قصة زواج متقـــف الفصــــل الثاني(التتمة)

bart 291

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  291🎲

خلات العائلة توقف مقربة ليها من بينهم حتى محمد لي واخا كان واكلها ديال الصح و وجهو مطبع بالكدمات ديال الضرب... ما بغاش يمشي يجلس الى ما رتاح قلبو على ختو...

دراغون:مراتي حالتها كي دايرة؟..

الطبيبة:الحمد لله حالتها دبا مزيانة...الضربة لي تلقات على مستوى الرأس ما كانتش خطيرة بزاف و قدرنا نحبسو الدم...

دراغون:[زفر نفس براحة قبل ما يتكلم ..ولأول مرة يحس بالخوف من أشنو غاتقول ليه]و الجنين؟..

الطبيبة:[شافت فيه و سكتات لثانية قبل ما تكلم]الجنين لحد الساعة باقي عايش...الحمد لله ما تلقاتش المريضة ضربة لكرشها و لا كانت غاتعرض للإجهاض..

دراغون:[قطب حواجبو باستفسار]كيفاش لهاد الساعة عايش؟..طلقي الهضرة اشنو قاصدة بكلامك!؟؟..

الطبيبة:كانظن الطبيبة قبلي قالت ليك بلي حملها ما ثابتش...حالة الجنين فخطر يعني ما نأكدش ليكم أن حالتو غاتبقى مستقرة...و هادشي غايوصلها للإجهاض...

زير على ضروسه مكرز على قبضتو بغضب محتوم ..بلوم على راسو...ما قدرش يحميها و يحمي ولدو...غير هادشي كايزيد يحقدو على السبب لمول الفعلة...

سميحة فشلو عليها ركابيها و كانت غاتطيح كون ما شداتها حسناء...جلسات فضيلة بضيم طايح عليها و بحزن كبير...

الجدة رقية:[عينيها مدمعين]عافا أ بنتي ديري شي حاجة و ما تخلي يوقع ليها شي اجهاض...ما تخليش قلبها يتشوا على كبدتها الله يرضي عليك...

الطبيبة:هادي كاتبقى خدمتي بلا ما تحتاجي توصيني...كانحاول بجهدي نسايطر على الوضع و لكن الباقي عليها...[شافت فدراغون لي كايتنصت بهدوء بارد]الخطر على الپيپي مازال داير بيه...لهذا من مصلاحتها ما تحركش من بلاصتها واخا يوقع لي يوقع...أي حركة منها و لا ضغط و تعصب غايعرض حياة الجنين للإجهاض...

دراغون:[عقد حواجبو فيها]و على هادشي جبتك لهنا...غاديري جهدك كامل تنقذي الپيپي كاتسمعي؟...ما نبغيش نسمع أعذارك الخاوية...

الطبيبة:[بجدية]سي دراغون حنا مقدرين خوفك على مرتك و لكن ما نقدروش نزيدو نديرو شي حاجة كثر...حملها مثابثش فالأشهر الأولى و هي عليها الباقي...غانخرج ليا شي أدوية و مكملات غدائية غايعاونوها ففترة حملها و نعطيها نظام غذائي خاصها تلتازم بيه...

دراغون:[حرك راسو]تقدري تمشي...عذبناك معانا...

الطبيبة:هذا واجب...المهيم دبا وجودكم ما كاينش فاش ينفعها حاليا و هي ناعسة...حتى الغدا و بإمكانكم تشوفوها...

دراغون:[خززر فيها]نتي آخر وحدة يمنعني نشوف مرتي...

دفعها للجنب و حل للباب داخل سادو وراه مخلي العائلة تحمد الله لي حفض ساريتا هي و جنينها...بالرغم من هادشي خايفين على جنينها يوقع ليه شي حاجة...

الطبيبة:[قربات لعند عتيق واضعة يديها فجيابها]مهمتي باش نقذ المدام ديال دراغون سالات...مرة خرى ما تجرنيش من وسط العملية و تجيبني لهنا و لا البوليس غايكون فوجهك..[سكتات كتحذير ليه بشوفاتو الصارمة]

عتيق:[غمزها كايطلع و ينزل فيها بعينيه الصقرية]زعيمة مع راساتك ملي وليتي تهدديني و لكن مع الشخص الغلط...

الطبيبة:[علات حواجبها]الى كان يحساب ليك غانخاف منك غير حينت يدكم طويلة راك غالط أ سي عتيق...