قصة زواج متقـــف الفصــــل الثاني(التتمة)

bart 273

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  273🎲

           مكان آخر

بعد ممارسة حميمية كانت لابسة شوميز دو نوي و واقفة هازة الكاس د الما...قلبات عينيها لجيهة صلاح الواقف فالبالكون كايكمي براحتو عاطيها بالظهر...

نجلاء:حسيت بيك فرحان على غير عادتك أشنو طرا و جرا؟.…

صلاح:عادي..

نجلاء:ممم..على هاد الحساب الله يدومها...

دار لعندها مقرب ليها و هي خدات كينة لاحتها ففمها بلعاتها و شربات الما...

صلاح:[عبز صدرها بين يدو]دايرة احتياطاتك..

نجلاء:[عضات على شفايفها بضحكة]على عكسك نتا...

صلاح:نتي فيك الكفاية...ما مضطرش ندير واقي...

نجلاء:هاد الكينات كي والو عندي..أشنو كايحساب ليك غادي تبقى بلا واقي و بعد نهار و لا بعدو ما نلقاش راسي حاملة!!...

صلاح:[لصقها مع الحيط]بقى ليا غا الحمل...غير رتاحي عمر الحمل غايوقع و انا ما خويتوش فيك الداخل...

نجلاء:[علات حاجب]غير فكر و عاود و شوف واش درتيها شي نهار و لا لا أ الغزال...

دفعاتو من عليها بلطف و توسطات الناموسية متكية شايرة ليه جيهة الباب يخرج...و صلاح ما عطلهاش سرق منها قبلة عنيفة و بعد خارج و هو كايصفر...

مخليها تنهد بحزن و هي كاتلامس شعرها طالقاه...ظنات غا يكون شدها فقر الدم و لا الستريس بخصوص حالة ماماها هي السبب...

        صبـــاح يوم غد

وصلات ثلاثة د الليل و هي كاتحرك فبلاصتها بانزعاج..النعاس طاير ليها من هادي نص ساعة و ما زارهاش...بفعل الردان لي كان كايجيها سخفها..

تأففات بسخط و دورات وجهها ناحية ظهرو لي مقابل معاها...هي كاتقلب فالفراش بلا راحة و هو ناعس مرتاح..هادشي لي كايدور فعقلها قبل ما تطيح فكرة ثانية فبالها...

ساريتا:[فخاطرها]يالاه أ ساريتا يالاه نتي قدها و قدود...خاصك تنغصي عليه نعاسو و ما تخليه مرتاح كيف ما مرتاحة....

استجعمات زعامتها و حركات يدها ناحية ظهرو كاتنغزو نغزات خفاف باين فيهم شحال خايفة لا تكشف..ساع ما تحركش و فاق...

عضات على فمها مغوبشة و عاودات نغزاتو نغزات و هاد المرة قاصحين ...خلاتو يخسر ملاميحو و يدور لعندها عاقد حواجبو...

دراغون:مالنا؟...

ساريتا:[قربات شوية لعندو كاترمش بهداوة]الدلاح..

دراغون:[تݣعد شوية معلي فيها حواجبو]دبا منوضاني باش تقوليلي هاد كلمة دلاح...حلمتي بيه ولا؟..

ساريتا:لا..الدلاح بغيتو دبا و مشهياه..[تشبتات فدراعو]نوض جيبو ليا دبا...

دراغون:[وسع عينيه فيها بجدية]حماقيتي!!..كاين شي دلاح فهاد الوقيتة و هو مازال ما كاين فالسوق...

ساريتا:[ميلات فمها للتحت]ما شغليش بغيتو...

دراغون:[طبطب على ظهرها و رجع نعس غالبو النعاس]دبا يفوتك الحال غير رجعي نعسي أناكوندتي...

ساريتا:[شافت فيه بنص عين و قالت بزعل]وا بغيت الدلاح دبا...

دراغون:ساريتا نعسي...