قصة زواج متقـــف الفصــــل الثاني(التتمة)

325bart

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  325💀

فتاح:[بطلب]هي لا تواضعتي معانا و خليتيني نربح غا هاد المرة الواليد...

دراغون:[خنزر فيه شي تخنزيرة حارات]بنت لمك كانفرق فالفلوس هنا..نوض تقو•د عري على كتافك و خدم...[قلب عينبه لجيهة تيليفونو لي كايصوني و هو يرجعها لفتاح]غا تنوض من قدامي و لا نقو•د معاك السوايع ختار وحدة من الجوح...

دفع فتاح الكرسي بالنفخة و خرج كايبرݣم تحت نيفو...مخليه شد الخط مع البوليسي لي مصوني ليه من الكوميسارية...

البوليسي:سلام سي دراغون كانتمنى تكون بخير و سمح لينا لا زعجناك...

دراغون:تكلم أشنو كاين باختصار...

البوليسي: عاد شي شوية هادي جات عندنا واحد المرا بغات تبلغ على شي واحد كايجيك سي دراغون...على شي ولد خوك  و لكن ما عطيناهاش وقت و جرينا عليها...قلبنا نخبروك بلي كاين...

دراغون ما ستاغربش من لي قال كأنه عارف غاتديرها و قطع الخط...كايدور فتيليفونو بين يدو شحال و عينيه للأمام كايفكر...

وقف حركة يدو و دوز الخط لعتيق لي ما بقاش بزاف و جاوبو فالبلاصة...

عتيق:وي برو...

دراغون:درتي داكشي لي قلت ليك؟..

عتيق:[لاح الشوفة فنزار لي كايشرب و مشتتين حداه قراعي د الشراب]جبتو لطنجة و لكن حالتو غا ما زادت و ترجع اللور...

دراغون:[تحت سنانو]داك الراس غاترطبو ليه و  داك القلا•وي لي كايشرب غاتمنعو عليه كاتسمع؟..

عتيق:واخا أ برو غانحاول معاه...المهيم نتا رتاح من جيهتو غاتبقى عيني عليه...

                          _____

بعد دقائق قليلة كان حط محمد رجليه فدرب عدوو لي كاىهو و بجنبو بوليسي كايعراق وينشف غا بوحدو...

محمد:[خنزر فيه]ترجل أ صاحبي...واش واحد بحالك بحالو خالعك!..

البوليسي:[بلع ريقو]لا لا أ الشاف غا مع الصهد...

محمد قلب نظرو للجيهة الأخرى ما عندوش الݣانة يتجابد معاه فالهضرة...و دخل للدرب بخطوات سريعة حتى خرج فطريقو دراغون وقف ليه فطريقو... بملاميح باردة مرسومة على وجهو قايل ليه...

دراغون:مرحبا بسي البوليسي فوكري...

محمد:[باستهزاء]على هاد الحساب بلا شك غايكونو كلابك قامو بالواجب...

دراغون:[ببرود]دوز تشرب واحد كاس القهوة تقاد ليك المزاج...

محمد:[بعصبية]فين هو ولد خوك الشماتة لي حاݣر على البنت و باغي يقتلها؟..

دراغون:[بتاسم بالجنب خلا محمد يزيد يتعصب]غانجيبو ليك بصفتك بوليسي و لا واحد جا كايطالب بالحق..

محمد:اليوم غايمشي للبلاصة لي تليق بأمثالو و أمثالك...

دراغون:و لكن على ما أظن خاص يكون دليل بين يديك قبل ما تجي تديه..

محمد:غير شاهد واحد كافي نلقي عليه القبض أ سي دراغون...

مباشرة مع انتهاء كلامو سمع صوت تيليفونو كايصوني...

خلا نظرة خبث تظهر على محيى أعينو الزرقا و هو مرمقو بهدوء تام...

دراغون:جاوب على الاتصال دغيا...ما ربما تكون شي حاجة مهمة...