قصة زواج متقـــف الفصــــل الثاني(التتمة)

bart 312

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  312💀

الدري:وا تا العشير على هادشي قلت ما متأكدش...غاتكون غا شي وحدة من تريكتها ناويين يخط[سكت على غفلة ملي لمحها كاتطل من الشرجم و ما تخفى عليه بلي فاتي]

نزار:[شافو سكت و ستاغرب]مالك العشير...

الدري:ما عرفت كي غانقولها ليك...و لكن عاد شفت فاطمة الزهراء طلات من الشرجم...و مقادة البنت و مزوقة...باينة بلي هاد خطبتها...

نزار ما قدرش يستاوعب الصدمة و قطعو فوجهو...حس بقلبو ضرو و حجرة تحطات عليه...بحالا شي حاجة كاتسلب منو...

حرك راسو بلا بعدم تصديق و دوز الخط كايصوني ليها و لكن كايلقى التيليفون مطفي...غوت بعصبية كايضرب يديه مع الحيط بجنون...

ما مصدقش كيفاش قدرات تكذب عليه و تقوليه مسافرة...يعني من اللول كانت مخططة لهادشي...و لكن علاش بينات اهتمامها بيه..علاش بينات خوفها الكبير عليه نهار تضرب و علاش كاتبين بلي هو مهم بزاف عندها...

علاش خلاتو يحس بأنها كاتبادلو نفس شعورو جيهتها...ما قدرش عقلو يتقبل هادشي...

مشى مسرع خطواتو خارج للدرب معاليم العصبية باينة فيه...باغي يمشي يطير لعندها و حتى باش يمشي ما عندوش...

شاف واحد عاد خرج من طموبيلتو طار لعندو دافعو و ركب فيها مكسيري دغيا مخليه كايغوت وراه..

    __________

على وقع خطوات خفيفة بالكاد كاتسمع...كان  مراقب بأعينو الكولوار لي خاوي...من حسن حظو العائلة ما كانتش واقفة هنا...

وقف أمام الغرفة لي بيها ساريتا ناعسة..بتاسم بخبث ممزوج بخوف لا يجي دراغون...واخا وصلو خبار أنه غايتعطل فزحمة الطريق بسبب كسيدة دارها بلعاني باش تلهيه ريتما قتل أناكوندتو...

لبس الليݣات و وضع يدو على البواني مراقب بأعينو النواحي...

حيدر:حينت قلبي هشيش...غاتبقاي فيها أ مرات خويا الغالي نخلي الپيپي يمشي بلا بيك...خلي الدقة مضاعفة للبزناز...

قهقهه بخبث و حل الباب متفحص الغرفة لي كان الصمت داير بيها...لاح عينيه فالباياص و تغيرو ملاميحو للتفاجئ ملي لمحو خاوي...

بلا ما يزيد يقرب تفزع بخوف كايحرك راسو فجميع الاتجاهات بريبة...

حيدر:ف..فخ...هذا فخ ...فخخخخخ...

سرع فخطواتو خارج منتابه لرجال دراغون يخرجو من شي بلاصة...مشى كايجري حل باب الطاكسي فاللور ركب و أمر السائق يمشي...

حيدر:[كايهضر و يطل وراه]هذا فخ...تحرك طير سربي قبل ما يجي تحرك...

السائق حرك راسو و ديمارا بسرعة كبيرة حتى فاتو تماك خلاتو يتخلع و ينقدش من العصبية...

حيدر:واش نتا مريض..باغي تقتلنا هنا؟..نقص السرعة...

السائق ما ردش عليه و لا لبى لي قال بل بقى مستمر فالسوقان حتى وقف الطاكسي على غفلة...

خلاتو مشا و جا حتى تضرب مع الكوسان...طلع راسو مخرج الموس من جنبو  ناوي يصفيها ليه و يغفلو...حتى حس بيدو تشدات من قبضة قوية...