قصة زواج متقـــف الفصــــل الثاني(التتمة)

بارت 367

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  367🚬

ساريتا:[طلعات نفس]الردان قتلني...نخليك غانطلع الفوق نعس كانحس براسي عيانة..

بغات دوز تمشي حتى شدها من يدها مزير عليها...

أرغد:ما عندك فين طلعي الى ما تعشيتي...

بغات تهضر حتى شافتو طلع حاجب مقصح فيها الشوفة و هي تسكت...

           _____________

                صبــــاح جديــــد

كيف أي صباح نازلة من طموبيلتها...و التيليفون حاطاه فوذنها...حتى حسات بالصاك طار من يدها...

لقاتو شفار لي طيرو ليها...يالاه تبعاتو كاتجري حتى تعوج ليها الطالون و طاحت للأرض شادة بركبتها...

جمانة:عتقوني أ عباااد الله...شفاااار دا ليا صاكي....

صدرها طالع نازل معصبة...و لمحات راجل تابع داك الشفار حتى قلبو الدورة...

غير قلبو الدورة لواحد القنت مخبي... وقف داك الدري تحت صورة شفار و تسنى داك الراجل.... حتى وصل عندو و هو يمد ليه الصاك...

•••:هاني درت لي عليا برو...أرا شي خنيشة الله يتوب عليك...

عتيق:[علا فيه حواجبو]و فين هي الكمالة ديال الفيلم...[شار ليه لحنكو]ضرب هنا...

•••:تا راه كانحتارمك ما نقدرش نهز يدي عليك[خنزر فيه عتيق]واخا هي اللولى...

هز قبضتو عطاه ضربة قاصحة لحنك عتيق حتى غمض عينيه و حلهم...

لاح الشوفة يمين و شمال و هو يقرب لعندو خرج الخنيشة و دارها ليه فالجيب...

بقات على وضعها فاشلة فبلاصتها...و الناس خلاوها على راحتها...

طلع ليها الدم و الصاك فيه كولشي الى ضاعو غاطيح فمشاكيل...

شوية ستاغربات ملي شافت عتيق متقدم ناحيتها هاز الصاك...باقا عاقلة عليه بلي ملي شافتو مع البزناز...

جمانة:نتا أش كادير هنا...و اشنو كايدير عندك صاكي...

عتيق:نوضي بعدا من اللرض الناس كايشوفو...

جمانة:ملي شفرو لي صاكي كولشي كايشوف حتى واحد ما تبعو...اخر همي شوفة الناس ليا...[خدات من عندو الصاك..مطلعة راسها لجيهتو]قول ليا اش كادير هنا...

عتيق:[تحنى لمستواها ببحة رجولية ثابتة قايل]كان عندي زيارة لواحد المريض فهاد السبيطار..و  بالصدفة شفت الشفار طير ليك الصاك و انا نتبعو...

جمانة:[عاد ردات البال لضربة المرسومة فوجهو]واش هو لي دار ليك هاد الحالة لوجهك؟...

عتيق:[اكتفى يحرك راسو بالإيجاب..و مد ليها يدو]غانبقاو على هاد الحالة جالسين بجنب الطريق...

نزلات عيونها ليدو الممدودة و رجعات ثبتاتها فيه بلا كلمة...قابلاتو بابتسامة و شدات فيدو منوضها...

جمانة:صراحة انا كانشكرك من قلبي  على لي درتيه...و سمح ليا لا دويت معاك بطريقة ناقصة فاللول...و م

تعوج ليها الطالون مرة خرى و كانت غا طيح كون ما شدها من خصرها بقضبتو الصلبة...

طلعات راسها لمستوى وجهو المايل عندها...كايلوح شوفتو عليها غاطس فمنحنيات جمالها...

و بالمقابل كانت معلقة انظارها على ملاميحو الخشنة و احساس فشكل فداخلها و هي شايفة فيه...