قصة زواج متقـــف الفصــــل الثاني(التتمة)

بارت 375

  𝑩 𝒂 𝒓 𝒕  375🚬
سمع خطوات و كايقربو ناحيتو...هز عيونو و هو يقرب عاقد حواجبو...مرمق نجلاء بحقد...

دراغون:واش مزال ما شبعتي من الزهو... لاش جايب ليا هاد الكلبة لعندي...

صلاح:الواليد..ماشي وقت هاد الهضرة...عندنا موضوع أهم من هادشي و هو نوصلو لجدة و مراتك...

دراغون:جايب قح•بة تعاوني نلقى مرتي و الواليدة..ما حشمتيش السلݣوط من فعايلك...

نجلاء:[تقدمات لعندو]نفس الكره متبادل و انا جيت لعندك غير على ود ساريتا...بغيت نكفر اغلاطي لي درت معاها...و هادشي علاش بغيت نعاونك و نعطيك راس الخيط...

عاودات ليه كيفاش حيدر قدر يوصل عندها و مساعدو لي كايعاونو كايوصل ليها أشنو دير...

دراغون:[سرح بتفكيرو لبعيد]عارفة معلومات توصلنا ليه؟...

نجلاء:عندي رقم تيليفونو...يقدر ينفعك توصل ليه...و حتى فين ساكن[طلعات النمرة و عطاتها ليه شدها]ها هي النمرة...

طلع فيها و نزل و خدى النمرة صايفطها لواحد يجبد ليه الموقع...

صلاح:[حنحن]الواليد...بغيت نعلمك أنه ملي تلقى الواليدة[شد فيد نجلاء و هي بتاسمات ليه]غانتزوج بنجلاء...

دراغون:يا أنا يا هي [قرب لجيهتو كايبانو نفس الطول]نهار تزوج بيها أ ولدي غانتبرا منك قدام العائلة...

صلاح:[بتاسم بالجنب]غانتعجب شي نهار الى دعمتيني فشي حاجة غانديرها...

زير على يد نجلاء لي بقى فيها صلاح...و جرها معاه لبرا مخليه متبعو حتى اختفى...

               الليـــــل...

النمرة لي عطات نجلاء وصلاتو لنتيجة...لهذا لاح الطعم بيها لمساعدو حتى جا برجليه و شدوه..و نفس الوقت رجالو قدرو يوصلو للبلاصة بالضبط...

لهذا طلقو المساعد ديال خوه يمشي ما وعاش بلي حط راسو فدوامة ما غايخرجش منها سالم...

دراغون:[كايسوق بيد داير ليكيت فوذنو]عتيق نعول عليك...

عتيق:[مخشي تحت اللوطو كايركب شي حاجة]كولشي تحت السيطرة...غير رد البال الرجال هنا كثار...

دراغون:[عينيه من المراية كاتشوف فخوه حيدر مربوط و كايهمهم]ماشي بعيد يكون داك الزا•مل عاود ليهم و دايرين احتياطاتهم..وصي الدراري ما يديرو حتى غلط...[سالا اتصالو و قال بمكر]نتا لي بديتي هاد العمعامة أ خويا العزيز و مدخل الزوا•مل و انا غانساليها...

الوقت الموعود وصل...

وقف اللوطو قدام الديبو لي كان فوسط الغابة...و نزل حال الباب الخلفي مخرج خوه جارو...

وقفو الرجال فنص طريقو قلبوه..و خلاوه يدوز...دور عينيه كايبان ليه الرجال فكل جيهة...

قرب ليه واحد الراجل عطاه التيليفون..

•••:كيف ديما...البزناز هو الكلمة...سير وقف جيهة الجرف...و بلا ما دير شي غلط يتعاقبو عليه لي كاتبغيهم...

قطع و خلاه يزير على قبضتو حتى بياضت...مشى دار كيف قاليه...و ما دازش بزاف ديال الوقت و بانو ليه رجال خارجين من الديبو و كل جوج شادين سميحة و ساريتا...

لي غير شافوه فرحو...شافت سميحة فولدها حيدر و دمعو عيونها...شحال توحشاتو و توحشات تشم ريحتو...

و ساريتا رتاحت نسبيا ملي شافتو بخير...و لكن كاتحس بقلبها مزير عليها ما عرفاتش علاش...

تقدم الراجل لي هو زعيمهم(ماجد)...كايضحك و غمز حيدر لي رد ليه الغمزة فرحان لي غايتهنى من عذاب لي معيشو خوه...

ماجد:وصل الوقت لي تلاقينا فيه اخيرا أ سي البزناز...

دراغون:هاني وفيت بهضرتي و جبت خويا العزيز تال بين يدك...نفذ الاتفاق بالحرف بلا زيادة فالهضرة...

ماجد:[قهقه بصوت مرتافع]بزناز بحالك معروف فكازا ما يحسابليش تفكيرو محدود و انني غانخليكم تمشو بهاد السهولة...

دراغون:كل حاجة بوقتها زوين[قصح فيها الشوفة المظلمة نتاعو]الكرة عندك يا تدير عقلك فبلاصتو و تجيب ليا الواليدة و مرتي ليدي بلا مشاكيل ..[خرج السلاح من تحت التيشورط لي لابس حيدر]و لا غانصفيها ليكم واحد واحد و نكمل بهاد الأخ العظيم...

غير بمجرد ما كمل كلامو ظهرو رجال وراه مصوبين السلاح لجيهة ماجد و رجالو...شاف فيهم بنص عين و رجع الشوفة لماجد المصدوم..