الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 322💀
سميحة:[حطات يدها على خدو]كل واحد فينا كايغلط ففترة ضعف...على قبل الحوايج الزوينة لي دارت فهاد الدار...على قبل التضحية الكبيرة لي دارت باش تنقذ ماماك سامحها...تال إيمتا غاتبقاو هاكا همم؟...واش عادي فنظرك هادشي؟...ما بقاش بزاف تهز بولدك و لا بنتك بين يديك و ماماهم ما مسامحهاش!!..
دراغون:[الصمت كان ردو و هو كايحرك صبعانو على لحيتو كايتصنت ليها]
سميحة:نفسيتها أ ولدي لاعبة عليها...ها نتا تشوف حتى من حملها ما ثابتش...[تنهدات بحسرة]ما تستاهلش مسيكينة...[بحزن]قلبك عمرو يرتاح الى ما سامحتيها أ ولدي...
دراغون:[ببرود قايل]لو كان عندي القلب لي يسامح ما كنتش نقتل ولدي لي ما تزاد[شاف فيها]و لا حتى ندخل بيدي خويا للحبس...
سميحة:[جمعات فمها بحزن و ناضت من حداها مربتة على كتفو]نخليك أ ولدي تفكر فكلامي...
خرجات من البيت و خلاتو كايفكر فهضرتها و يحللها...السماحة الا جات كاتجي وراها الثقة...لكن الثقة بالأساس ما تايقش فيها...
_______
عند نزار لي كان واقف كايهلل عليها تنزل و يسب من السمطة التحت ما عياش...بزز باش واقف و مع ذلك ما بردات ليها العافية الشاعلة فقلبو باغي غايشدها و يوريها اش كايسوا...
و هي واقفة الفوق فالشرجم كاترجف و حداها ماماها مزيرة عليها كاتهدنها و هي مكرهة من نزار...
نسرين:تهدني أ بنتي تهدني ما تخافيش هاد قليل الترابي ما غايمسش شعرة منك...
فاتي:[كاترجف فبلاصتها]ماما بديت نخاف...بديت نخاف أ ماما كثر و كثر منو...باينة جاي يقتلني أ ماما...
نسرين:[باست كتفها كاطبطب عليها و هي مخنزرة فنزار لي كايحيح]الله يرضي عليك لما تهدني شوفي كيف وليتي صفرة...حتى من الماكلة ما بقيتي تاكليها بمسبة هاد الحمار...الحمد لله بعدا قدرت نلاهي باك باش يتعطل و ما يشوفوش...
نزار:[هاز قرعة الشراب فيدو و كايشر بيها بعينيه حمرين]هبطي عندي يا الق•حبة هبطي...تسحابي لمك غانخليك لغيري....وا بربي لا كنتي لغيري وا بربي حتى ن•حر مك من للوذن للوذن...
فاتي:[حركات راسها بلا و نطقات برجفة دموعها دايزين]ماشي هذا لي بغيت أ ماما...ماشي هذا كريم لي كانعرف أ ماما...هذا واحد أخور غريب عليا غرييييب...[طاحت على ركابيها]واااا قلبي كايحرقني أ ماما قلبي كايحرقني أماما و شاعلة فيه العافية..ما كرهتش نقلعو من بلاصتو...
نزلات ماماها لمستواها و عنقاتها بعيون دامعة متحسرة على حالة بنتها...
و فالتحت فعز عياطو عليها كانت قربات طموبيل حتال لعندو و نزل عتيق جارو من تماك بزز حتى ركبو و زادو...
____________
صباح يوم غد
مع جوايه طناش ديال النهار فالبيت كانت غارقة فالنعاس من ورى استفراغ متقطع سخفها...لو لا دراغون لي كان معاها دقة بدقة كانت غاتسخف ما فيهاش...
الاستفراغ عياها و الدوايات لي كاتاخد كايخليوها تنعس كثر من اللول...
دخلات حسناء بالحس ما بغاتش تفيقها..تحنات كاتجمع فالبيت و تمسح الغبرة...سالات و جمعات حوايج المسخين ديالها هي و باباها و خرجات...
أنت تقرأ
قصة زواج متقـــف الفصــــل الثاني(التتمة)
عاطفيةنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
