قصة زواج متقـــف الفصــــل الثاني(التتمة)

bart 284

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  284🎲

               بعد ساعات و ساعات...

فالديبو...صوت غواتهم فالقنات مسموع...طلباتهم لدراغون يحبس و يفكم ما كاتحبسش..و هو واقف أمامهم بكل برودة قلب قاسي...

كان سبعة دراري مستفين على طول الخط جالسين على كرسي مربوطين عليه...و وجههم  وحوايجهم مغطيين بالدم...منهم لي كانو سكرانين مع الصباح..و منهم لي ضربو نزار و وصلوه للقتل بعد ما كان تافق معاهم يقلبو على عمو و غدروه...

سنانهم قدامهم مرمية ملطخة بالدم...و ظفرانهم مقلوعة من بلاصتها...خلاهم يذوقو معنى الآلام و ما رحمهمش...

بعد عليهم و مد ليه واحد من رجالو فوطة مسح بيها يديه العامرة بالدم...أما حوايجو فكان حارص ما يتوسخوش...

عتيق:[قرب لعندو]أش غانديرو معاهم...نطلقوهوم يمشو ولا..

دراغون:[قاطعو]حطوهوم فالحمام و طلقو عليهم الكلاب المفتارسة يتعذبو حتى يموتو...[قلب الشوفة فيه]مازال ما صوناو ليك تمشي تجيبهم؟...

عتيق:لا أ برو...لدبا كانتسناهم يصونيو...

دراغون:[بتفكير قال]غريبة يبقاو هاد الوقت كامل فالحمام...شي حاجة ماشي هي هاديك...[تقدم خارج لبرا كايلبس تجاكيط]صوني للرجال تماك شوف أش كاين...

بعد كلامو عتيق هز تيليفونو على الفور كايصوني عليهم واحد بالواحد و الغريب ما جاوب حد...شاف فدراغون بنظرة عدم اطمئنان خلاتو يوقف قبل ما يركب...عاود صونا و لقى نفس الحاجة...

عتيق:الرجال لي مكلفين يحرسو عليهم ما كايجاوبوش...

دراغون:[زير على ضروسه]نتمنى ما يكونش فبالي صحيح..و نخلي الدم فالعائلة يسيل...

طلع فاللوطو سايق دغيا و تبعو عتيق مدوز الخط لرجال أخرين موصيهم يمشو للحمام يشوفو أش واقع...

دراغون فطريقو و هو سايق بسرعتو الكبيرة بالكاد غايدير كسيدة ..وصلو أبيل من عند حسناء بنتو...دغيا جاوب سابقها بسؤال...

دراغون:روح بابا واقعة ليكم شي حاجة؟..

حسناء:[كاتبكي]بابا..بابا عاوننا أجي دغيا...

فضيلة:[خدات من عندها التيليفون كايتسمعو شهقاتها]ولدي الله يرضي عليك أجي بزربة لعندنا...حنا واقفين قدام الحمام...[تقطع الخط]

من صوتهم باين واقعة شي حاجة خايبة...تغيرات ملامحو بحقد دفين مخلط بخوف...و زاد سرع فالسوقان...كايتمنى ما تكون واقعة شي حاجة...
                 ________________
⬅️⬅️

نتاقلو عندهم هما..قبل دقائق نرجعو ملي كانو عاد خارجين من الحمام بسطولاتهم بعد تحميمة فاعلة تاركة...كان دراغون خايف على ماماه تسخف ساع طلعات ساريتا هي لي سخفات...

بالسيف و هي عاوناتهم فالحكان سبقات ماماها و سميحة على راسها حتى نسات شعرها..وحلات باش تفكو من ديك الخيلوطة شد ليها الوقت حتى تعطلو...

دازو تغداو هو اللول و عتقو رواحهم بالعصير بردو جوفهم...

ساريتا:[كاتشرب العصير و تهضر]كان عليكم تيقو بخلطتي فاللول قبل ما تشوفو نتيجتها على عينيكم...

سميحة:على من إيمتا يا بنتي يا ساريتا كايتيقو الناس فلفيعة الى ما شافو النتيجة من ورى داكشي لي درتي داك النهار فالحمام...

ساريتا:[قلبات عينيها]وا يا عݣوزتي الحبيبة واش خاصني نعاود ليك مية مرة بلي ما كنتش دايراها بلعاني واكواك...

فضيلة:و الله يا بنيتي الى فنة هاد التبريمة الله يعطيك الرضا..[وراتهم يديها]شوفو يديا كي ولاو رطبين و بياضو شوية...