قصة زواج متقـــف الفصــــل الثاني(التتمة)

bart 281

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  281🎲

دراغون سكت و ما قال حتى كلمة...فضل الصمت على أنه يقول شي كلام لي يحفر ليه الجرح و يقلقو...

نزار شاف الجو بدى يتشحن و هادشي لي ما باغيهش...باغي يطوي الصفحة نهائيا و حتى حاجة ما تقلقو مزال...

نزار:[مبدل الموضوع]ما قلتيش ليا كي جاتني الحسانة...

دراغون:ما بيهاش[بلا ما يشوف فيه قال]صايفطك تحسن و لا يتلمس فشعرك...

نزار:هكا أ عمي أنا مرتاح...

دراغون:[ناض من بلاصتو خاشي يد فجيب السروال]على ما عارف هادي مدة و نتا بعيد علينا ما كاتبغيش هاد نوع من التحسينة...[قابلو بشوفة]أشنو تغير؟..

نزار:[بتوتر قدر يلمحو دراغون]الوقت هي لي كاتغيرنا أ عمي..

دراغون:و لا كاين لي غيرك من راسك؟...[علا فيه حاجب]ريحة الكذوب قادر نحس بيها من هنا...

نزار:[حك مؤخرة راسو بحرج]صعيبة شوية  نقول ليك لي كاين...

دراغون:حشمتي من عمك تقول بلي بنت بدات تبدلك...

نزار:[نطق بزربة بعد ما عرف بلي عمو فخبارو لي طاري]هي ما ليها دخل...أحم أنا لي بيت نبدل شوية من راسي...

دراغون:[ميل راسو فيه]على قبلها ياك؟[نزار شاف فيه شحال و حرك راسو بأه]ما نستغربش و علاقتكم نوعيتها مكشوفة...و دبا جا دورك تقول لي السبب...من ايمتا وليتي تخلي بنت تغير نزار الوزاني...

نزار:[حنحن مبلل حلقو]من نهار لي وقفات معايا و سانداتني...حماتني من التشرد بلي عندها و ما خلاتنيش...حطات جهدها باش تعاونني...ما لقيت لي واقف بجنبي قدها هي و ختي ساريتا...ما قدرتش نمشي للمدرسة نقرا كيفي كيف الدراري و لكن هما عاونوني نقرا غير من الدار...كنت فطريق المخدرات و الهلاك ننسى بيهم لي واقع ليا و لكن هما ما خلاونيش و بقاو معمرين عليا و لو شوية من الفراغ العاطفي لي كنت حاس بيه...[طلع عينيه المحمرين فيه]تقدر تقول بلي فاطمة الزهراء قيمتها كبيرة عندي و تأثيرها الايجابي عليا هو السبب لي مخليني لدبا واقف على رجليا و صابر...

دراغون:قادر نفهم شعور الخسران فكلامك...[ضرب على كتفو مزير عليه بنظرة حنونة قاصحة]مكاين لي غانخليه ينزل دمعة من عينيك مزال...دير فبالك أن سعادتك عندي هي الأهم...و مدام قلبك و عقلك باغيين تكون حداك و ما تخسرهاش من دبا غانجيبها تال عندك...

نزار:[حرك راسو بلا]لا عمي...ما جاتش من بعد ݣاع داكشي لي دارت معايا نعاملها بهاد الطريقة...بغيت نجيبها لعندي و لكن بقيمتها و بكرامتها معززة و بخاطرها...

دراغون:كاتبقى فاللخر حياتك و نتا حر دير لي غايريحك ما غاندخلش...

مباشرة بعد كلامو قلب شوفتو لوراه.. لماماه سميحة خارجة و حداها فضيلة مشادين  كايهضرو..و من وراهم ساريتا و حسناء كاتعاود ليها على الكادو لي جاب ليها باباها و الفرحة باينة على عينيها...

هي عيونها نتاقلات لعندو منعاجبة بلي دار...واخا يعيى يبين قسوتو برا و الداخل ما غايغفلش على حنيتو على ولادو و على عائلتو كاملة...حنيتو و تصرفاتو مع عائلتو و لما لا تعاملو معاه بالرغم لي دارت ...

دراغون:[قرب لعندهم]من حالكم باين غاديين للحمام..ما خفتيش الواليدة تسخفي؟...

سميحة: يا وليدي بلا ما تخاف كاينة مرا تماك غاتعاوني...

فضيلة:[غوبشات]وايلي و علاه أنا أشنو كاندير هنا...أنا لي غانعاونك يا صحايبتي ما تخمميش...

سميحة ربتات على يدها بابتسامة..