قصة زواج متقـــف الفصــــل الثاني(التتمة)

bart 265

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  265

   يوم الغد

مع جوايه ثلاثة د الليل...كان الكل فالدار ناعس من غيرها هي...كانت كاتقلب فبلاصتها و عيونها فالسقف مرة و مرة فدراغون لي ناعس و عاطيها بالظهر...

التفكير ما هناها و حالفة ما تخلي داكشي لي دار ليها من نهار لقاها يدوز بالساهل...ماشي هي لي تخلي دقتها..ما نساتش لي دار ليها و حالفة تا تخرجها منو...

أول فكرة طاحت فبالها درسات جوانبها مزيان باش تنجح ليها...و ما تردداتش باش تديرها...

ساريتا:[قربات حتال وحدو و غوتات باصطناع]اااااااه أرغدددد عتقنننننني...

كان غارق فالنعاس مغمض عينيه حتى خسر سيفتو من الغوتة لي سمع...حل عينيه الحمرين بالنعاس نازل الشعر على جبينو...و دار بكامل جسدو لمصدر الصوت وراه..

وعى دغيا ملي شافها كاتوجع و وجهها حمر باغا تبكي...تقاد فالجلسة دغيا حاط يدو على كريشتها لي محاوطاها بيديها و تبوحط...

ساريتا:أ..أررررغد ..عتق ولدنا...عتقناااا...

دراغون:مااالك[بملاميح خائفة]كاتحسي بشي وجع قاصح؟..

ساريتا:بزااااااف...اااااه غانموت أ أرغد عتقني...عتقننننننني عفااااك غانموت...

دراغون:[حط كفوفو على خدودها و هي كاتعصر]صبري أناكوندتي ما غايوقع ليك والو غانديك دبا للكلينيك...

ناض بزربة لبس عليه و لاح عليها بينوار طويل لبسو ليها...و لوا شال عليها...هز السوارت و مشا حملها بين يديه و هي مكملة فتمثيلها..بسهولة خلاتو يتيق بيها و يتاجه بيها فأسرع وقت للكلينيك...

هي ما عاجبهاش الحال تفايل على الپيپي ديالها و لا تخلي أرغد يخاف هاكا...و لكن ما ان كاتفكر داك الخوف و البكا ففترة حمالتها بسبابو كاترتاح و تقول أحسن فكرة دارت...

هما الآن فالطريق هي موجعة و هو كايدير اتصالاتو مع المدير الكلينيك موصيه يوجد كولشي ملي يوصل...

ما ان سالا الاتصال دار لعندها حاط يدو على كرشها و عينو على الطريق...

دراغون:حاولي تبقاي حالة عينيك..كي كاتحسي براسك دبا؟...

ساريتا:موجعة بزااااف أ أرغد...[كرزات على كرشها]أااااااه قتللللني الوجع ما غانقدرش نصبر...

دراغون:[دوز يدو على البلاصة فين حاطة يدها كايماصيها]نتي قوية و على قبل ولدنا غادي تصبري..حاولي تنفسي بعمق و تهدني غايكون وجع خفيف...ما بقا والو و نوصلو للكلينيك...

ساريتا:[شافت غايوصلو للكلينيك خافت تكشف كذبتها و هي تقول]ااه ..[سكتات واحد الدقيقة و قالت]اووف الحمد لله بدا حريق الوجع كاينقص أ حبيبي...بدا ينقص..بلا ما نمشيو لشي كلينيك...

دراغون:[بنظرة مستغربة كايشوفها كاتبحلق فيه بابتسامة بحالا ماشي عاد كانت كاتوجع]كاتحماقي عليا؟...عاد كنتي غاتموتي ليا هنا بالوجع و ما باغاش تمشي للكلينيك...لهاد الدرجة كاتستاهتري بحالتك!!...

ساريتا:[دلات شفايفها للتحت]و أش غاندير الوجع نقص..[حطات يدها فوق يدو لي على كرشها]الپيپي حس بلمسة يد باباه و هدى..

دراغون:[تنهد مطولا و و قلب الطريق راجع]هاد البعلوك باين طالع لمو..

ساريتا:[بحلقات فيه بحال المشيشة و تكات على كتفو كاتفوه]مم..فيا النعاس أ حبيبي...

تخشات فيه مغمضة عينيها و هو سايق بيد و يد كايدوزها على ظهرها...كايتمنى غا ايمتا يدوزو هاد الشهور دغيا..لأنه عارف ما غاديش يدوزو بالساهل عليه...