قصة زواج متقـــف الفصــــل الثاني(التتمة)

bart 336

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  336🍾

دراغون:و بالنسبة للوحام[شاف فساريتا لي بتاسمات ليه بزز]كانظن طولتو فالهضرة بهاد الموضوع..ياك أ حضرة الدكتورة...

الطبيبة:[للحظة خافت يكون حس بيهم]أه ا سي دراغون...كنت كانفسر ليها أن هاد الوحام الغريب عندها راه عادي يكون...ما كاين لاش تخافو هادشي ما غايأثرش على الجنين و لا حتى على الأم...

دراغون:[رتاح من هضرتها]واخا...شكرا ليك...تفضلي معايا لبرا نكملو الهضرة...[دوز يدو على شعر ساريتا بحنية]و نتي أناكوندتي ماشي بزاف باش خديتي الدوا رجعي نعسي و رتاحي...

حركات ساريتا راسها بالايماء بلا ما تهضر..شافت فالطبيبة لي مستغربة و تكات خلاتو يغطيها...و خرج هو و الطبيبة لي تابعاه كاتشوف تناقض فتصرفاتو و بين لي قالت ساريتا عليه...

روايدا قنعات راسها بلي كايدير هاد الحركات المزيفة غير حينت هي معاهم و كاتشوف...

خرجو للبرا...وضع يدو داخل جيب سروالو و تمتم بنبرة رجولية خشنة...

دراغون:فنظرك كونك طبيبة نسائية هاد الوحام طبيعي يكون عند كل وحدة حاملة؟...

الطبيبة:[بجدية]عادي كاينين حالات كثر من هاكا غراب أ سي دراغون...هادشي بعض المرات كايجي من النفسية ديال الحامل..و ما نساوش حتى الوسط لهي فيه...

دراغون:[مركز مع كل كلمة قالت]الكلام لي قلتي الداخل ما كانش كذب على قبل حالة مراتي؟...

الطبيبة:بالطبع...وحمها ما غايأثرش على الجنين غير رتاح...و هادي فترة و غاتدوز عندها و لكن خاص تكون تحت مراقبتك لكونك راجلها...ما تخليهاش تزيد تعمق فهادشي...باش ما يرجعش الضرر ليها مستقبلا...

عقد حواجبو بصمت و شار بعينيه تمشي بلا ما يهضر...دخل للداخل و طلع للفوق لعندها...حل الباب و مع الحلة قفزها و هي عاد كانت رجعات لبلاصتها مدعية النعاس...و هي عبات تقلب و ما طاحت على التيليفون و لا الفلوس ديالها...

سد الباب وراه و قرب بخطاه الكبيرة حتى وصل لعندها و جلس حداها...جرها لحضنو كايتلمس شعرها مخليها تمخشش فيه مغمضة عينيها ببراءة...

دراغون:واليديك غايبقاو معاك هنا و يدوزو العيد معانا...

ساريتا:[تقادات فالجلسة فرحانة]ب..بصح خليتيهم يبقاو معايا؟...غاندوزو العيد مجموعين ياك؟..

دراغون:[حط يدو على حنكها]خليك ديما هاكا أناكوندتي...ما غانحرمكش من جو العيد ببعدهم عليك...

عضات على شفايفها كابحة دموعها بتأثر...يوم من بعد يوم كاتزيد تعلق فيه...

ساريتا:[وضعات يدها الصغيرة على قلبو]بالرغم من طبيعة خدمتك ماشي من فراغ تمنيت و دعيت ولدي و لا بنتي يطلع يشبه لباباهم...

دراغون:[كايدوز اطراف اصابعو على ظهرها ببسمة دافئة]على قسوتي كاتمناي يطلعو يشبهو لي؟...

ساريتا:[كاتمرر يدها على خدو]لو كنتي قاسي القلب ما تخليني حية لدبا و لا نكون قدامك..تقدر تلبس قناع القسوة فبرا هاد البيت و لكن يكفي أنني عارفاك بقلب كايرحم...