قصة زواج متقـــف الفصــــل الثاني(التتمة)

البارت 211

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  211

لعنات الشيطان و هزات جوج طباسل واحد فيه البغرير و لاخور فيه المسمن داتهم للطبلة...و تماك جن جنونها ملي لقات فتاح قالب الكرسي و كاياكل فالكيكة لي محطوطة تماك...دخل فيها طول و عرض...

مشات بالخف حطات الطباسل و وقفات عليه حاطة يديها على نصها مخنزرة...

ساريتا:زيد زيد كول...ما حشمتيش أ داك قليل النفع...

فتاح:[كاياكل و يهضر ما معبرها]الماكلة ما فيها حشمة...وا دوزي تركني قبل ما نشعل علي[تفكر باه اش وصاه و هو يسكت]

ساريتا:[ضرباتو على يدو ناترة الطبسيل لعندها]جمع يدك أ شريف...و غاتسنا حتى يتجمعو على الفطور و لا ما يعجبك حال...

فتاح:[طلع راسو لعندها مخنزر]أش كاين ؟...ما ما نخافوش؟...

ساريتا:[سهات السيدة فعينيه الزورق بحال دياول باه..خلا الكلمات يهربو ليها]غانن..غانن..غانن..

فتاح:[طلع فيها و نزل]كاتخدمي فموطور ولا؟...[نتر من عندها الطبسيل و دار كاياكل]السيدة حمقة و زاد كمل على ما بيها هاد الحمل...

جمعات فمها بغيض بغات تعاود تشد الطبسيل لعندها حتى تفكرات تنبيه دراغون ليها...تأففات بسخط و ݣلسات فبلاصتها مربعة يديها...

حتى لحقو عليهم سميحة و حسناء...

سميحة:[كاتهضر و تشوف فالطبلة كيف عامرة...ها المسمن..ها البغرير..ها الكيكات...ها الحرشة]تبارك الله تبارك الله...هاد الخير كامل درتيه؟...

ساريتا:[بتاسمات]أه ا خالتي سميحة...

سميحة:[قرنات حواجبها جالسة]و لكن أ بنتي راك حاملة و نتي فالشهور اللولى ما خاصكش تعيي فراسك بهاد الشكل...

فتاح:تا نتي الميمة ما تزيديش فيه...و ضسريها...هانتي ولدتي داك صعصع ديال دراغون و ما وقع ليك والو...

سميحة:[ضرباتو لراسو]تا دخل سوق راسك...شغلك نضسرها و لا لا...

ساريتا:عذريه أ خالتي سميحة...مزال ما جرب الحمالة...[عضات من الحرشة كاتشوف فيه]عن قريب غايجربها مع مراتو...

فتاح:[صغر عينيه فيها بتشكيك]شوفي ا ديك اللفعة...برب و ما تفوتي ساحتي تا نوريك لي ما عمرك شفتيه...و داكشي لي فبالك غا نسايه..بربي ما نخرج من هنا و نخوي ليك الساحة غا رتاحي...

سميحة:[قرصاتو مخنزرة]تا مال مك ببارك تنهض فالبنت..هي ما قالت حتى حاجة تاع العيب..غاتجمع داك الفم و تحتارمها و لا هادشي يوصل لباك...

بغا يهضر فتاح حتى قاطعو صوت جاي من وراه...صوت فضيلة و هي كاتشالي بذهوباتها تضحك...

فضيلة:صباح الخير عليكم...

الجميع من غير فتاح لي يشوف فيها باستغراب:صباح النور..

فضيلة:[وقفات حدى فتاح مبتاسمة ليه]تبارك الله...تقولي غا وليدك دراغون قدامي...

فتاح:[عقد حواجبو]شكون نتي؟...[شاف فسميحة]شي مرا خامسة هادي الميمة؟...

فضيلة حشمات و جلسات حدى بنتها ساريتا...لي ضرباتو برجليها من تحت الطبلة حتى طلع راسو خنزر فيها...و هي بنفس النظرات مقابلاه بيه...

خلا بكلامو سميحة تمرݣ و ما عارفة فين تخشي وجهها...

سميحة:[ضحكات بزز لفضيلة]ها ما ديش عليه...ضحكو هاكا داير...[شافت ففتاح غامزاه بالحس]هادي فضيلة أ وليدي...مامات ساريتا...

فتاح:[عوج فمو...و نطق من فوق نفسو...]غا ضاحك معاك أ لالة فضيلة...[ناض هاز الكيكة كاملة خلاهم يندبو بالفقصة]مرحبا بيك...