قصة زواج متقـــف الفصــــل الثاني(التتمة)

البارت 226

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  226

فالوقت لي كانت غاتنعم بالراحة بحاجة فضيلة كالصلاة كانت متخلية عليها...و خلات ملاهي الدنيا تلهيها...

من ليلة البارح عرفات مكانتو فقلبها الحقيقية..كتاشفات أحاسيسها لي قامعاهم جيهتو...كانت غاتكون جالسة كاتبكي دبا على ولدها لي ايضيع...

طبعا يستحيل يصبر لضرب لي كان كايتعرض ليه من طرفها...من خوفها و فقدان أعصابها ما شعراتش بيدها لي ضربات بيها لكرشها...

لو ما تاجهاتش للصلاة آنذاك و شكات لي ضارها و واجعها فقلبها فصلاتها ما غاتهدى... لكن حالفة ما تزيد تفرط فصلاتها...

حسات بملمس يدو الخشنة الدافئة تحطات على خدها ماسح دمعتها...بلا ما تفتح عينيها بتاسمات بسمتها الجميلة العشقانة لكيانو...و تمتمات بهمسة رقيقة..

ساريتا:ماشي من عوايدك تفيق فهاد الوقت..

دراغون:[كاينتاقل بعينيه على ملاميحها لي آسروه بهاد طريقة الحجاب]فيقني صوتك الحنين لي ما سمعت بحالو...

ساريتا:[حلات عيونها غارقة فوسط زرقويتو..و رفعات يدها حطاتها على لحيتو..منزلة حواجبها]ما كانتش نيتي نفيقك و نتا جاي عيان...

دراغون:[طبع قبلة على باطن يدها مخليها بسمة تظهر فمحياها]من إيمتا و نتي كاتعرفي تجودي بهاد الشكل؟..

ساريتا:[تنهدات مبتاسمة بحزن]من الصغر..ملي خرجني بابا من التاسعة حينت كانت الثانوية بعيدة بزاف على الدوار،كان شافني ديما مقلقة و كانبكي ما ساخياش بالقراية لي كانت حلمي نكملها تال اللخر..ديك الساعة دخلني للجامع و مع الوقت بديت نولف الأجواء و عجبني الحال..

دراغون:[حس بيها بحالا بقا فيها الحال]كاين لي قرا و شد شواهد و ديبلومات و ها هو ݣالس..علاش لي غاتعذبي راسك و نتي عارفة من ورى الزواج ما تقدريش تخدمي...

ساريتا:ماشي ضروري لي بغا يقرا و يتعلم حتال آخر مرحلة على ود الخدمة،انا بغيت غير نكون واعية و راسي عامر،[كاتعبر بيديها]كايبقى فيا الحال ملي كانشوف وحدة كاتهضر باللغات الأجنبية بطلاقة و أنا ولا وحدة شديتها...

دراغون:أنا غانعاونك[زول ليها الشال و طلق ليها شعرها الطويل المحمقو]و لكن ديري فبالك حتى حد فهاد الدنيا ما ينوي يحل فمو عليك بكلمة الا و يلقاني فوجهو مكفنو...

ساريتا:[تمتمات بحماس]بصح؟؟..يعني حتى أنا نقدر نولي نهضر بيهم؟..

دراغون:[حرك راسو بالإيماء]دراغون عطى الكلمة و يقد بيها،الأهم تكون عندك إرادة التعلم...

ساريتا فرحات من قلبها و طارت عليه معنقاه بجهد مزيرة عليه،خلاتو يبتاسم و يطبع قبلة على عنقها حتى بورشها...

ساريتا:[بعدات عليه و طبعات قبلة على شفايفو]شكرا حبيبي...

دراغون:[زير على خصرها غاياكلها بعينيه]تعلمتي لملتك طريقة الشكر...

ساريتا:[همسات بنبرة خافتة..بنظرة جريئة]هادي ساريتا اللفيفيعة ديالك و لي حطيتها فبالي نتقنها...

ناضت من حداه بزربة كاتعيوج قدام أنظارو..مخلياه متبعها فكل خطوة و حركة كاتديرها حتى زولات العباية...بقات بديباردور و شورطو القصير ديال النعاس..

حتى فاجئها لسؤال فشلها على الآخر من الخلعة..

دراغون:[ميل راسو فيها]دعواتك كلهم مفهومين إلا وحدة..[صغر فيها عينيه]أشنو درتي فالماضي و كاطلبي الله يسمح ليك؟..

ساريتا:[سرطات ريقها..وتروها شوفاتو كثر..و خلات رجليها يخويو بيها و طيح حتى ناض بزربة لعندها]الماضي..داكشي لي درت فيك و الهروب لي هربت...[طلعات النفس بصعوبة حاسة من شوفاتو شاك فيها و هادشي لي خايفة منو]ط..طلبت ربي يسمح ليا على هروبي و خليت ورايا واليديا واكلين قلبهم عليا...

دراغون:[دوز إبهامو على عنقها مقابلها بنظرات فشكل]نفس الدعاء دعيتيه هادي أيام..و هادي ثالت مرة..و السبب هو هروبك...[ضغط شوية على عنقها حتى تلونات موسعة عينيها فيه]بلا ما نعاود نحذرك بلساني على الكذوب..و ندوز للتطبيق هاد المرة..