الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 357🚬
ما عطلاتوش..دغيا جبداتو بحماس و بدات تسيلفا معاه...مرة مقاربين بلقطات حميمية و مرة مباعدين على قبل الناس لي كايشوفوهم...
داز وقت و هما مع بعضياتهم برا...نزلو لجنب البحر كايتعاودو...
ساريتا:طرف الخبز صعيب[دورات عيونها على صحاب الماكلة لي كايدورو]و صعيب تاكلو الى ما حطيتي ريتك و جبتيها من فم السبع...
أرغد:هذا هو حال صحاب الشواهد و الديبلوم..طريق الحرام لي مسهلة فهاد البلاد...
ساريتا:[وقفات مقابلة معاه]و نتا؟...شحال من مرة كانشوف اللغات عندك مسرحين و من حالك كاتبان قاري و شابع من القراية...علاش خديتي طريق الحرام و خليتي الحلال...
أرغد:[قلب أنظارو للفراغ بصمت..دكراتو بذكريات مميتة]
ساريتا:واخا يوقع لي يوقع انا مرتك و من واجبي نوقف معاك[شدات ليه فيدو كاتدوز كفها بحنية عليه]و من حقي نعرف ..حل ليا قلبك و لو مرة و قول ليا السبب لي مخليك تختار الحرام على الحلال..
أرغد حول بؤبؤ عيونه لوسط عينيها...حولات عينيها ليدو لي شدات فيدها و جرها معاه ناحية شي صخور بعاد على الناس...
جلسو ساكتين...طلع نفس طويل و زفرو بالكاد سمعاتو حسات بحالا هاز هم كبير فداخلو غير من تنهيدتو....
أرغد:القراية ما عندها باش تنفع فهاد البلاد...ملي كانت عندي 12 عام و صحتي بدات كاطيح بالخدمة فالقهاوي و الفيرمات عند لي يسوا و لي ما يسواش..ما خليت حتى خدمة الويل و ما درتهاش غير باش ملي نكبر نحقق الحلم لي باغي...
ساريتا:[تغيرو ملاميحها متأثرة]أشنو كان الحلم ديالك....
أرغد:[شبك يديه مع بعض قايل ببرود]بوليسي..كان عندي كاع الشروط لي نتقبل بيهم و لكن بسباب مدابزة كبيرة مع ولاد الكلاب درب مولاي رشيد لصقو ليا مونتيف وصلوني بيه للحبس...
رجعات بيه الذكرى لنهار دارو ليه الحشيش فقلب بيتو و تسجن عليها و ضاعت حياتو و مستقبلو و حلمو تبخر...
و باش قفروها عليه غرقوه بشهادة الزور منبعض الناس من الدرب...
من ورى جدران الحبس كانت كاتوصلو خبار باه لي بدات ترجع اللور بالخدمة لي ما بقاش قادر عليها...و وصل لفراش الموت...لا ياكل و لا يشرب و لا قادر يتحرك من بلاصتو...
ما كان لي يهز بيهم و يصرف عليهم...كان دراغون محمل مسؤولية دار على قدها...الدار لي كانت ما مصلوحاش و صغيرة...
و حالة الصحية لحيدر ما كانت مساعفاه و هو مقعد على كرسي متحرك بسبب حادثة...فأم دراغون ضطارات تعري على كتافها للخدمة الجفاف و الكورفي عند الناس...
أرغد:[كايعاود ليها بحقد مرسوم فكلماتو]و أنا فقلب الحبس ما كانش عندي خيار من غير نحط يدي فيد البزنازة باش نلقى باش نصرف على واليديا و نخرج...[زفر نفس و رمقها بنظرة جادة ]هاد الخدمة لي ما عاجباكش هي لي هزاتني و هزات والديا من الفقر..
ساريتا:قسات عليك الوقت و الدنيا حتى وليتب قاصح مع الناس و معايا[حطات يدها على حنكها،منزلة حواجبها بقهر من لي عاش]و لكن هاد الطريق ديال الحرام ما غادومش ليك...
أرغد:يكون يرجع بالزمان اللور نعاودها و ما ندمش أ أناكوندتي...داكشي لي ضارك فراسك هانتي عؤفتي أجوبتهم[ناض عطاها بالظهر]و دبا نوضي نمشيو بارد عليك هنا....
ساريتا:[بغى يمشي و شدات ليه فيدو]شحال قدك تبقى فهاد الطريق..واش ما فكرتيش بلي نهاية الطريق يا الحبس يا القبر...
أرغد:[غمض عيونه و حلهم]ساريتا...خليني ترونكيل و بلا تندميني ملتي حينت عاودت ليك...و اخر مرة ما تحفي معايا هاد الكاسيطة د النم بحال الواليدة...
ساريتا:يا قاتل يا مقتول فهاد التبزنيز[وقفات تقابلات معاه مانعة عليه الطريق]ما فكرتيش بلي فأي تجارة كاين التنافس بين التجار و باش يحيدك يا يلصق فيك مونتيف و لا يقتلك...[دمعو عيونها..حاوطات وجهو بكفوفها و خلات عينيه يستاقرو فبنية عيونها]ما فكرتيش فيا أنا أشنو يوقع ليا الى وقعات ليك شي حاجة...و لا فماماك؟.. باراكة ما تجاهل إحساس الخوف عليك...و بلا ما دير فيها قوي و يدك واصلة...غايجي النهار لي غاطيح و عديانك غاينهشو فيك نيابهم...
أرغد:[باس ليها جبينها بحب]نتوما أغلى حاجة عندي...ما حدني كانتنفس حتى حاجة ما تبعدني عليك و لا على الواليدة و ولادي...[مسح دميعاتها بإبهامو]وليتي حساسة و هاد الحمالة كملات على مك...أجي عندي أجي أناكوندتي الصغيرة...
جرها معنقها عندو مزير عليها و هي بادلاتو دافنة وجهها فصدرو...صعيب عليها تقبل يبعد عليها... بمجرد ما كاتفكر فيها كايضياق عليها النفس...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
