قصة زواج متقـــف الفصــــل الثاني(التتمة)

bart 324

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  324💀

رقية:[دوزات يدها على ظهرها]ما تخلعيناش عليك أ بنتي...اش كاتعني بالقتل؟..تي شكون غايقتل شكون...

نسرين:[وجهها حمر من دموعها]بنتي أ فاطمة الزهراء بنتي لي غايقتل ليا ..بنتي ..الكلب دعيتو فهاد النهار...

محمد:[عقد حواجبو]واش كاينة السيبة وريني هاد الحمار و أنا نربيه مزيان...

شافها غا ساكتة و تبكي و رقية بحالا شكات فواحد الشخص فبالها...

آية:[شدات فيدها]تهدني أ خالتي ...راه كاين المخزن...عاودي لي واقع لمحمد و هو غايربيه...

نسرين:[حركات راسها بلا]علاه فين هو المخزن أ بنتي فين...المخزن ما معاونيش...المخزن لي مشيت ليه نبلغ بهاداك ما بغى يسمع ليا و لا يعطيني تا الوقت ملي عرف شكون هو...المخزن ما غايحميش بنتي كبدتي أ عباد الله...[ضربات على فخادها بقهرة]بنتي ما قادراش نحميها أ عباد الله أنا مها و ما قدرت نحميها من الذياب...

محمد:[بنبرة صارمة]بنتك هي فمقام ختي و ما غانخليش لي يمسها...و داك الشماتة غاتقولي لي دبا فين كاين و غانديه يتبرد مزيان فالبلاصة لي تناسبو...

رقية:نسرين أ بنتي قولي ليه المعلومات لي يعاونوه يشدو ما تنسايش راه هو بوليسي...

نسرين:هو ولد خو البزناز لي مزوج ختك...داك لي ما يتسماش...كريم لي عارفو مزيان يا حسرة و تشارك معانا الطعام و لا اليوم باغي يقتل بنتي غا حينت غاتزوج بواحد من غيرو...

شاف فيها محمد بعدم تصديق ما مستاوعبش غايكون كريم لي كايعرف من ورى هادشي...شاف فرقية لي مصدومة بحالو و ناض بزربة و العصبية بدات تمكن فيه...اشنو غايتسنى من واحد بحالو و هو من عائلة البزناز...

لبس تجاكيطو و هز السوارت...لحقات عليه آية وصاتو يرد البال لراسو...تبعاتو بعينيها حتى مشى و هي مزال متفاجئة من هادشي لي كاتشوف...

رجعات لعندهم جالسة حداهم كاتصنت لنسرين لي كاتعاود على رقية على زواج بنتها و أشنو دار ليها ملي عرف...

رقية:[ما عاجبها حال]ها علاش ساريتا المرة اللولى هربات من داك صعصع...كون بقات مصرة ما تزوج بيه كان غايقتلها...اش هاد الزهر عندهم يا لطيف...

آية:[بحسرة]من ورى هادشي لي وقع أكيد وجودها فالدار راه خطر عليها...

نسرين:[بحزم]عندك الصح و لكن ما غانخليهش يقرب ليها...غانمشو نسافرو لمدينة خرى...

   ----------------------

مع وقيتة صلاة العصر كانو الرجال غاديين الجامع..كان هو جالس فالقهوة كيف ديما و هاد المرة فطبلة معزولة...قدامو جالس ولدو فتاح كايلعبو الكارطة..و فالجولة الثانية كان أيضا هو الرابح فيها...

فتاح:[خنزر فيه]وا لا الواليد تا واخا نكون عدوك ما دير معايا هاد اللعب القاصح...

دراغون:[تكى على ظهر الكرسي]ما طفرتيه أ ولدي حتى فالقراية و الخدمة بقى لمك أ الكارطة تغلبني فيها...

فتاح:برجولة الواليد زيد لعب معايا طرح بربي حتى نربحك...

دراغون:[جغم من كاس أتاي منعنع]بقات فالحلوف و لي قدك ماشي يصلي يا بن السلݣوط لاخور...

فتاح:و الله يتوب عليك أ الواليد غا طريح واحد...

دراغون:[حدق فيه بدوك العينين الزرقا]تسحابني لملتك ناعس على وذني و ما عايقش بداك التيليفون لي خسرتيه و كاتقلب على الفلوس باش تصايبو...