𝑩 𝒂 𝒓 𝒕 376🚬
تصدم ماجد شوية بدى يضحك و جبد حتى هو سلاحو و رجالو نفس الشي...
سميحة و ساريتا ولاو غير يشوفو مصدومين يالاه بداو يتأقلمو مع المواس لي كايشوفو فالدرب و لاو حتى الأسلحة فالخط...
ماجد:كيف العادة...حاسب خطواتك...[ميل راسو]و دبا غاتسمعني مزيان و تنفذو بالحرف...غايتغير الاتفاق و فعوض ما تديهم بجوج معاك...[وقف بين سميحة و ساريتا]غاتختار وحدة فيهم يا ماماك العزيزة و لا مراتك الغزالة...
دراغون:[زير على ضروسه بحقد]كاتمرݣن عليا يا الزا•مل...بالرب العالي و تجيبهم ليا حتى نفرغ هاد الرصاصات فراسك...
ماجد:قبل ما تدير شي حاجة ماشي تالهيه[شير بسلاحو لراس سميحة و الراجل حداه صاوبو جيهة ساريتا]فكر بلي انا ملك هاد اللعبة...دبا غاتختار شكون غاتختار و تنقذها من الموت...و شكون لي غاتضحي بيها و تموت قدام عينيك...[شاف فساريتا]واخا باين شكون لي غاتضحي بيها...
ساريتا دمعو عينيها و ذاتها كاترجف عليها طلعاتو بشوفة حزينة و هي كاتشوف فيه...ما توقعاتش غاتكون نهايتها بهاد الشكل...طيح فاختيار بينها و بين مو لي والداه...
لأول مرة يطيح فموقف أصعب من قبلو...رمقها بنظرة باردة و حولها لجهة ماماه...
سميحة:[حركات راسها بلا كاتبكي...عارفة بهاد الاختيار غايدمر حياتو بعد ما بدات تقاد]لا ولدي لا...عافا وليدي ختار مرتك و خليني أنا وليدي...عافا وليدي ما تدمرش حياتك بعد ما تقادات...انا راضية عليك أ وليدي راضية عليك...
دراغون:[سكت شحال و نطق بنبرة غريبة فشكل]الواليدة...
فك حيدر و طلقو و نفس الشي دار ماجد...مشات سميحة دازت من حدى ولدها و هو الشوفة هي اللخرة ما شافش فيها...حتى وقفاتو بصوتها...
سميحة:هادشي لي رباك عليه باك...علاش كاتخرب حياة خوك..اشنو دار ليك من غير لاح راسو فهاد خدمة الويل على ود باك و على ودك باش تنوض على داك الكرسي المتحرك...
حيدر:[ندافع عندها]أرغد..أرغد...ملي عقلت على راسي و نتي غير أرغد ففمك...قريتوه و عطيتوه الاهتمام كامل و خليتوني محطوط فالقنت ما كاين لي تسوق ليا غير حينت كنت ما كانتمشاش...كتبتو ليه الدار فسميتو و ديما كاتمجدو فيه بحالا صنع ليكم الصوارخ...
سميحة:أش غانقوليك أ ولدي...الله ياخد الحق فلي كان السبب...ديك الكافرة عمراتك راسك ضدنا و سمماتك علينا عمرني نسامحها...ربي لي شاهد شحال ضربت الكورفي عليكم غير باش ما تخصك حتي حاجة فالوقت لي كان خوك فالحبس....
حيدر:فين كنتي نهار ولدك العزيز لاحني فالحبس...سنوات و عمرك طليتي بالسيف لقيتيها سبة...نتي بالأخص أ لالة سميحة كرهتك عمرك ما قمتي بدورك كأم معايا و جات الدور عليا...عمرني غانعتابرك مي لي ولداتني...و كانتمنى ليك من عندي غير الموت....
دراغون عيونو المحقونة بنار الغيرة كانت محطوطة على ساريتا لي كاتوشوش مع ماجد...جاه الاستغراب و وذنيه مع هضرة ماماه و خوه...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
