا حسن...

فضيلة:علاش أ بنتي؟

ساريتا:[حشمانة]حينت باغا اليوم نوجد راسي...ما تنساوش راه أرغد جاي اليوم...

سميحة:[غمزات فضيلة لي تضحك]ها شفتي كي كاتهضر...

فضيلة:واخا يا اللفيفيعة نخلوها غدا...

حسناء:[كاتفرنس]هاداك راه الحب أ جدة...

سميحة:[ليعاتها بقرصة]نوضي من حدايا الله يتبعك البلا...تا نتي وليتي عارفة الحب...

حسناء:[ناضت كاتضحك جرات ساريتا من بلاصتها لبيتها]هاني غانشفرها ليكم دبا...يالاه منك لجميع الطبلة...