قصة زواج متقـــف الفصــــل الثاني(التتمة)

بارت 358

  الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  358🚬

  ____________________

                    صبـــــــاح جديــــــد

جالسة متكية على الشرجم حاطة يدها على حنكها و عينيها كايجولو ناحية راس الدرب...

سميحة:يالاطيف موالف هاد الراجل يضرب الدورة هنا..و اليوم غبر حسو...[نزلات عينيها للدراري لي واقفين حاضيين الدار]ما صاب كون هاد السلاݣط يديهم عليا أرغد و يهنيني منهم...يجيبو ليا غير الخنقة...

سمعات صوت التيليفون ديالها كايصوني...يالاه تحركات تشوف شكون حتى شافت حسناء كاتزرب فخطاويها عطاتو ليها...

حسناء:أ جدة راه عمي عتيق كايصوني... راني مخلوعة لا نحصلو...

سميحة:تي توݣدي معايا يا هاد البنت قبل ما نليعك بشي قرصة و طلقي التيليفون لهنا...[شدات الخط]وليدي عتيق...

عتيق:[مقابل مع البيسي]سلام خالتي سميحة...الأمور مزيانة عندكم...شفت أبيلات بزاف من عندكم ياك بخير!؟...

سميحة:[كاتمثل بلعاني]اااااه أولدي عتقني غانموت...الوجع يا وليدي الوجع... ااااه...كانحس براسي ماشي هي هاديك و ما كاين لي يديني السبيطار...[بصوت ضعيف مصطنع]عتقني...

عتيق:[ناض بسرعة]خالتي سميحة واش مريضة نتي بخير؟...جاوبيني واش نتي بخير؟...

حسناء:[طلعات نفس و نزلاتو و خدات التيليفون من عند سميحة]عمي عتيق عتقنا أ عمي عفاك...عفاك اجي لعندنا للدار حنا محتاجينك جدة حالتها ماشي هي هاديك و ما بغات حتى دري من لي برا يدوها للسبيطار من غيرك...

عتيق:[خدا نظاظرو لبسهم و خرج من القهوة]هاني جاي لعندكم...

رمق جمانة بأخر شوفة مخنزر فيها و هي واقفة بعيد كاتضحك مع زميلها فالخدمة و دخلو للسبيطار...

عتيق:[متاجه للوطو]على آخر يامي وليت نتبع البنات و ندير فعايل السلاݣط...

ركب فطموبيلتو و زاد مع الطريق...ما خداش بزاف ديال الوقت و كان وصل على وجه السرعة نازل...

دق الدقة اللولى و حلات ليه حسناء كاترجف بالعة ريقها...

عتيق:كيف بقات خالتي..

حسناء:[شارت ليها للداخل]كاينة فالصالون ما قادراش تحرك...

ما جاوبهاش و داز من حداها مزروب فخطواتو حتى لمح سميحة مجبدة فواحد السداري كاتبوحط..

سميحة:أياياي قلبي كايضرني يا وليدي كايضرني...حاسة بيه غايسكت...

عتيق:الله يهديك أ خالتي ملي شفتي راسك عيانة قوليها للدراري يدوك للطبيب[خرج تيليفونو باغي يصوني للطبيب]صبري نصوني عليه يجي عندك ...و الله يهديك أ خالتي راه الصحة ما معاها اللعب...

قفزاتو سميحة بغوتة شادة فقلبها فزعاتو بيها و خلاتو يحط التيليفون على الطبيلة تماك...

عتيق:خالتي صبري غانهزوك دبا للسبيطار...

سميحة:لا وليدي لا...وا تقول غانمشي لداك السبيطار و انا تقهرت منو...ديني غير لبيتي نرتاح يعطيك الرضا مرة مرة كاتجيني هاد الحالة الى نسيت الدوا...

عتيق:[بجدية]صحتك أ خالتي سميحة على قد الحال...ما تبقايش تهاوني فيها و الدوا فالوقت...[دور وجهو ناحية حسناء]و نتي أ حسناء فكريها فالوقت و ردي بالك معاها...

عاون سميحة داها لبيتها و لاهاتو تماك باش يتعطل فالبيت...مرة تقول ليه جيب ليا دوايا مرة هادي مرة هاديك...

و حسناء برا تحنات هزات التيليفون قبل ما يطفى و دخلات لجيهة الرسائل هما اللولين ما لقاتش محادثاتو مع باباها...

دخلات للواتساب حتى هو و نفس الحاجة لقات ..

تأففات بسخط و رجعات التيليفون فبلاصتو و طارت تخشات فالكوزينة ملي سمعات الباب تحل...

سميحة:[ما عرفات ما تدير]لواه أ وليدي يهديك الله انا علاش عيطت ليك نتا الى كنتي غاتجي تبرزط أرغد دبا...و هو يالاه لقى وقت يدوزو مع مرتو...

عتيق:ما عندي كيف ندير من حقو يعرف...هو وصاني نعلمو بأي حاجة واقعة فهاد الدار...ما نقدرش نخبي شي حاجة على برو...الله يشافيك...

خرج و خلاها كاتخمم فهاد الحصلة كانت ناوية تلقى راس الخيط لمشكيلة صدقات فمشكيلة كبر...

دخلات عندها حسناء و عاودات ليها بلي ما لقات حتى حاجة تنفعها...و زادت سميحة من خيبة أملها و بقى فيها الحال..