قصة زواج متقـــف الفصــــل الثاني(التتمة)

البارت 224

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  224

حرك رجليه باتجاه الدروج يطلع الفوق حتى تسمعو صوت خطوات سريعة فيه...و بانت ليهم ساريتا نازلة تجري و الفرحة باينة فعيونها...خلات أحاسيسها البريئة تحكم فيها و ما تسوق لحد...

غير وصلات لعندو و هي طير عليه بتعنيقة حارة...لاوية يديها ورى عنقو...خلاتو يبتاسم بحب ليها و ينزل راسو لعنقها دافن فيه وجهو كايستانشق ريحتها لي توحش...

زاد زيرها بين دراعو حتى ترفعو رجليها من على الأرض مبتاسم براحة كايروي شوقو الكبير ليها...و أحاسيس أخرى لي قدرات تظهر على أنظار الموجودين تماك...

فضيلة دمعو عينيها بتأثر من هاد العناق لي كشف على أحاسيسهم المبادلة...حمدات الله على حنية دراغون لي باينة فتصرفاتو مع بنتها...

هي و لا مرة خدات قرار غلط غايخرج على مستقبل بنتها...و ما ندماتش نهائيا عليه...

قربات لحدى سميحة لي مراقباهم بابتسامة على وجهها...و قالت بصوت مهموس ...

فضيلة:شفتي لي شفت و بان ليا...

سميحة:شفت أ ختي شفت... هاد الزواج بدا ينجح شوية بشوية و كان لصالحهم بزوج...

فضيلة:ما عمرني شفت بنتي بهاد الحيوية و الفرحة...ما عمرني شفتها بكات هاد البكا غير عليه...ما عمرني شفتها فديك الحالة لي شفتها فيها قبيلة...

سميحة:[عينيها عليهم و هما باقيين معانقين ما شبعوش من بعضياتهم]أش نقول أنا على ولدي لي بهاد الزواج صغرو على سنو و خلاه يعيش كل لحظة ما قدرش يديرها فأيام شبابو...كاتبان الفرحة فعينيه ملي كايشوفها...و واحد النظرة فشكل عمرو شاف بيها حتى مرا من عيالاتو...

فضيلة:[شداتها فيدها جاراها]زيدي أ ختي عاوديلي بغيت نعرف كثر كيفاش كايتعامل مع بنتي..

ميقات فيها سميحة و مشاو لبيتها خلاو فتاح كايبحلق فيهم...بحال عصافير الحب فالأفلام..حتى تفعفع من شوفة دراغون ليه الحارة و هو باقي معنق ساريتا...

حك على مؤخرة راسو و طلع لغرفتو بقات حسناء حتى هي تبعاتو...

نزلها بشوية حتى وقفات و نفاصل عناقو بيها..محافظ يديه على خصرها...

خداو يديها مجراهم فوجهو كادوز راحتها على لحيتو..بحنية و حب دفين ظاهر فعينيها لامعة كاتبري...

شحال توحشاتو من راسو لرجليه...توحشات ريحتو المغلغلة فنيوفها و هي ناعسة فوق صدرو.....

مع ذلك باقي الخوف فداخلها...باقي ما متيق قلبها بلي بخير...نظراتهم عالقين فبعض بمزيج من شغف العشق و الشوق...كايتفحصو ملاميحهم بعضهم كأنهم كايحفضوهوم...

دراغون:[تحنى براسو لشفايفها طبع عليهم قبلة دافئة طالبة الكثير]توحشت ملتك..[مرر يديه على بطنها]و هاد الفنكوش كثر...

ساريتا:[عضات على شفايفها بغنج..كاتلعب فصدرو]لا حنا لي توحشناك كثر...

دراغون:[لصقها مع الحيط محاصرها..خلا حمرة الخجل تظهر على خدودها]ما نظنش..

ساريتا:[شبكات أصابعها وراء عنقو و جراتو لعندها بنظرة جريئة]نقدر نبين ليك الى بغيتي..و لكن فالبيت حسن...

دراغون:[عضها عضيضة خفييفة فشفتها السفلية]ما تقديش..نخاف تسخفي ليا تاني..

ساريتا:[نطقات بابتسامة لعوبة]ما غانخليكش تسلت مني اليوم..و هاد الليلة غانفدي فيك هاد الخلعة لي عيشتيني فيها اليوم...

رسم بسمة خبيثة على ثغرو بنظرات مختارقة كيانها...غفلها بهزة خفيفة من على الأرض لبين يديه حتى شهقات بذعر..

ثواني و كانت رسمات نظرة تملكية على ثنايا عيونها...لوات يديها على عنقو دافنة وجهها فعنقو كاتوزع عليه قبلات عاشقة و هادئة..شعلات نيران الشهوة فكيانو...