قصة زواج متقـــف الفصــــل الثاني(التتمة)

bart 314

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  314💀

شافتو ما ناويش على خير و هو جاي للدار...تخلعات و تلفتات وراها خايفة توقع شي حاجة و الناس باقي للتحت...

بلعات ريقها و سدات الشرجم دغيا خارجة كاتجري...تسلتات بشوية رادة البال لا يشوفها حد حتى وصلات الباب و حلاتو بلا حس...لقاتو كان يالاه غايدق بجهدو معول على خزيت...

طلعات نفس و نزلاتو بخوف و هي كاتشوفو قدامها بشوفات رعباتها من الداخل...متقدم لعندها حتى شد فدراعها مزير عليها..

نزار:[بعصبية باردة]مم وتاك القفطان...

فاتي:[رجعات الباب وراها بذعر و هضرات بشوية موجعة]طلق مني واش حماقيتي...اش جاي دير عندي هنا...سير رجع منين جيتي...

طلعها و نزلها بعيون حمراء بالغضب...نترات منو و كانت غاترجع تدخل هاربة منو قبل ما يشدها من شعرها و يجرها بقوة نحو الطموبيل...

و هي كاتمة غواتها بصعوبة لا يسمعها شي حد و يخرج و تصدق طايحة فمشكيلة...

فاتي:[بهمس شديد]رخي مني رخي هاويلي واش تسطيتي...

نزار:[عروقو بارزين]باغا تخطبي...واخا أ لالة هانا نوريك الخطبة و الكذوب ديالك بشحال غا يتقامو...

شدها ركبها بزز فالطموبيل و هي كاتنتر حتى صرفقها بظهر يدو...

سد عليها الباب و مشا ركب من الجيهة الاخرى...مخليها مخرجة عينيها جامعة عليها العصبية من لي دار و الخوف من لي ناوي يدير...

عارفاه ما غايسكتش على هادشي و عارفة اخيرتها غاتكون بحال ساريتا..و لكن ما بغاتش فنفس الوقت تختار سعادتها و تاخد السخط من عند والديها...ما بغاتش تخسرهم و تفضل قلبها عليهم...

نزار:[ضرب يدو مع الݣيدون معصب]كيفاش قدرتي ديريها كيفااااااااش؟...

فاتي:[بلعات الخوف ناطقة بصوت عالي مقابل لصوتو]هادي حياتي و من حقي ندير فيها لي بغيت...نتخطب و لا نتزوج نتا آخر واحد يحاس..

نزار:[قاطعها بنبرة جنونية]من حقي و بزز منك كاتسمعي...ما حدني كاتنفس ما غاتكوني لغيري و هاد زواج الخرا بلا ما تحلمي بيه حينت نتي ديالي بوحدي بووووحدي...

فاتي:فعلا راه طار ليك داك شوية العقل لي بقى ليك...[بعصبية معلية يديها امام وجهو مورياه الخاتم]أنا ديال خطيبي ملكو ديالو بوحدو...و قريب غايكون راجلي كون ما دخلتيها لراسك حسن...

نزار:[ضرب يدو و عاود بعصبية بالغة]سكتي سككككككتي الكلبة....[ضغط على خاتمها حتى خسرات سيفتها بآلم]ما تستافزينيش كثر و تخليني ندير لي ما يتدار...

فاتي:[رجعات الشعر من ورى وذنها بجهالة]اش فجهدك ما دير هاااا؟...[قالت جملتها بغصة حابسة بكيتها]ما تنساش راسك راك غير بحال خويا...ما تجاوزش حدودك كثر و تخليني نكرهك...

نزار:[نطق بشر مدور وجهو لجيهتها بنظرة قاسية]كلامك وفريه ملي نوصلو و تولي ديالي لباقي الحياة و بزز منك...

يديها كايرجفو عليها و هي كاتسمعو كايسب و يعايرها على لي دارت...خافت و لأول مرة منو..ما بقاتش حاسة بالأمان معاه و هي كاتشوف واحد اخور فبلاصتو...

ردات للبال للطريق لي غيرها و تكونو حبيبات العرق...تفكيرها مشا لحاجة وحدة محافظة عليها هاد السنين...الى دارها غايكون رسم نهايتها بيدو...