قصة زواج متقـــف الفصــــل الثاني(التتمة)

البارت 229

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  229

              ________________

صوت التطبال كايتسمع منين و منين..جاي من دار دراغون...فالصالون جالسات العيالات يطبلو..ها لي شادة طعريجتها..و ها لي شادا طارتها...

منوضين الحيحة فالدار لو كان ما كانتش فخبار دراغون ما يزعمو يحطو رجليهم فيها...

واقفة حسناء تشطح مع فضيلة و شي بنات و لاخورين يطبلو و يصفقو...النشاط باين عليهم من غيرها هي...

جالسة وسطهم العيالات كايحاولو يعرفو معلومات عليها..يعرفو كيفاش قدرات طيح بزناز على قدو فشبكتها..و هي كاتجاوب بالقياس..

المرا 1:ايوا يا بنيتي ما قلتيش لينا وقتاش تزوجتو..

المرا 2:أ وعدي يا فوزية فين مشا عقلك...راه باينة عاد تزوجات بيه...

ساريتا:[شداتها الحالة تنوض تشطح و سميحة محلفاها فيها ما تنوض على حساب حملها]اييه تماما أ خالتي..

البنت:[قربات حداها ناطقة كاتبلحس و هي مادة ليها كادو]هاكي يا مرات البزناز هادو كادو مني ليك..نتمنى يعجبك..[شداتو ساريتا نافخة ريشها]نتي دبا ما شاء الله عليك زوينة و كاتباني مرزنة و مثبتة..ما تقوليش لينا زعما كيفاش  حتى طيحتي البزناز فشباكك..

ساريتا:[خنزرات فيها ناطقة بشر]مم..بغيتي الطريقة باش تستاغليها و دوري براجلي ياك؟..

البنت:[تخلعات من تخنزيراتها]لا لا ختي حاشا غا بغيت نستخدمها مع صاحبي و نخليه يموت عليا و يجي يخطبني...

ساريتا:كوني على طبيعتك و عطي القيمة لراسك..و ما تكونيش ساهلة و أكيد غايجي يخطبك...

البنت 2:زيدي شرحي لينا أختي عفاك..أنا مخطوبة و خطيبي كايجاوب وقت لي يعجبو ما عاطينيش قيمة و انا باغا ندمو...

المرا 2:[غا سمعات اش قالت ليهم و هي تجلس حداها دافعة واحد البنت]الله يرضي عليك يا بنيتي نصحيني أنا راني عييت.. اشنو غاندير مع راجلي لي سقرام و نݣار...

ساريتا:[بغات تفتح فمها حتى طاحت فبالها فكرة دوراتها فمخها مزيان و قالت بمكر كاتشوف فيهم]حالكم ساهل عندي البنات و العيالات...قربو نقوليكم..

قربو عندها العيالات و البنات و هي تحنات كاتوشوش ليهم و هما يتصنطو ليها بتركيز..حتى بعدو شي يشوف فشي كايفكرو..

ساريتا:[كاتلعب بخصلات شعرها]درت معاكم المزيان..جربو عاد خلصو...

العيالات و البنات ما لقاو حل من غير يوافقو..شافوها هي غاتعاونهم..كيف طيحات اكبر بزناز هنا..غاتخلي تا هما يطيحو رجالاتهم..

ساريتا:ايوا على هاد الحساب غاتاخدو نمرة حسناء تماك غانصايب كروب واتساب و نوريكم اول خطوات تديروهوم...

سميحة:[حاطة يد فوق يد واقفة عليها]اش بغيتي ديري بهاد الواتساب...

ساريتا:[دورات عينيها غمزات العيالات و قالت]والو أ عݣوزتي الحبيبة..ماشي شي حاجة[ناضت قربات حدى وذنها]خالتي سميحة زعما ما تخلينيش نشطح اليوم عفاك..

سميحة:لا هي لا قلت ليك..تي باغا طيحي الولد قبل ما يتزاد...

ساريتا:[صغرات عينيها فيها بصمت قبل ما تنطق ببرود]أرغد لي وصاك ياك؟..

سميحة:[قلبات عينبها للجيهة لاخرى]لا حول و لا قوة...و الى وصاني راه من حقو..هو باه و يخاف عليه...

ساريتا:[فخاطرها]نتا غالط أ سي أرغد الى سحابتي غانجلس اليوم و ما نشطش بفرحة حملي..[بتاسمات لسميحة]واخا أ خالتي...هضرتك فوق الراس...

حركات سميحة راسها بأحياني عليك و مشات جيهة الكوزينة..تبعاتها ساريتا بعينيها حتى غبرات و مشات تابعاها بخطى بطيئة...حالفة اليوم تا تشطح و ما يوقفها حد..